اشياء افتقدها .... كثييييييراًً اً اً.....!!

**عجايب بنت الشايب** · 08-05-2005 21:27

السلام عليكم ..

كيف الحال ياكرام ... والله اني عندي معاناه وامنية اريد ان احققها

لكن هناك حاجز عظييم .... تهي تهي

وهذا الحاجز هو الغطاء او العبايه <<<< لاحول الله ... كفرت

لاحد يفهم خطاء اسمعوا انا عندي رغبات ما امداني احققها قامو غطوني <<< الله يرحم ايام نغطي البنيات في صف سادس ب <<< وش معنى ب ؟؟؟

فابي منكم يالربع ياهل الفله واذا ماقدرتوا راح ارسلها للعام يحلونها

فاقترحوا لي اقتراح احقق هذي الاماني ( التالي ذكرها )

الاماني وهي :

1- ابي اجلس على الرصيف اللي قدام بيتنا واشوف الرايح والجاي كل عصريه

2- ابي اذا ولد جيراننا طق اخوي الصغير في حوشنا الحقه لين باب بيتهم ... ولا يوقفني جدار ولاباب

3- ابي ألعب مع عيال الحارة كورة لان مافيه احد من بنات الجماعه كبري وعيال الحارة كلهم كبري ... قهرررررر

4- امي .. ابي اروح للدكان العصر واشتري بريال واحد فقط عسكريم ابو نص ونص فشفاش

5- ابي اقلط مع ابوي فالدوانية عند الرياجيل ويغطيني بفروته ويقولون لي زي قبل

يالله غني لنا ونعطيك ريال .. واقعد اقول ( امي مرت ابويا ولي وليتي .. نرى ورى الباب جني مكحل عيونه ومطير قرونه ) ويصفقون لي واكسب الريال

انتظر مساعدتكم ... 998

**ابو غازي** · 08-05-2005 21:40

[align=center]ههههههههههههههههههههه

الحل بسيط أما البسي ثوب اخوتس ولا تلهلمي بفروة البابا
وتنحي على الرصيف

اقول ويش رايتس اخلي البنيوات يفرطن عليتس واجحمك على الغاذيه بالمخيطر الي يخبرون الربع والربعات وهمن نعطيتس من هالسعوط الي جايبوه اليّم من حايل من حمد بسطه [/align]

**الـمـحـروووم** · 08-05-2005 22:40

[align=center]الحل بسيط جداً

جحمه صغيره بالمخطر وهذا هو الحل الأمثل[/align]

**أبو مقرن** · 08-05-2005 23:51

[align=center]والله معاناة؟!!
ياحوووووووول...ياشين الحرمان
بس عشان ماتزعلين أختي:
من المنطقي والطبيعي جداً أن تفتقدي هذه الأشياء..
ولا وش فرقتس..بالله
عن هالمطنخ اللي كل رصيف.ن.وهم لهم غلطة.ن.عليه..
وكل دكان.ن. وهم سادين.ن. بااااابوه..
***
أقول:
خوذي لتس بخاخ..وليا تسفتت الناس تبي تصلي..
فرّي على هالجدران..وعندتس ياهن يالبنتاخي..ولا تخلين جدار.ن. ماتكتبين عليه..يمكن يكون هالعمل متنفس لتس..والله أعلم.
***
تحياتي[/align]

**عجايب بنت الشايب** · 08-05-2005 23:56

[align=center] ابو غازي : المحرووووووووم

ايه عند التطنز والمعايره عزالله بلقاكم ...

اقول ههاها عاد

بلاش كلمات ماعرفها <<< اختكم مهب شمريه

بس الحاسه السادسه عندي تقول انه كلام وسخ

الشرهه على اللي فازعن لكم :

لاعاد تمرون وماعاد نبي منكم حل [/align]

**الأصيل** · 09-05-2005 09:48

[align=center]ياخاله ... الله يرضا عليتس

حنا ماحنا سالمين منتس هنا

تبين تنزلين للشارع إلى معترك الشباب

وتبين تضاربين .. وفاشخ ومفشوخ وفالع ومفلوع

وبعدين

أنا ماعمر أحد قال لي : اقصد لي وأعطيك ريال

نداء إلى خالي أبو غازي

آخر العلاج ... الـ ( نقط نقط نقط ) [/align]

**مغترب بالشمال** · 09-05-2005 10:42

ما باقى عليتس الا تقولين ابى اصير سواقه تريله

اقول اشى بس

بوه ريحه (انفهقى غاد )

كلى بكم اعجاب

الضاهر غداكم احترق قومى لمطبخك يامال البلش

ماعليلتس من الحتسى اللى فوق تمنى وان شاء الله تشيب رموش عينك وانتى ماحققتيه

ههههههههههههههههههههههههه

**عجايب بنت الشايب** · 09-05-2005 16:43

ابو مقرن

والله خالبخاخات ماهب شينه بس خطي معروف ....!!!

اما سالفة اذاجا الناس يصلون يمكن أقل شيء اطفي الكهرب عليهم

خخخخخخخخخخخخخخخخ

**عجايب بنت الشايب** · 09-05-2005 16:51

[align=center] ابو ثوب

ههاه عاد هها

من يوم دخلت عندكم وانا شحليلي

اكتب مواضيع وارد بس <<< اجل وش تبين بتسوين بعد

وبعدين اتقارن صوتك بصوتي ... يا اخي انا ام فيصل داقه علي طلبيه

تبيني مع الفرقه <<<< لاتعليق

وبعدين المساله فيها رياااااااال ريال هذا فيه حياة وموت !!![/align]