قصيدة للملك فهد رحمه الله

**ابو فارس** · 10-08-2005 17:13

قصيدة نادرة من قصائد خادم الحرمين الشريفين.رحمه الله..

------

(( .. خادم الحرمين الشريفين الملك.. فهد بن عبد العزيز رحمه الله ..))

عندما كان مريضا في لندن في شهر شوال من عام 1385هجري
حيث بعثها إلى المرحوم الأمير فهد بن سعد يشكو فيها
قسوة المرض حيث قال :

[poem=font="Simplified Arabic,4,white,bold,normal" bkcolor="seagreen" bkimage="" border="solid,4,green" type=2 line=0 align=center use=sp num="0,black"]
يا بو سعد صارت على أخوك غارات=شهرين أقاسي من شديد الغرابيل

سوالمرض يحمل على أخوك حملات=مافي يدي حيله ولا في يدي حيل

والله فزع من فوق سبع السماوات=وأنا أحمد الله يوم صارت تساهيل

ماينفع الخايف والأيام عجلات=الخوف ماينفع ولا القول والقيل

حنا هل العوجا ولابه مراوات=.شرب المصايب مثل شرب الفناجيل

لاشك أنا مشغول في كل الأوقات=على الذي حنـــــــــا بظله رجاجيل

ماني على نفسي كثيرالحسافات=لا سلم راسه روسنا رفاع با لحيل

حامي حمانا بالليالي المخيفات=لو صار بالــــــعالم كثير الزلايل

فخر العروبه بالعدل والمساواه=هذاك هو فيصل ولا فيه تشكيل

يشهد له اللي شاهدوا منه ليات=ويشهد له التاريخ جيل بعد جيل [/poem]

خادم الحرمين الشريفين
الملك فهد بن عبد العزيز ال سعود
رحمه الله

م ن ق و ل

**راعي الوقيد** · 11-08-2005 10:32

رحم الله خادم الحرميــن الشريفين الملك فهد ابن عبدالعزيز

ورحم الله الأميــر فهـد ابن سعــد امير حائل سابقا ً

ورحم الله والديك اخي العــزيــــــز ابو فارس

وياليتــك مضيف رد الامير فهد بن سعد على الملك فهد

يعطيــــــــــك العافيــة خيووووووو

لك التحيـــــــة

والسلاااااااااااااام ...
..

**راعي الوقيد** · 11-08-2005 10:49

طيب لا تثريب عليـــــــــك

إستلــم يالعزوة طال عمــرك ومن يقرا الــــرد !!

[poem=font="Simplified Arabic,4,firebrick,normal,normal" bkcolor="limegreen" bkimage="" border="double,4,gray" type=1 line=0 align=center use=ex num="0,black"]
يامرحبا بكتاب زبن المخلات = اهلا هلابه عد وبل الهماليل

حمدت من زال الكدر بالمسرات = فكّاك من صكت عليه المحابيل

فزع لك اللي عالم بالخفيات = مبري جروح ايوب غيث المراميل

لعل ما يزعج على فقدك اصوات = ولعلها لك يابو فيصل تماهيل

الله يجيرك من صواديف الآفات = عساك تسلم ياعشير المشاكيل

منتب رخيص ياربيع القرابات = لو هي بالأيدي كان دونك حلاحيل

ترى لنا بك يافتى الجود هقوات = في وقتنا الحاضر وباللي مقابيل

يفداك ربع قصروا بالمهمات = اللي على القالات ما تنطح الشيل

بعض العرب حي ومن عرض الأموات = ما يرتجى نفعه بحل المشاكيل

وفيصل ذرانا بالسنين المخيفات = هو درعنا الضافي الى ضدنا الميل

اللي نقل عنا حمول ثقيلات = رأس الحصيل ان كملن المحاصيل[/poem]

الله المستعان ،، هو الــدايـــــــــم والفانـــــــي خلقــه ،،،

سلااااااااااام ...
..

**سلمان النبهان** · 11-08-2005 11:04

[poem=font="Simplified Arabic,4,black,normal,normal" bkcolor="white" bkimage="backgrounds/17.gif" border="outset,4,gray" type=0 line=0 align=center use=ex num="0,black"]
صح لسانك ابو فارس ماقصرت على النقل
وصح الله لسان راعي الوقيد ماقصر على الاضافة ..
ورحم الله فقيد الامة العربية والاسلامية خادم الحرمين الشريفين
واسكنه فسيح جناته انه سميع مجيب . [/poem]