قبل الإجازة

[الجازي]

[align=center]

[align=center]لا تخافين يالريم

جاتس اللي يعرف التفاااااااااااااعل

المدينه اللي رحت له رفحاء

الفندق ( بيت عمي ) ولا ( بيت عمي الثاني ) ولا بيت جيران عمي

اهم الاماكن السياحيه

فيضة ام عصافير

وشعيب المناشبي

وقرية لينه

والمعيزيله

وقصر الشنيفي ( هذا اثار )

ودزليب الجميما

العمله

الريال السعودي

ويقبلون الليره والدولار

طبيعة اهلها

يا هاااااااااااااااااااادئ

ولا متوحش


يعني نص ونص مافيه

اي استفسار اخت الريم انا حاضر

ماعليك الا انك ترسلين لي رساله فوريه

وسوف يجيتس الرد يمشي خمس الاف

وتقلدي تحيتي

[/align]

عز الله انك ماقصرت ,,

ايه هذي المعلومات القيمة والا بلاش

بس أنت متأكد من هالأماكن السياحية !! ياخي مدري ليش ثقتي فيك معدومة >>> شكلي بخليك تتحسف على فزعتك

عندي استفسار واحد بس

جيران عمك بكم يأجرون الغرفة

يسلمو شبيثان ,, ورحلة سعيدة مقدماً [/align]

[المشرف العام]

[align=center]

أهلين خالي ,,

تروح وترجع بالسلامة ,,

بس ليتك ترسل لنا مناكد عشان يجيب معه الخريطة لعل وعسى يتحرك هالموضوع شوي [/align]

تريه يقصد خارطه طقم السّنون

وثفيك ، ثرّمتي انتي بعد

قصدي . .

عيّنوا خير . . واللي زهقان من هالقريشات اللي عنده ، يحطّهن اسهم ببنك البلاد ، يقولون عليه توصيه وما يجي داير إلاّ مفرّخات دبل <<<< استثمار شيبان

[ابو غازي]

[align=center]سكر علينا هذا
القروش مامن قروش يابو سلطان
قال انفخ ياشريم قال مامن برطم
وثفيك .. انا الي ثرم ههههههه
والسفر مسافرين بحول الله
[/align]

[الجازي]

[align=center]ابو سلطان ,,

كله واحد خارطة طقم السنون أو خارطة الطريق ,, كل الطرق تؤدي إلى روما

خالي ابو غازي ,,

تروح وترجع بالسلامة [/align]

[شنقل]

[align=center]وش اجازته
انا ياواحد معاكسن هالناس كلهلا ياشيخ
مبطي ماطلعت اجازه بالصيف

انتظر ياما يرجعون وتبداء المدارس
واخذ علوم الديار من اللي سافروا


ثمن اعقبهم عليها
والقى الاسعار طايحه


الريم ان شاء الله قبل رمضان اعطيك الجواب النهائي[/align]

[راعي الوقيد]

[align=center]^
^
يفكر صح

معاقبن الرعيان سارح ايه بعدي شغلك عدل مدل

انا مثل اللي يقول

لى صرت بالصمان والقيظ حاديك * * شوفة صخيف الروح والا المطية

لاعت تسبدي في ذا ابروح اشوف وغداني وشيباني وارجع هاني

والله يالريم وانا اخوتس مالي بالسفرات حدي الوقيــــــد

وانتي ناكستن من عند شعيب حدري البلاد الى شعيب مقاّ والبعيّر<<

اماكن سياحية !؟

وبس خليييييص[/align]

[محارش]

موضوع رائع وهو بالفعل من صميم مواضيع الدكه واسعدني لانه بمثل هذه المواضيع يكمن نجاح الدكه .

داخليا


بما ان اغلبية الاعضاء من قبيلة شمر فأكيد ان اتجاههم يم حايل ( حيث زيارة الاقارب والتمتع بالاجواء الرائعه وخصوصا بعد الساعة الرابعه عصرا )


اخت الجبال وبنت القصيد ( حايل )

منطقه ضاربة في عمق التاريخ ذات حضارة عريقه وتاريخ ناصع بالجمال .


