[align=CENTER][table1="width:95%;"][cell="filter:;"][align=center]
( نـسـيـت أنــساك )
*************
اَمَس كان المساء رائع بحق0لما جمعني فيك
وكان الليل غيـر الليـل لمـا ربنـا جابـك
***
يضوي نورك دروبـي واسعـد دوم بلياليـك
وتظلم يابعد عمري سمـاء دنيـاي بغيابـك
***
ملكتي قلبي المغرم وأصبـح لعبـةٍ فـيديـك
ولايهوى ولايعشق سوى إلاّ حضرت جنابـك
***
أحبك وان تغليتي علي 0زود أعشقك وأغليك
عليـك الله ياكـل الغـلا لا تغلقـي بـابـك
***
نسيت أنساك واتذكرت باني ماني إبـناسيـك
نسيت الكل إلاّ انتِ أحبك موت واحيـا بـك
***
هويتك كثر ماسمعي سمع واستمتع بطاريـك
عشقتك لين صرت أعشق معاك أهلك واحبابك
***
أمانه ماتطـاول قامتـك هـذي ولا هاذيـك
تباهي وحدك انتي بالجمال اللي تباهـا بـك
***
نويت أكتب لك أشعاري وياليت الشعر يوفيك
أخاف أني أقصّر واعتزل الاشعـار باسبابـك
***
يجي ويزورني طيفك وياخذني الهيـام إليـك
واجي لك عاني أتمنى أنال رضاك وإعجابـك
*****
مـبـروك بــن سـالـم بــن مـاضـي
[/align][/cell][/table1][/align]
رد مع اقتباس
المفضلات