قصيدة الشيخ عبد الكريم مناور ابو الغنم الشمري

**سفيان الفاعوري** · 14-08-2005 14:05

ياراكب من فوق ناب الفقاره...عالفيصلييه بالعجل لا تباطاه
سلم على مرزوق وحيه بحراره..وقله رفيقك يالقرم كيف تنساه
انت الشمس مانبتعد عم مداره...وانت العزيز اللي على الدوم نطراه

**مرزوق الشمري** · 14-08-2005 15:25

هلا وغلا بالاخ يابس الراس

وحي الله سفيان الفاعوري ((ابو هزاع))

هلا وغلا بالكاتب المعروف العزيز الغالي والله اني فرحت يوم شفت اسمك في هذا المنتدى لانضمامك الى الشعراء والكتاب
وشكرا على قصيدتك وكلامك الطيب
قالوا تبيعه قلت فيني طبيعه#### مابيع خل بالموده شراني
اكرر محبتي وياهلا وغلا اشكرك لمرورك وقرات قصيدة والدي رحمه الله هلا مرة ثانيه بشيوخ السلط الفواعير

اخوك
مرزوقابن عبد الكريم ابن مناور ابو الغنم الشمري
الاردن

**عايدالشمري** · 14-08-2005 17:17

[align=center]مرزوق الشمري

صح لسان الشاعر

وتسلم على النقل

لاهنت[/align]

**مرزوق الشمري** · 15-08-2005 10:56

هلا اخي عايد الشمري

وانا من المتابعين لمواضيعك دائما

شكرا لمرورك

**عمر الحجايا** · 15-08-2005 12:07

السلام عليكم
هذي قصيدة تكلم عن بعض تاريخ شمر احببت اضافتها

جاني جوابك شفت بالوجه تجمــيل = يلــــي فرعــت الــــعلم بدون تدريس
اشرح لك الماضي واعطيك تفصيل = ياموجه المبدا عــلى غــــير تاسيس
يامــحلل الـــتربه عــند بن مــنديـل =افــــعال شمـــــر مابـــها رمز تدنيس
انـصح شـباب الــيوم واحـذر الجيل= لاتنقل التـــــزوير كســــب المفاليس
مانعترض لمــن يفتـخر بالــتماثيل= كرام اللـــحاء ميـــبذرون الدنافــيس
تاريخــنا مابــه همــايل وتضــــليل= بــحضورنا فـــاز الجبل بالـــنواميس
ضياغمـــن جيــنا على كنس الحيل = بــزمـــام دكــلاتٍ تنخــــا ســـناعيس
حنا كــبود الزمــل حمـالة الـــشيل= اهل السمــوت مـــطوعين الملابيــس
حـــنا ثـــــقل الروز ماهي طــهابيل = وسام الشجاعة تاجــنا من جبل عيس
اعــطيك بالـــماضي بيان المواهيل= بكون الجهراء وغيــرها ذبحة دريس
ومن دومت الجندل الى منقع السيل= مـــنا سكـــن بالجــوف ناساً غواريس
انـشد ذلول وديـد عقــب الـمراميل= اخلو شداده مبعدين الملاميس
شيبا ظهر قـامة تـحض المخاليل= منعقب ماتطــــوي بعــيد المراميس
تشـهد لنا سمـر الجبال المضاليل= يوم الفضول اهـــل الــدروع الملابيس
واللي ســكن شط العرب دونه الليل = تسعــين قريــــه للعبـــيدي عواسيس
وجره علـــــى دار الجبل مثل ماقيل= بــريــع البــكر خلـو زعيم الـمـطاويـس
دلايلـــن مابـــه مــلاوي وتــــعديل = ترى الهمايل كسبها يكـــسر الـــــبيس
واختامها بقول الغفيلي عن الميل= راع الذهوب الي نــــشد بالــــمثل قيس
من لابــــتاً يـــوم المــلاقا حــلاحيل= زوبــــع الــــياهبت هبــوب النسانيس
اعطيك عن جلة بني ياس بالـخيل= جولــــة حـــرار ماخلطـــــها قرانـــيس
اجــــلو صــدا عـــن القلوب المغاليل= سلــــم الجـــــدود الاولــــه مابها بيس
معــهم ثــلاث غيــر عــد الزمامـيل= اخلو سروج الخيل وراحـــت مقاويس
نعطي حـقوق النـاس ولانـقبل الميل= انشد فصيل عقاب يـــــوم المـــتاريس
يـــوم الخنــيسي باولــه يندب الخيل= خيل الخليبص باوله وانــــــشد منيس
وشبرم راعي الهدلا بـعيد المصاويل= تر جرته رسمت على الجــدي تقييس
قام الطلب من فوق عــكف الزناجيل= عيــا يسلــــم حايــــمات القـــناطيــس
لافرعــن نـــجل العـــيون المضالـيل= ينخن مثل عباس (1) وموارث نعيس(2)
اهــل الحميه ينطـحون المــقابـــيل= قبل الطلي يرتــع مــــع الذيب والتيس
ربــعي هـل الوادي روس المشاكيل= قبــل زمان المفــــتري والـــــعواكيس
ضياغــمن جيــنا مــن مطلع سهيل = سلطان مارد يـــوم جولاتـــــنا ديــــس
صـلات ربـــي عـد وبــل الهــماليـل= واعداد ماساج الــــــــــقلم بالقراطيس

(1)عباس وهو الشيخ عباس بن مهوس ال علي من اكبر شيوخ شمر وهو الفارس المشهور
(2) موارث نعيس وهو الشيخ ضاري بن طواله وهو الفارس المعروف من اكبر شيوخ الاسلم

**مرزوق الشمري** · 15-08-2005 13:39

هلا وغلا بالاخ عمر الحجايا ترى عندنا حجايا بجنوب الاردن وهم حد علمي بهم شمر ونعم الرجال مساكنهم بالحسينيه والاحساء وقرب معان

مشكور على هذه القصيده بس يابناخي ياريت تقول اسم الشاعر

تقبل احترامي