فيه قطعة ربع من خوياي مستاجرين شقه عزاب علشان يجتمعون فيها
واللي من برى الرياض ساكنين به .
المهم بلشنا بتنظيف الشقه وحطينا جدول كل يوم واحد ينظف الشقه
بس العيال الله يهداهم بدو يتهربون
ويوم يجينا واحد يقول تعبان ويوم الثاني يقول بطني يوجعن
ويوم يجينا الثالث يقول عندي شغل ضروري
قلنا مالنا الا اننا نجيب لنا هندي ينظف الشقه ونعطيه كل شهر مبلغ وقدره
المهم وكلنا واحدن من العيال علشان يتفاوض مع حدا هالهنود اللي مالين
بقاع الوطن العزيز .
والولد ماقصر راح نفذ اتفاقنا وراح يتفاوض مع هندي
واتفق هو وياه على ان الهندي ينظف الشقه وياخذ 110 بالشهر
لكن للاسف في اول يوم جاء الهندي يبي يقطع الشارع علشان ينظف
وهي تجيه سياره تمشي خمس الاف وهي تنتف الضعيف ليمار من صيد
امس .ويوم تأخر عن موعده راح واحد من العيال يبي يسأل عنه عند
المغسله حقت خويه اللي لقاه عندهم ويوم جاهم ليمار يبتسون
قال وين اقبال
قال حدا الهنود ( وهو يتنهد ) اقباااااااال موووووووووووت
وهو ينصفر المسكين
وهم يقومون لهم صياح خوياه
وهو يفرك خوينا للشقه
ويوم جانا قلنا هاه يا فودان وين الهندي
قال مووووووووت
قلنا وشلون
قال والله هذا اللي صار يا عيال
قال حدا العيال وليه منغث عاد انت ؟
قال والله اللي غاثن اني كاسرت المسكين من 120 الى 110
واخاف انوه ميت وهالعشره بنفسوه
قلنا مالك الا تضحي لوه
والله يالربع ان هالسالفه صحيح
عاد رجعت انا للبيت وانا اهوجس بهالسالفه
ويوم نمت ........
كنت رايح للشقه ابي اسير على العيال
ويوم دخلت الشقه ليمار اللي اللي جالسين بنات
قلت ماعليش يالطيبات مهي شقت خوياي هذي
قالت وحده هلا شبيثان تعال الله جابك
قلت بنفسي بسم الله هذي تعرفن
ويوم قلطت قالت وحده انا تعاليل
وهذي سيدة القلم وهذي منيره ومن اليوم نتحرى اي واحد يجي نبي يكمل لنا
رابع نبي نلعب بلوت .
قلت ( والدهشه تمغط وجهي ) بس وش جابكن هنا
قالت سيدة القلم
ياورع تراك تبي تدوخنا انت تبي تكمل لنا رابع ولا تقلع
قلت مايخالف ابي اكمل بس علمني انتن اللي بالشقه بس
قالت تعاليل ايه حنا الثلاثه ومعنا الملاك غيداء
قلت وينهي غيداء؟
قالت سيدة القلم والله للحين ماجت من الدوام
قلت ما شاء الله عليه وش تشتغل
قالت بالحرس
قلت وشو ؟
قالت وصمخ ماتسمع اقول بالحرس
قلت اييييييييييييه لا على بالي تقولين بالجيش
قلت وانتي يا سيدة القلم وش تشتغلين هالحين
قالت انا مدرسه بثانوية قرطبه
قلت بس هذي حقت عيال
قالت وحتى لو هم عيال الظاهر انت ما تدري عن الانظمه الجديده .
قلت وانتي يا تعاليل وش تشتغلين
قالت وش تتوقع . يعني على شكلي وش تعطيني ؟
قلت شكلك شغاله بحدى هالبيوت
قالت وجعة جدي توجعك
قلت اجل وش تشتغلين
قالت انا شرطيه
قلت منتي هينه يافندم
قلت اجل انتي يا منيره وش تطلعين
قالت انا للاسف عاطله باطله وشهايدي عند امي بالبيت مبروزتهن
ومعلقتهن بالمطبخ
قلت والله عين العقل
ويوم خذينا شوي وهي تدخل علينا الملاك غيداء بالبدله العسكريه
ومعه حبه مع الرز
قالت يالله حيوه والله هذي ابرك الساعات
والله مادريت انك هنا ولا تسان اجيب بعير على الفحم
قلت انتي اجلسي هالحين وخلي خوياتس يتغدن
قالت يالله يابنات طقن الولد وشوفن من اللي يلعب وانا ابي احط الغداء
................................................................................ .........
تخيلوا هالموقف بالله
هذا حلم حلمته بس
اجل وشلون لو يصير واقع ؟؟؟
وبدايتهم بالمطالبه بقيادة المراءه للسياره ؟؟
سترك يارب
اسف على الاطاله
وتقلدوا تحيتي
رد مع اقتباس
المفضلات