الى أبي وعمي....مع التحيه

[المطنوخ]

[align=center]صبحكم الله بالخير<<<حسب التوقيت اللي عندي هالحين


منذ فترة ليست بسيطه تقريبا قبل ثلاث قرون

اجتمعت انا (واعوذ بالله من كلمة انا)

وابي (المبجل)

وعمي (اللي لو يقوله ابوي ان امريكا عاصمتها المريخ قال عدل)<<<من زود الثقه العمياء

الوقت (العصير عقب صلاة العصر )

المكان (حائل)

قاعدين طبعا نتحرى هالشيبان اللي يتقهوون العصاري عند ماي فاذر

الوكاد قلت يالمطنوخ دام انت مطنوخ ليه ما تفل حجاجك انت اند يور فاذر اند يور أنكل

الوكاد طبعا وانا واقف اقهويهم وقعدت

[align=right]قلت أبتاه..

قال ابوي ((طبعا مارد لانه بس التفت))

قلت هو صدز ان الشمس ثابته والارض تدور حوالينها؟؟<<تسني ماعرف شين

قال تتسذب انت واللي علمك خبل<<يمار صكتن ام الركب عجزت لا انحاش

استجمعت قواي وقلت له بس بالمدرسه عطونن هاللون

يقولون ان الارض تدور حول الشمس والقمر يدور حول الارض

قال كلكم خبول وماتعرفون شين<<نسبه الى المدرسه

قلت ليه؟

قال الارض ثابته والشمس اللي تدور حوالينها

قلت يايبا مايصير

قال الا يصير وليه مايصير

قلت ((وقعدت اشرح لوه شلون نظرية الليل والنهار ))

الوكاد يوم خلصت شرح وابوي ساكت

قلت معجزه....!!!

انا انتصرت على ماي فاذر

يوم انه التفت على عمي قال وشرايك يابوفلان

قال ماعندوه سالفه

يوم جاني احباطن ماصاحي

قلت ياعميمي وليه ماعندي سالفه

انا رجالن دارس ولا انت وشو تحصيلك العلمي<<عندوه شهاده ويبي ينذخ به

وهو يقولي شهادتك حطه......؟؟؟!!((لحد يفهم غلط))

الوكاد قلت هالموضوع هذا ماله نهايه خل ادور غيروه

قلت انزين يايبا الارض المدرسه يقولون انها مدوره هي صدز ولا يتسذبون

قال الا يتسذبون وماعندهم سالفه

قلت مايصير يا يبا الاولى طوفتها لك بس الحين لازم انا الصح

قال من يقول انها مدوره

وتسانها مدوره ((دققوا على دليله)) ليه ماتحرك سيارتنا ليا منا وقفناهن

وليه ليا منك قرطت الكورة تثبت متسانه؟؟

يوم اني تعبت نفسيا وحسيت بكآبه ماله جنس

الوكاد قلت لان الارض تسبيره بحيث انها مايبين ميلانها

قال لا انا وياك الحين خلنا نمشي وتسان لقيناها تنحني معاك حق[/align]

يوم اني زامت علي تسبدي من هالقعده كلها وقلت بليا هالسوالف

عاد انا وليه شادن حيلي

عاد يالربع مثل ابوي وعمي

وشلون نقنعهم بالسالفه هذي

مع اني اقول والله اصرف لي انام بس يعني يمكن انهم يحتاجون هالمعلومه بزمن مانعلمه

واسمحلولي عن القصور والاطاله

فليبارككم الرب[/align]

[مناكد]

المطنوخ...الموضوع هذا مطنوخ مثلك...


وشيبانك عكس وغدان هالوقت...


اللي يجيبون لهم أسئله تشقق الراس!!!


وعبارات عمرنا ماسمعنا عنها...




واحد من اصغر عيالي (((بالصف الأول))) لقيته يويق بفتحة سكر الماء اللي بالشارع...


ويرجع وراء...انا هقيت انه شايف بالحفره بلا...


قلت وش بلاك...


[glow=0000FF]قال خايف أطيح وأروح لكوكب ثاني!!!!![/glow]


فتحه ماتجي ثلاث إنشات وعمق نصف متر (((بس انها مظلمه))) الأخ خايف يولي يم كوكب ثاني؟؟؟


ودايم يجيب أسئله عن الكواكب والفضاء الخارجي...ما أعرف لها إجابه!!!