تتميز حايل بأهلها والذين يمثلون الكرم بأروع صوره والشهامة والنخوة والاصالة التي تبهر من يزورها ولو لآيام .


الفنادق

للاسف لا يوجد في حائل سوى ثلاث فنادق فقط .

فندق طي وهو فئة خمس نجوم وله ما ينيف على عشر سنوات عظم وكان من صميم عمل لجنة تطوير حائل الاهتمام بموضوعه وحل الازمة المالية التي تواجه اصحابه ولكن مامن حل .
يعني جاك ولد بس ماااااااااااات .

فندق الجبلين وهو الفندق الوحيد اللي من الممكن ان تسكنه ( نجمتين وتخب بعد ) فاشل جدا وغرفه مشغوووله على طول .

فندق حايل وهذا ما يسكنه الجني علمي به قبل عشر سنين ما ادري هو فاتح وللا مقفل .


الشقق المفروشه

عوّضت الشقق المفروشه سوء الفنادق في مدينة الكرم والشهامه .
وعددها يقارب الثلاثين ويمكن اكثر بعد بس هذا حسب ما شفت .

ويصعب علي حصرها حاليا لكن قد تكون شقق البهجه والضباب هي الاكثر خبره واكثر عددا من ناحية الوحدات .


وقد يكون سبب تأخر الخدمات الفندقيه وتأخر ظهور الشقق المفروشه في حائل الى ان اغلب القادمين الى حايل يملكون منازل في المدينه او على الاقل في القرايا , ايضا من لا يملك سكنا فإنه يسكن مع ابيه او اخيه وهذه عادة درج عليها ابناء المنطقه ولا زال كثيرين يتمسكون بها .


الاماكن السياحيه

توجد الكثير من المتنزهات سواء الحديثه او القديمه

ويعتبر مشار مقصدا لكثير من الناس لسهولة الوصول اليه وتوفر الخدمات من ترفيه ونحوه .
السمرا متنزه جميل وحديث تقريبا ولكن ينقصه بعض الخدمات والتنظيم .
المغواه منتزه حديث جدا وسيكون مقرا لبعض كرنفالات المهرجان القادم كما سمعت .
منتزه الامير سلطان او المسطحات وهو عباره عن مسطحات خضراء ( حركات مصاريه خخخخخ )
طريق المطار خخخخخ
الظلظل للي يحب الطلعات


السياحة الاثريه

برزان وهو القصر الاشهر بحايل ولكن للاسف الشديد لم يبق منه سوى شواهد قليله ومسميات فقط اما القصر فقد تم هدمه في عصر التخلف في تصرف يعتبر الاشد وطأة على قلوب ابناء حايل عموما ولازال الناس متعلقين به بشكل كبير فهو يمثل حقبة تاريخيه لا يمكن ان يمحوها هدمه . ويعتبر مصدر فخر واعتزار لشمر عموما وغيرهم من ابناء حايل الكرام.

اعيرف وهي قلعه صغيره بالقرب من برزان وهي باقيه الى الان وهي غايه في الروعه .

الكشله وهي حصن انشئ في بدايات العهد السعودي وهي الان متحف ولكن سوء استغلاله جعله نسيا منسيا فلا يكاد يذكر الا قليلا واعتقد ان عدم انشاء وزارة مختصه بالاثار سيفقدنا الكثير مما نمتلك من كنوز .

توارن حيث يوجد اثار قصر وقبر حاتم الطائي الشخصية العربية المشهورة بالكرم حتى سمي الكرم بالحاتمي .

جبه حيث جمال النفود وطبيعتها الساحره وهي من اكثر المناطق غنى بالنقوش القديمه والتي تعود الى عهد ثمود حسب علمي المحدود .

عقده وتعتبر الان ضمن حايل وهي تشتهر بعقد جبال اجا المحيطة بها بشكل مذهل وهي مكان يقصده الكثير من اهل حايل لقربه وصفاء جوه ومناظره الخلابه

طابه : في جبال سلمى ولم يسبق لي زيارتها بصراحه ولكن حسب ما اسمع انه تتربع على فوهة بركانيه وبالامكان رؤيتها من الطائره .

الحايط : مدينه اثريه لكن لم يسبق لي زيارته لبعده عن حايل .

