اول مشاركة: عنود المزايين
السلام عليكم
بالله ياشباب الي يعرف كاتبها يعطيني خبر
البارحة جتني عنود المزايين### من عقب فرقى ذالها اليوم عامي
قلت اشتبين وقالت اطلبك ثنتين### رسايلي والي بقى من غرامي
حق على المديون بوفاية الدين### وادخل على الله وفها بالتمامي
قلت انصفي بالله ياقرت العين### بابين المكنون وماني برامي
حبك غدى يابنت الاجواد نصفين### في جسم مفجوع براه الهيامي
نصف سرى بالدم وسط الشرايين### ونصف لجى وسط اللحم والعظامي
وشلون ارجع دينك الي تريدين ### بالله دليني وانا في التزامي
قالت عوايد يامسلط لي الشين### الملح مايطفي لهيب الظوامي
ثم استدارت قلت يابنت لاوين### قالت عنيد وماتطيع الكلامي
قلت انتي الي دايم ماتطيعين### ولولا عنادك ماجفيتي مقامي
وفزيت مفزوع من الغيظ للزين### أثاريه حلم وزارني في منامي
وسلامتن تسلم قلوبكم
رد مع اقتباس
المفضلات