نزوم زومات الرجال المحاشيم
ونهد هدات النمور الجريحه
ربع على در المنايا مفاهيم
من هازنا زاغت عجوزه تصيحه
اليا تغشلينا عسير الشغاميم
لومك على اللي مايبرهن مديحه
وان لولشن محشمات الملاثيم
والموتحثرب بالحناجر ضبيحه
جينا من أقصانا سحاب مراديم
كل يذكي حروته عن نطيحه
يازين دح قفوشنا له ترانيم
والعج واقف والفعايل صريحه
كان المنايا سوقا مابعد سيم
والخوف برك بالقلوب الكسيحه
حنا زباينها علي الملازيم
علم يقريه النصيح لنصيحه
واللي بني بيته نبيه براهيم
انا طريق المستميت لضريحه
بني رشيد ام عتم الجو تعتيم
ماللردى فينا ملامح وليحه
اجسر من الرعاد واكرم من الديم
سمر الجباه اهل الوجيه الفليحه
خوينا نقريه عزه وتشحيم
دخلينا دونه عن الموت صيحه
يابنت ماحنا فقارا معاديم
لو ماسكنا بالقصور الفسيحه
تجار لو حاشت يدينا ملاليم
ومن الغناة نفوسنا مستريحه
مانستضيف ايا لفونا معازيم
للضيف لو نذبح حدينا ذبيحه
دايم يدينا للعطايا مواليم
لي خانت الفزعة وجيه كليحه
طال القريض ومقبل الود ومقيم
والبال عيا طارقة لايريحه
أقولها وابصم على القول تبصيم
والعلم بين زايفه من صحيحه
ماهو قصور بالحرار الصماصيم
كل بدرب العز قد هب ريحه
ومدحي لربعي مايذم الاكاريم
ولايستشك الاخبيث الشريحه
والحق واضح للرجال المفاهيم
والحققد يخرث بالنفوس القبيحه
والشر من جيت معزي وهو نيم
واليوم وحده والشريعة سميحه
لاأعلم من الشاعر ولكن قصيدة أعجبتني
وتقبلوا تحيات اخوكم ابومشاري...........
رد مع اقتباس
المفضلات