كان الامير محمد بن عبدالله الرشيد(المهّاد) امير نجد غزّاي جهة جنوب نجد على القبائل اللي هناك فعاد الى حائل فكان ممّن غزاهم واخذ ابلهم جماعه من قحطان القبيله المعروفه الكريمه وكان ممّن اؤخذت ابله من قحطان الشاعر تركي بن سعد بن جليغم من الفهر من قحطان فاتجه الشاعر الى حائل واخذ معه بعض من جماعته القحاطين طامعين بكرم الامير محمد الرشيد ان يرجع ابلهم فلما دخل الشاعر تركي على الامير محمد الرشيد (المّهاد) قال هذه الابيات :
[poem=font="Simplified Arabic,6,white,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
ياراكب ٍ خمسة عشر مستعدّه =اوراك... تفعل على ماتريدي
مرباعها من عنز الى المستجدّه= وادي الرشا لازاف عشب ٍ جديدي
وميقاضها.. خشم الوحف يحدّه = وحل الصفاري شاربات الوجيدي
مقيال اهلها في وسوق الاشدّه = والعصر تمسي في بلاد العبيدي
منصاك من هو حاكم لي حد (جدّه)= اللي حكم نجدٍ بضرب الوديدي
ياما عطى من مصرفات الاشدّه=وجوخ البلنزا والزبون الجديدي
وياكم عطى من سابق ٍ مستعدّه = من دون صنع المغربي والمجيدي
وياكم سرى في ليلة ٍ مجرهدّه =من فوق .. مثل منحّفات الجريدي
يصبح قعود البدو يرثع بشدّه = قعدان بدو ٍ ناويات الشديدي
(الضيغمي) مانمدحه لأجل مدّه=غير ابن عم ٍ لي ..وفعله يزيدي
خمسة عشر مابين جدّي وجدّه = وعز الله ان عدّي وعدّه وكيدي[/poem]
ولما سمع الامير محمد الرشيد قصيده تركي بن سعد امر بإرجاع ابل الشاعر وجماعته واكرامهم
فرحمة الله على الامير محمد رحمة واسعه
رد مع اقتباس
المشاركة الأصلية كتبت بواسطة مشعل الغفيلي
المفضلات