كله من الألعاب الخياليه حسبي الله عليها وعلى اللي صممها...
لعب بعقول وغداننا...




تسلم لنا انت ومواضيعك...ويسلمون لك شيبانك...

[هايس الشمري]

[align=center]هههههههههههههههههههه


ياخي شف انت لازم تجيبلوه


دليل ملموس من واقعه



تسلم على هالسالفة


اخوك


الذيب[/align]

[ابو غازي]

[align=center]حتى انا مع عمك لله درووووه

يبينا نصدز هالكيفران

اقول مثل ماقل ليه يامننا وقفنا سياراتنا ماتدحدر بالله هااه ههههههههههههههه
اقول ويش رايك اجحمك بالمخطر أنت والريم اليوم سوالفكم سوالف وغدان




وين صلفدز >>> عنك

[/align]

[عجايب بنت الشايب]

الى عمي وعمي الثاني مع التحية !!

لان ابوي متفتح <<< لاني بنته


عمي هذا بس يقول كذب كذب اذا قلت له فيه صور قال تركيب كذب

والله سافرت معه لديرة وطول الطريق نتهاوش كورة .. مستويه

ويوم زهقت قلت له

مالك الا انك تطلب طلب وتروح مع اول مركب للفضاء وتشوف بعينك ؟؟


وسكت <<<<< صجنا ذا الشايب !!



اما الثاني ....... استغفر الله والشكر .... ماعنده الاقولت ::


((( لو ان الارض تدور كان غنم أم سعد جارتنا طاحت علينا )))

اكبر همه !!!


طبعا ماعليهم شرهه ....... طعوس متحركه !!!


المطنوخ موضوعك يحرق التسبد ..

[بتول آل علي]

[align=center]
أفضل طريقة للاقناع هي بالدليل العملي


يعني تمشي معاهم وتسان لقيتوها تنحني يعني معاك حق خخخخخخخخخخخ


أجل لو قلتلهم أرمسترونج شاف الارض مدوره من القمر ، وش يبون يقولون ؟


يعتييييييييك العافية يا بو المطانيخ

الدهور[/align]

[الأصيل]

[align=center]أخو طنخه ..

والله .. الظاهر إنك تغرد خارج السرب

يعني ..تسولف خارج نطاق التغطيه




ماتعرف تقنع الشيبان أن القاع مدوره ؟؟!!!



ياخي الطريقه سهله

قل لأبيك ( مجرور باليا ( مغرم بالجلوجيا )

وخلوه يعطيك ظهروه وتعطيه ظهرك

هاه

وكلن يمشي عكس الثاني

إلى أن تدورون الكوره الأرضيه

ثم


تلتقون .. وجهاً لوجه ..











طنخااان


لاتنسى ..

خذ معك ماء .. لاتهلتس من العطش

























ياحليلوه

يسولف للشيبان إن القاع مدوره ، والشمس تفتر على روحه


ويبيهم يصفدزون لوه .. زين ماصفقووووك[/align]

[سرحــان]

[align=center]


المطنوخ فك عمرك


طع شوري

من تالي هالنذخه

تمورو يقضبونك مع اذنك

ويم ابو غازي يجحمك بالمخطر

لاوبعد يمدحون ابو غازي انت يدك مبروكه

شف وليدنا يابوغازي اكيدمتعرضوه له شي


هاليومين دلا يوحس و نذل ان براسوه هوبه

اغديك تطيح عليه بالمخطر........


سلام[/align]

[احمد الهاجرى]

يا بعد سبدي يا المطنوخ


ماعينت الا الشيبان تعلمهم ان الارض تدور

مره قلتها لشايب من الجماعه قال تكذب لوها تدور

كان صلينا شرق قلت ليه قال انت ماتقول انها تدور قلت نعم

قال يعني بتغيب الشمس شرق وبتظهر من غرب ومكه بدل ماهي غرب بتصير

شرق وانت ما عندك سالفه

قلت انا والله خابر ماعندي سالفه منذو مبطي

قال استغفر ربك ولا عاد تعودها

شكر ا على السالفه الطيبه يابو المطانييخ

[شنقل]

[align=center]مدري ياخي


طرت على ذبحة الزير ساااالم



يقول الزير ابو ليلى المهلهل

وقلب الزير قاسي مايلين

وان لان الحجر مالان قلبه







<<<< توه قاعد
الا موضوعك وشو



ولكموووووووووووووووو



يسلموووووووووووووووو[/align]