لا يمكن تكون خليجيه
صراحه هالموضوع يرفعلي الضعط بس حبيت اكتبه واشوف راي الكل فيه:
كل يوم في التلفزيون نشوف اشكال والوان من مطربات يدعين انهن خليجيات مع انه الخليج معروف بالتزامه الديني وعاداته وتقاليده اللي ما يتنازل عنها.
وتطلع المطربه فرحانه على عمرها ولابسه المرصص والكت وغيره من اللباس اللي ما اعتقد انه في اهل خليجيين يرضون بنتهم تلبسه (او الاغلبيه ما ترضى لانه فيه ناس نسوا الرجوله وصار عادي يشوفون بناتهم وخواتهم يبسن هاللبس)
انزين هالمطربات من وين يوا؟!! وليش يشوهون صورة الخليجيات ؟!! ومعظمهم فرحان على عمره ويقولن تغيرت النظره للمطربه وصار الشارع الخليجي يتقبلها؟!!! غريبه يتقبلها عليكم اكيد لانكم ما تعنوله شي بس محد يتقبل على اخته وبنته انها تصير مطربه وتلبس هاللبس ولا عبايه ولا شيله تستر
الادهى والامر انه طالعات مطربات كثيرات هالايام يسمن عمارهن اماراتيات. والامارات منهم بريئه. لا اسم ولا عايله ومعظمهم من الشارع انزين كيف صرتي اماراتيه؟!! شوهوا صورة الاماراتيات في نظر العرب والخليجيين
الوضوع طويل وبلاوي هالفئه كثيره
بس ما بكمل ارتفع عندي الضعط
والسموحه على الاطاله
رد مع اقتباس
المفضلات