لا غنت القمرا تغني طنـــــــــــايــــــــــــــا
[align=center]قصيدة للشاعر / حماد عايد الخريصي,, حبيت اني انقلها لكم وأتمنى ان تحوز على رضاكم
لاغنت القمرا تــــــغـــــني طــــــنـــايا = لاجا وسلمى وفيحة العز رمـــــــــــان
وسنجار يوم(ن)الطنايا عرايــــــــــا = من كل عرق(ن)فيه انه وشويـــــــــان
النحب عاده للنساء والصبايـــــــــا = ان مات ميت وقربة الميت نســـــــوان
بس للرجل عبره بحوم الخفايـــــــــا = ان مر بالاطلال والناس له شـــــــــــان
والعبره اللي في عيوني مرايــــــــا = اشوف فيها مجد شمر وسلفـــــــــــان
فيها تطارد خيل زوبع دهايـــــــــــــا = واكاب الاسلم له جنب يوم الاكـــــــوان
وسربة سناعيس بكور المطايــــا = ذرع القلوب اللي بها ذل يافـــــــــــــلان
مافيه شمر نجد وشمر شوايـــــــا= الشمري هو شمري وين ماكــــــــــــــــان
سواء في مدريد والا ببتايـــــــــــــــــا = تبقى به الطنيه ويبقى كحيــــــــــــلان
وياغنت القمرا وحنت ظمايــــــــــــا = هجن(ن)عليها طيور شلوى وهيشان
يردن ونارد له حياض المنايــــــــــا = ويرون ويرى قفوها كل عطشـــــــــــان
لو مي زمزم دون نبعه سرايـــــــــا = عليه نارد غصب مانرد باحســـــــــــان
استغفر الله كان قصدي البرايــــــــــا = والا الولي جنده على كل شيطـــــان
اخشى تفسرها خباث النوايــــــــا = وتزيف الهرجه على غير ميـــــــــزان
وياغنت القمـــــــرا تموت الحيــــايـــــــا = وسم الافاعي بسر خاتم سليمــان
والليل وان عسعس غلس او تعــــايــــا = نجرح سمار الليل بوجيه شيبـــــان
فيها كرم حاتم وعذب السجــــــايـــــا = وسطوة علي وحكمة عمر او عثمان
ماكل حلو(ن) كامل(ن) في الحلايــــــا = الا الطنايا مرها بحلو بــــــــــرزان
عذب(ن)مثل وبل(ن) هتف من سمايا = حلو نبا وملقى ومنطوق ولســـــــان
وياغنت القمرا بســــيــــر العطـــايـــا = حنا لنا في صفحه الجود عنـــــــوان
نفني علاكيم ونــــــــهـــــدي سبايــــا = وينبيك قول(ن) للشليمي وفجحـــان
يكفي بنا حاتم من اهـــــــل القرايــــا = وعبدالكريم اللي عطاياه قطـــــــــعان
وياغنت القــمــــرا بطيـــــب ومزايــا = وعدت ثقال الروز في كل ميــــــــــدان
اشهودنا من ضدنا وبالحنـــــــايـــــــا = وارماحنا بنحور طلقين الايمـــــــــان
نعفي ولانطعـــــن قفــــا بالمــــلايـــــا = والعفو عند المقدره شانها شـــــــان
وياغنت القمرا تحيــــــي الطنايــــــــــا = من بالشمال ومن سكن يم صديــان [/align]
رد مع اقتباس
المفضلات