حبيب الروح عقب البعد راجع...قصيدة لرمضان
[poem=font="Simplified Arabic,5,deeppink,bold,normal" bkcolor="black" bkimage="" border="none,4,darkred" type=1 line=1 align=center use=sp num="0,black"]
حبيب الروح
حبيب الروح عقب البعد راجع=تزفّه لي زغاريد السعاده
أخيرا صار حلمي فيه واقع=بعد طول انتظاري في بعاده
توقف باللقا نزف المواجع=و ولّى مرّ الأحزان و عناده
رجع يملا فؤادي و المسامع=و عوَّد ... مرحباً ألف بمعاده
بكيت من الفرح بأغلا المدامع=و دمعي كل عامٍ صار عاده
أذوب من اشتياقي له و أصارع=حنينٍ كل يومٍ في زياده
******
خَويّ الشوق ما له بالمضاجع=يضيِّع من كثر شوقه بلاده
تحارب عينه النوم و تنازع=و من به شوق ما يهنا رقاده
زحف جيش السهر غازي و طامع=و هو أضعف من الجيش و عتاده
يسامر طول ليله نجم طالع=و يشرب كاس من جرَّة سهاده
يغمّضها و لا التغميض نافع=إلى فجره و هو كفّه وساده
******
حلو شوقي و الأحلا منه راجع=و شكري للعظيم اللي أعاده
هلا به قلتها بين المجامع=و لا أخفيت عن حيٍ وداده
حبيبي غير... و أتحدى و أنازع=أحد عنده مثيلٍ له يا ساده؟!!!
حبيبي ركن للإسلام رابع=حلالٍ حبه و فرض و عباده
تناديه المساجد و الجوامع=و تشتاق المأذن له زياده
أحس الكون لا من طَلّ واسع=سعاده طلّته و أكبر سعاده
حبيبي خير في كل المطالع=يصدّ الجسم عن شربه و زاده
حبيبي شهر غفران و منافع=يزيد القلب بحضوره جهاده
حبيبي يا رمضان وكل سامع=باسمه قال يا مقسى بعاده
بدا وقت التنافس و التسارع=و حظيظ اللي به يزيد اجتهاده
هلا ياشهر فيه القلب طامع=عسى يعْـتَـقْ من النار و مهاده[/poem]
رد مع اقتباس
المشاركة الأصلية كتبت بواسطة نوف الفهد
المفضلات