[poem=font="Simplified Arabic,6,white,normal,normal" bkcolor="transparent" bkimage="backgrounds/10.gif" border="none,4,gray" type=3 line=1 align=center use=ex num="0,black"]
يالله يالي تكسي العظم بالحال
تسقي وطنا مزنة(ن)عقربيه
وانك تبارك بالحراير والانجال
وتساعد الراعي حبيب الرعيه
والشعر ما يكتب على كل منوال
والارض ماهي كوره دايريه
الارض كوكب والسماء مالها جال
والعين ماهي في هواها خليه
واحباب الارض الوان واشتات وأشكال
والحب فطره والمحبه سجيه
قد وردوهن هيت واخطوهن عيال
لين ادخلوهن في حمى العيطليه
يتلون شيخ ما معه غير الامال
والاربعين شيوخ وبوارديه
على النضى والعمر فاني ورحال
باعو ضمايرهم على المهمهيه
والذيب ياما بات في صدر رجال
على دروب متعبين المطيه
عقب ذبحه جوعه على روس الاقضال
وجر العوى في كل صوب ونحيه
واليوم طابت نجد في كل الاحوال
ومن المرض والخوف والجاهليه
ويالي عقالك فوق حاجبك ميال
نفداك حتى جدودك الوايليه
ياعل عين ماتشوفك وتختال
لا شافتك تمسي عبوس (ن) رديه
حنا هلك نفد وتهاتيه وجبال
وعزوتك حنا والعقيده قويه
حنا الكتايب والسرايا والابطال
وحراس راعي السنه الاحمديه
حنا العرب حنا القصايد والامثال
من قبل قيس وفتنة العامريه
حنا هل التوحيد ماضين الافعال
هل البيارق والظفر والحميه
بحجازنا جبريل حول بالانفال
على محمد خير كل البريه
مافي عروبتنا سواليف وجدال
لنا المهور تعود واليعربيه
يايعربين بينت عنك الاجيال
المجد لك والخيل والشاذليه
نمد لك من صافي الود فنجال
من كف نجد المكرمه والعذيه
من وين اببداء فيك يالشامخ العال
حيرت فيك القدره الابجديه
من يم ابو تركي بطل دار الابطال
والا لدمك وامك الشمريه
قلت السراب أعذب من الهم والال
وأخطيت ياكبر الغلا والخطيه
يابنت يالي على صدرك جلال
ياالحره المياسه الغشمريه
ياكم هلك دونك هواوي وعذال
مانتي مناديلك عليهم نديه
شمتي لراع العز والجاه والمال
ونمتي تحت حدب السيوف محميه
وإلك السلام شمام ياطيب الفال
ليت اليالي اعراس وجنادريه [/poem]
[align=center]الشاعر| نايف صقر[/align]
رد مع اقتباس
المفضلات