[align=center]السلام عليكم ..
**********
دق الجوال ...
رقم طنخان ...
شعندوه ؟؟؟؟؟؟؟
بالخير يابوثوب .
هلا أبو زبون .. شعندك . إنجز تراني مشغول
قال : العشا
قلت : ياعلك تعيش .. من قوّ
قال عندي أهل المضايف يبون حلقك
قلت .. جايكم
********************
عقب الأخير ..
تروشت .. مع إن العيد بادزي لوه حول شهر ونص
ونا لك أكشخ بثوبي
وأشغل الكامري ( الله يحرسه ) .. وعلى منزل المطنوخ .
وصلت بحفظ الله ورعايتوه ..
لقيت المطنوخ وادزف ( مناطول هالولد يمكن ياصل مترين )
وقد استقبلن بكل حفاوتن وتكريم:480r:
ونا أتسفت بالمجلس
سلام عليكم .. عليكم السلام
لقيت 6 من العيال .. ماعمري شفت واحد منهم قبل الليله
المهم .. كل ماأسلم على واحد ليا والله تقول سلام عرف
محابب .. وشلونك وتسيف الحال
والمذهوب أخو طنخه .. ماعرفن على الشباب
عقب ماتقهويت وشربت كوب ماء .. لأني حسيت إن ريدزي نشف
للحين ما انكشفت الأوراق .. ولا عرفت منهم هالشباب
بعد دقايق من الدردشه وجس النبض ( مباراة بين الأهلي والزمالك )
حصل لي الشرف بمعرفة الموجودين وهم
1 ـ سرحان ( سمي الذيب )
2 ـ عبدالله المهيني ( هو اللي مسوي لي التوقيع )
3 ـ نافع الطواله ( الشاعر )
وبوه ثلاثه ماعرفتهم .. الظاهر إنهم مهم من أهل المضايف
انبسطنا بالسوالف
وهات ياحش بخلق الله
ماخلينا مسلم ماقضبنا شدوه
.
.
.
طبعا .. تكلمنا بالخير وليس بالشر عن أهل المضايف
********************************
أنا عيني على الساعه ...
ذبحن الجوع
وصارت الساعه حول العشر ...
ومن أجمل وأسعد وأمتع وأحلى وأغلى وأنقى اللحظات
يوم قال المطنوخ : قومو على عشاكم ...
الشباب راحو يغسلون ... ( يعني متحظرين )
ونا بوجهي على الصحن ....
ولكن ...
ماهو العشاء
هنا تكمن المفاجأة ..
تابعونا عقب الفاصل :480r:
******************************
******************************
القراده دائما مع أهل الفله ..
قبل لاأجي للعشا .. خذيت فرشة الأسنان ( يعني مثقف )
ولا لقيت معجون الأسنان
سعلت أهلي وإخواني .. ماعندكم معجون أسنان ؟؟؟
قالو : لا ... قضا
إنا لله وإنا إليه راجعون
ماقضا ألا اليوم ؟؟!!!!!!!!!!!!!!
لكن .. الحاجة أم الاختراع
لقيت ( شامبو هيدآندشولدرز ) فيد القشره
وأنا أحط منوه على الفرشه .. وهات يادعك بالضروس
والحين .. صار لي ثلاث أيام أحس بجفاف شديد بالفم والشفه ( البراطم )
مع تشقق عندما أبتسم وأضحك
لذا .. قلت مالي ألا الكريمات والدهونات ...
وقمت أدهن هالأفم .. لعل وعسى يخف الجفاف
اللي سببوه الشامبو
****************************
****************************
الشباب .. حلفو على المطنوخ ،، وقالو :والله ماتذبح
وهو لك يسوي عشا محصلششششششش
صحن ... دائري الشكل .. تقول طاولة مفاوظات
بوه مما لذ وطاب من
المأكولات البحريه ( نواخذه )
ربيان .. أم الربيان .. عايلة الربيان ... قباقب ( سرطان البحر ) سمك بني
سمك ميد .
والحقيقة إن راعي المطعم مصففوه تصفيف .. بس ودك تصور معوه
وبدأت المعانـــــــــــــاة
المشكله إننا مانعرف شلون توكل هالخيرات
ولا نعرف من وين توكل الكتف ( مامن كتوف .. شوك وعظام وووو )
أنا ياخويكم .. الله حط دزدامي صحن بوه شي خضر
الظاهر إنوه فلفل ... ونا بي حيا
وقمت ألف من الصحن .. وحسيت بحراره تصل إلى 45 درجه
سرحان : قام يلقط من القباقب .. ويكصم ظهروه ... ويطلع لحموه ( خبيييير )
لا .. وقام يوزع على الشباب .
عبدالله المهيني .. ذبحوه الجوع .. قام يلف من الخبز الإيراني على صحن الثوم
وعقب .. فطنا لوه .. وقمن نجدع لوه من الأسماك والربيان .
أما نافع ... طلع ذيييييب ... ماتشوف دزداموه ألا العظام ...
أنا ... يعني خبير بالأتسلات البحريه
بوه سمتسه تسبيره .. وأنا أمد يدي أبي آخذ منه وأعطي المهيني
لكن .. المقرود مقرود
الله جاب عظم السمتسه وهو لك ينشب بإصبعي السبابه
ونا أكف يدي .. ولا أحد فطن لي ( لاعادت فزعاتك يابوثوب )
لكن ذبحن من الوجع ...
قلت .. يابوثوب .. خلك من صحن الفلفل وجاي
المهم ..
العيال قامو يفترسون الصحن افتراساً وصار عندهم خبره ...
على قولة المصري : إديلوه ...
وهات ياأتسل .. ياما بغا يطلع من جنوبنا
لكن ..بصراحه .... أكله ماكليته أنا بعرس أبوي يوم ياخذ أمي
لولا الوجع اللي بإصبعي
وحنا نقوم .. الله ينعم عليهم .. عوافي ....
********************
الحقيقة ..
نشكر أخونا المطنوخ على الدعوة الكريمه والعشوه اللذيذه
ونشكر إخواننا اللي تحملو مشقة السفر لزيارة الجهراء العامره
وتشرفنا بمعرفتهم
وبمحادثتهم
وتكشف لنا معدنهم الطيب
ولا شك أن معرفة هولاء وأمثالهم .. شرف ومكسب
بعد ذلك .. غادر الأصيل أبوثوب .. مقر العشا
مودعاً بمثل ما استقبل به من حفاوتن وتكريم
طنخان ..
عندك رقم راعي المطعم ؟؟؟؟
كزوه لي .. يمكن يسير علي واحد من جنوب أفريقيا .[/align]
رد مع اقتباس
المشاركة الأصلية كتبت بواسطة المخاوي
[/align]
المفضلات