[poet font="Traditional Arabic,6,black,bold ,normal" bkcolor="white" bkimage="http://www.abufahad.net/vb//backgrounds/23.gif" border="ridge,9,burlywood" type=0 line=200% align=center use=ex char="" num="0,skyblue"]
من غير ليه وغير قصه وتحديد
غاب القمر وابطاء على ابمغيبه
والنفس من ذكراه فيها تناهيد
تمسى من اسبابه وتصبح كئيبه
ودونه وعوره بالدروب وحواسيد\nصعب وصعب صعب صعبً صعيبه
مثل السراب اللي يطارد مع البيد
كيف التقيبه كيف كيف التقيبه
وعليه ليلي كل ليله سراميد
عيت عيوني نومها تهتنيبه
وعيا عنه قلب الغرايبل لايحيد
حاولت اسيبه مير عيا يسيبه
تنكيد بعض احيان واحيان تعقيد
مدري نصيب فيّ ولا نصيبه
وعني بعيد بعيد وبعيدوبعيد
حتى حلوم الليل عيّت تجيبه
واحد وحيد ولامعه خلق توحيد
عدو عينك بالهواء يبتليبه
امجرد عن كل عذروب تجريد
فيه الوصايف والمحاسن عجيبه
لاتقول وصّف كثرة الهرج ما تفيد
ريب كان الناس فيها رهيبه
الرمش والطخمه والاوجان والجيد
والصدر والارداف واشياً غريبه
مامثلهن شافن عيونى مع الغيد
ولون الشفايف مثل جمر اللهيبه
فى عينه اليمنى رجال وبواريد
وفيه عينه اليسرى مدافع كتيبه
وحبه يزيد يزيد ويزيد ويزيد
بالدم مثل السم يسرى دبيبه
وسهمه يصيد يصيد ويصيد ويصيد
سهمه عطيب ولا يداوى صويبه
للشاعر عبدالله باتل الرشيدي
[/poet]
رد مع اقتباس
المفضلات