بعض وسوم البل عند قبيله شمر

**راع البل** · 24-07-2005 03:52

جعلك سالم والله

المصدر ماثوق وان راع البل

**راع البل** · 24-07-2005 04:19

هلا اختي شموخ

وماسونا شي هدا اقل شي نقدر نقدمه للربع

اما بخصوص السؤال الاول فان الوسم التالي او الجديد يعرف ويفرق

بينه وبين القديم والرجال الي لهم خبره ودرايه واهل البل يعرفه على طول.

اما السال الثاني والله ونعم بالخوال الي انتي من هم مثل ماقال الشاعر

ابن خر الديب العجمي:

الولد وان طاب قالو من خواله بالخوال يسال قبل الوالدين

اما بالنسبه لتشابه الاسامي فان يوجد مثل المسعود وقد دكرته في

موضوعي وقد تشابه الوسوم بالمسميات والمكان لان نفس شكل ا

لباكوره مختلف واني لم اعرف بالضبط من هي العوائل شمله المسعود

كامله خوفا من اخربط في العوايل واخربط الناس وانتم كما تعرفون كلش

ولا الاختلاط .

اما بخصوص ليه مانوسم الناقه او الجمل وسم خاص بشمر

وسم خاص بالفخد وسم خاص بالحمه فبدالك شوهة الناقه وعدبة

وان القبايل قبل ما فيهانترنت ولا تلفزيون ولا حتى نور مخهم صافي

خلي من التفكير اما حنا الحين مشتتين مابن اخبار وانترنت والعمل

والتلفون والسوق وغيره وغيره وغيره من الحاجات الي تخلينا ما نقدر

نحفظ او نعرف كل ها الوسوم لان الناس كثرة بعد ماهي مثل قبل

وعنديلك معلومه عن الوسم والشاهد الوسم هي مثل ماتعرفي تعرفبه

القبيله اما الشاه ماتعرف به العوائل ونضرب مثال بما انك قلتي الطواله

خليها على الطواله والطواله معروفين شيوخ شمر ,,,,,,,,,

الحين وسم الطواله هو \\الباعج والمطرق\\ الباعج على الكليه اليسرى

والمطرق على الفخد الايسر والشاهد لعائلة الكتاب الي من الشيخ

مشل بن سالم والشيخ عبد الله شيوخ الاسلم من شمر وشيوخ شمر

الشاهد هو مطرق على اليد اليسرى ,,,,,,,,,,,,,,,,,,,,,,,,,,,,,,,,,,,,,,,,,

وسلامتك,,,,,,

ودمتم

**صديان** · 24-07-2005 05:16

راع البل وش هال الموضوع الرائع الفريد من نوعه لوسمحة مشرف

المضايف هدا الموضوع الي يثبة ويميز بعد وانا اسف,,,,,,,,,

**راع البل** · 24-07-2005 06:09

صديان اشكرك

**الصيرمي** · 24-07-2005 13:20

راع البل

خلك على هالدقه

تحياتي

**الصيرمي** · 24-07-2005 13:21

الا صديان

انت الشرقي والا الغربي

**راع البل** · 25-07-2005 03:37

ابشر وانشاء الله الصيرمي

**روح أبـــوهــــا** · 03-08-2005 13:54

[align=center][align=center]مساكم الله بالخير جميعن....

مشكور أخوي "راعي البل " على ماقدمت من معلومات مهمه....

ولكن لي تعقيب على ((((الدغيات_الدغيدات)))).......

العليان من ((الدغيات)) \\ اللويبد \\ اسف الادن اليمنى

الحليدان من الحسين من ((الدغيات ))\\ عرقاه ومطرقان \\ على الفخد الايسر

المسعد الحسين ((الدغيدات ))\\ مغزل \\ على الرقبه من يمين

المعتقا الحسين ((الدغيدات)) \\ البابين \\على الفخد الايمن

الشقبان من الحسين من ((الدغيدات ))\\ الجراف \\ على الخدود من اليمين واليسار

الحتمول الحسين ((الدغيدات)) \\ الباب \\ على الفخد الايسر

أنا متو تسده انك تعرف ان اسمهم الدغيرات مو ((((الدغيات_الدغيدات)))).......

ولكن سقط سهواً وبالدليل انك كاتب فخذين من فخوذ الدغيرات ((العليان و الحسين ))

بس ماكان ودي إلا اني أوضح فقط خوفاً من انوه أحد يحسب ان اسمهم الدغيات أو الدغيدات

ومشكور مرتن ثانية ...

وأبشر ابأعلمكم وأنشد أبوي عن الوسوم بس يرجع بالسلامة إن شاء الله.....

تحياتي للجميع ودمتم في أمان الكريم

عاشقه القيصر[/align][/align]

**المهرة** · 06-08-2005 07:44

[align=center]للامانة موضوع رائع 00
واستفدت منه جداً
تسلم الانامل اخوي 00 وماقصرت
وياليت نعرف معلومات اكثر بعد
دمت بخير
اختك00 المهرة[/align]

**السد العالي** · 24-08-2005 06:32

تسلم ياراع البل

معروف ان الوسم في السابق يعكس اصل القبيلة ومرجعها ولا احد يقدر في الوقت السابق انه ياسم وسم غيره

لكن شيوخ شمر الجربان وش وسمهم والامرا الرشيد وشو وسمهم انتم ابدوا بترتيب يوضح لنا

واذكر ان خلف الرويتع قبل سنه جاب مثل هالموضوع ياليت يدمجن وهو في هذا المضيف