هذا شئ بسيط جدا والا فهناك اماكن اكثر مما ذكرت ويصعب حصرها .



النشاطات المتوقعه

تعتبر النشاطات الاجتماعيه هي الاكثر حضورا خلال الصيف وفيها تكثر المناسبات الاجتماعية بشتى صورها ( انواع الكلسترول خخخخخ مفاطيح وانعام لا تعد ولا تحصى )

مهرجان حايل صيفها هايل

وقد بدأ هذا المهرجان بالنضج بعد فشله في سنيّه الاولى وكان مهرجان العام واحدا من افضل المهرجانات وفيه يتم عمل مسابقات وبعض الفنون الشعبيه وسوق خيري وتراثي وخلافه .

التطعيس

يومي الاربعاء والخميس في نفود قنا

القيلات وهذي بكل وقت وكل حين مدام انك بحايل




*************
الطايف

روحتي للطايف ما تسوى اني انصحكم لان مامن هاك الخبره .

الجنوب

ما عمري رحت له وان حصل فرصه ماني ذاخره .


خارجيا

اذا ما حصلت لكم الروحه لجنيف او باريس او اورلاندو فأنصحكم تجلسون بدياركم ابرك


هذه مساهمة بسيطه واعذروني على القصور فهي كيبورديه وان حصل لي وقت فسأعود ان شاء الله .



تنويه

هذا اغبر رد كتبته بحياتي
اول ما بديت بالرد جا واحد يبي يسولف وكل ما سولف احاول اني ما انتبه علشان يروح بسرعه واقدر ارد .
وبعد ما راح انهالت علي مكالمات من كل جهه وقسم بالله جاني اتصال من برا المملكه وهذي اول مره يكلمن واحد من برا خخخخخخخ
جوالي وهو جوالي يمضي عليه يومين وثلاث ما دق
اصلا كل الشله اشتروا نفس جوالي لانهم يسمعوني اقول بطاريته تجلس اسبوع ما تفضي ما يدرون انه ما عمره دق خخخ واليوم ما خمد الا عقب ما فقدت البطاريه لياقته وطفى خخخخخخ
لعنبوا ابليس من الساعه ثمان ونص وانا بادي بالرد ولا خلصت الا الساعه وحده خخخخخ كل ما كتبت سطر انشغلت بعده اقل شي نص ساعه , حتى اني رحت تغديت ورجعت للرد

وسيكون هذا اخر رد بإذن الله على اي موضوع من مواضيعتس الغبرا <<< وين راحت سالفة فسأعود بإذن الله

تحياتي .

[المطنوخ]

اما اللي يبي يجي للكويت

ممتاز للي يبي يسوي غداه على كبوت السياره هههههههههههه

واذا تبي تجرب تشوف قوة المعدن اذا ينصهر ولا لا

خله على طبلون السياره وسكر الدريش وخلها من الساعه 11 الظهر ليا 5 العصر وراح تحصل النتيجه مضمونه باذن الله

والله بصراحه هالصيفيه ماينقعد بالخليج

يمكن يخالفوني كثير لكن

هذي اوربا ليا من قابلت الخضر وهالريف قسم بالله ان يصفي صدرك من كربنة هالجو ويعطيك ضمان 5 سنوات

سافروا برى لحد يقعد

[الشبث]

[align=center]

شكلي بخليك تتحسف على فزعتك

ايوالله يالريم تحسفت على فزعتي

لعنبو بليستس شادن حيلي وجاي اركض يوم شفتتس مضيومه


ويوم فزعت لتس قمتي تستهزئين بي




لكن هذا وجهي اذا فزعت لتس مره ثانيه






ويالله انا ماشي للفله






وتقلدي تحيتي[/align]

[الجازي]

[align=center]

شنقل ,,

قبل رمضان !!

لا ياخي ,, قبل رمضان أبفتح موضوع عن العمرة وأحسن فندق في مكة وأفضل مطعم >>>>>>>> والله اللي بتنشب لكم بهالمواضيع

يعني بالله الحين عمرك ماسافرت ؟؟

ياخي تذكر لك أي ديرة مريت عليها وعلمنا وش سويت فيها حتى لو من ذاكرة الطفولة [/align]