تعريف الطفحا
هذي عنزن لي ( انا يا شبيثان ) ولا عندي من حطام الدنيا الا هي وحماري المنصلق
( الطفحاء بجنبي تقول الله يالدنيا هالحين انا صرت حطام دنيا )
عاد اقولكم سالفتي من الى ....
كنت طال عمركم راعي حلال
واسرح بالحلال بهالخليان وبهالبران
ومعي حماري المنصلق عليه اغراضي
ودارت الايام وراحت الايام ويوم تطورت الدنيا مابقى عندي من هالحلال الا هالعنز وهالحمار
اما الحمار فهذا هو مربوط بالبيت بعد ما تقاعد من العمل
اما عنزي الطفحا فخليته تشوف رزقه وتدور على اكل عيشه
ويوم تجي اكلتن له قواطي
ويوم تاكل رضم
ومرتن من الايام طولت علي ويوم رحت ادوره لقيته عاضتن الرصيف
تخبرون الغلط من البلديه ليه ترصف الشوارع
هم مايدرون ان فيه عنز ميتتن من الجوع .
وراحت الدنيا وجيت
ويوم طلعت من البيت ابي امذرح على قولة المشنقل ابو هيلاهب اصفر ليمار هذي هي
منصفرتن عند الباب .
وانا اركض داخل البيت واجيب لي سطل ماء وانا ارشوه عليه
ويوم وعت وهي تراعيلي
وفهمت من نظرته انه تبي المساعده
وانا اجره داخل البيت واروح وادق على اخو سعدى
قلت تكفى يا اخو سعدى
قال ابشر بس وش العلم
قلت مصيبه جتني
قال افا وش العلم عسى منت مديون
قلت اكثر من كذا
قال وش السالفه بسرعه قلبي سقط بركبي
قلت عنزي الطفحا تلفض انفاسه الاخيره
قال طيب وش اقدر اسوي
قلت ياخي منت طبيب وشغال بالمستشفي
قال ياخي انا على الاشعه ماني طبيب
قلت اي شي بس اهم شي انك بالمستشفي
بالله يا اخو سعدى ساعدن
قال بس المستشفى هذا للاوادم بس
قلت هذي مهي غريبه هذي الطفحا رابيتن مع الاوادم
قال ياخي المستشفى ماعندهم هالسوالف
قالت اسمع انا ابجيب لك الطفحا وشفلي صرفه
المهم
التفت اخو سعدى لاخوه شنقل اللي لابسن هيلاهبه الاصفر ومتمركين يلعب كيرم
قال ياولد هذا يبي يفضحني
قال شنقل منهو
قال اخو سعدى الشبث
قال شنقل وش يبي
قال اخو سعدى يبيني اودي عنزوه للمستشفى
قال شنقل ماعليك منوه انا اوريك بوه
وهو يقوم وياخذ طاولة الكيرم معوه
قال اخو سعدى وين تبي
قا ابي اكسر هالكيرم على راسوه هو وعنزوه
قال اخو سعدى يابن الحلال انثبر هنا خلوه يجي ونتفاهم
ويوم خذو شوين ليمار هذا الشبث يطق الباب برجلوه
ويوم فتح لوه اخو سعدى ليمار شايلن العنز ويالله يتنفس
وجلسو يفكرون شلون يدخلونه المستشفى
قال شنقل انا عندي فكره
قالوا هاه وشهي
قال نلبسه ملابس عجوز ونربط راسه بعصابه وانت يالشبث زمه معك وقل هذي جدتي
المهم راحو لمستشفى بعد ما لبسوا العنز ملابس عجوز
ودخلوهم عند الطواري وجلس الشبث عنزوه على كرسي متحرك
وراح اخو سعدى ودبر واسطه وطلع له كرت وسماااه عبير
المهم راح الشبث يبي يخلص بعض الاوراق
ويوم جاء ليمار هكا الشباب عند العنز يغازله
وهو يهد عليه ويالله يفرقونهم
قال شنقل يالشبث لا تلوموه عيون عنزك من ورى البرقع تجنن
قال الشبث ياملا الجنون لعنبو بليسوه هذي عنز
قال شنقل ياخي اغلب هاللي لابساتن براقع عنزك احسن منهن بس من ورى النقاب جنان
مالكم بالطويله دخلو جدة الشبث ( قصدي العنز ) وسوو له اشعه
وشافو العجب العجااااااااااب
لقو في بطنه نعول ( الله يعزكم ) وملاعق وقراطيس وطرف فرشه وقوطي نيدو
وبلاوي
ويالله يسوون له عمليه ويطلعونهن من بطنه وتسلم الطفحاااااا ( عبير )
وتقلدوا تحيتي
المشاركة الأصلية كتبت بواسطة الشبث
المفضلات