[align=left]
[/align]
قصيدة (( البخناني ))من حاضره اهل حائل بالامير سعود الرشيد (رحمه الله):
قال اللذي يبدع على كـل مـا راد ......من ضامره ماجاب قيلـه عـواري
ظرف على بدعه للامثـال واستـاد........ولا قال قيـل باغـي بـه يمـاري
وخلاف ذا ياراكب(ن) فـوق فـدّاد.......اسرع من البابـور مالـه مبـاري
مافوقه الا الخرج زاهيـه وشـداد........ومن خلقتـه ماقلبـه كـل شـاري
يرعى من الطايف ليا جسر بغـداد.........ليا الشام ليا وادي الدواسر جهـاري
يرعى بضف الشيخ صعصيع الاولاد........من خلقته يرعى الخطر ما يـداري
يلفي سعود الضيغمي ضد الاضـداد........ضد الضديد ليـا حصـل للمثـاري
سم علـى كبـد المعـادي ليـا زاد.........بمصقـل(ن) حـده يبـت العتـاري
شيخ(ن) على الصابور بالضيق وراد..........يدلي كا حـر(ن) يصيـد الحبـاري
ليا تنهض طير شلوى تـره صـاد..........متعود(ن) للصيد ورث(ن) وضاري
ومتعود(ن) يسقي العدو مر الانكـاد.........ليا حل له عنـد الاجانيـب طـاري
وحريبنا لو هو ورى النير من غـاد..........لازم ليا جـاه النـذر فـر سـاري
وصلاة ربي عد مـا الفجـر ينقـاد.........على نبي(ن) بالمصاحيـف قـاري
رد مع اقتباس
المفضلات