[align=center]بسم الله الرحمن الرحيم [/align]السلام عليكم ورحمه الله وبركاته
يالربع وش اسوى بهالدنيا هالحظ عيا يستقعد ياربى دخيلك
لفانا بديرتنا محيا (بازان )وسبب التسميه يقولون انوه سام لوه باز وسموه بهالاسم
الوكاد تخبرون مابوه رحلات من تبوك لحايل الا الربوع الظهر والرجوع الجمعه حوالى هالتوقيت (وش السبب مادرى )
مادريت الا يصحونى الساعه تسع ونص الصبح ويقولون محيا يبى يهمز (حسيبوه زمانوه ) انجل بى الله يجيرك
حاولت اتملص بس مالله اراد اللى مايكتب لك يالادمى عسير
طلعت اشيك على (صعفوقه ) لاتنخرعون اسم سيارتى
وصادفت صويلح وهذا عليه لوه خدودن تقل(عضلات مصرى )
المهم من عرض سوالف صويلح يقول وش رايك تخاوينى لمصر محفول مكفول (تمنيت ابوسوه على خدوده الحمر )
والممشى يوم الاحد يالله العافيه 000 (جيناكى يامصر جيناكى 00ايه يالمغترب تبي تروح مصر من قدك ياشيخ اخيرا تبى تحقق الامنيه 00وحت تدلدل رجليك فى ميه النيل0 ياجدع ماتصلى على النبى اللهم صلى وسلم عليه )0 بس تدرون وش العذر للاهل هاه يحله ربك (اقول ابى اتمشى بهالديار يومين وارجع هاه تمشى 00تمشى
مادريت الا اخوى يقطع الاحلام الورديه ويقول مابقى وقت قربت الرحله لاتنسى قدامك خط انتبه (للمعلوميه تبعد ديرتنا عن تبوك حوالى 140 كم )
مترنا الخط باتجاه مطار تبوك والتفكير بابو خدود العشير وسفرت مصر
وصلنا المطار وعند الموظف بالله ابغى اقص بوردنج لها اللحيه الغانمه لو سمحت والحجز ok وانتبهوا لشايبنا الله الله بوه انتبهوا عليه تروه غالى بالحيل
رد الموظف مداموه غالى عليك بالحيل وصلوه انت بسيارتك الرحله قفلت (الله من زين الحظ )
وش الدبره يامحيا هاه الله يعين نزرق بك لحايل همن ننكس وغصبن على البل تركب جاريات السفن
وباقل من ساعتين الا حنا مقبلين على تيماء وبغفلتن منى وانتباهتن منوه مافطنت الا ينشدن كم الساعه معك قلت الساعه ثلاث ونص
قال حشا والله على طياره محنا على سياره
ولاحسيت الا انا تسنى بلى صميل وتمخضن صعفوقه والتفت يموه اذكر ربك يامال الموليه لهالوجه
رد بازان يقول وزت يابنياخى
بغيت ابتسى بس مايفيد ونوقف بالمحطه ومن زين الحظ مابه الا سيارات الفوزان وكيل مصر (بس زياده نكاده )
وبعد فحصه من الميكانيكى قال القير محترقات كلتشاتوه ولالوه حل الا توضيب شحنا السياره يم تبوك ويالله الخيره
بوسط المحطه اراعى لسيارات مصر واتحسر على هالحظ المهم حصلنا لنا لموزين ولحايل يالمغترب
اخونا بازان يقول تعبت اباخذ لى غطه وانجضع وراء وانا وابو هنود ياما نحدره ياما نرده زينك خوى تعدينا الجهراء وبوه لوه مقطعه اللى مشى هكالدرب يعرفه هذى لامحطات ولايشتغل به الجوال ويوم انصفنا به صحى المذهوب ولاسمعنا الا ماودكم تقصرون على هالفليزر
ومادرينا الا بحرارت السياره اتش (الهب به هالظالم )
المهم اشر ماتشر ولاحد يودزف لك ايييييس ويجينا امن الطرق ويقلصوننا للشملى ونزين موترنا ونواصل المسير يالله الخيره المهم وصلنا حايل يامال السيل وهالحين وشلون الطريقه بالتخلص من هالموذى (الا على فكره ماشوفه مالوه حس مرمس عسا ماشر )
وحلف محيا انى الا امرح عندوه (وبينى وبين نفسى مهو مرتاح الا ياما يقضى على )
قال اسمع يالمغترب ابوريك لك شى عزيزن على ويسحبن يم طيوره (عندوه طيرين مبلشن خلق الله بهن )
ويوم شافهن قال شفت هاللى تقل شعار محاوره
نمت والله عدى على شوك ماصدقت متى نصبح واجيه الصبح الا هو على دلاله (الله من الكرم بهكالوجه بس هذا عذروبوه هالعين )ويوم تقهويت وهو يقوم من عندى وياخذ لوه شوين ويوم رجع يامار ينقل شعار المحاوره مع رجليهم اثريهم من صيد امس
بهاللحظه ماتمالكت نفسى وقلت لوه ول تشعمتك بالله ومحمد رسول الله ياشين تكفى مانى عايفن عمرى ياشين اعتقن لله بالله فكن واللى يرحم والديك
قال ابغديك وذبيحتك مذبوحه على النار تطبخ
ياشين والله لو تذبح حلال حايل كلوه مامالحتك بس اركد الله يهديك
نهجت يم بيت عمامى وهناك قلت افرشوا لى فراش ولاحد يقعدن الا العصر ابقص تذكره ولديرتى ابى بلاد النيل (ابرك من شوف بازان )يقولون الرفيق المخسر عدون مبين
صحينا العصر وقصينا التذكره استعدادن للرحيل وقمت اتمشى انا وابن عمى تعرفونوه فهيد (اياه رفيق الافغانى )
اللى ابقولوه انتظروا سالفت الرجعه فهى ادهى منها
اخوكم الصغير
رد مع اقتباس
[/align]
المفضلات