ساجر الرفدي من فرسان عنزه فارس لايشق له غبار
ومن اشجع اهل نجد وقبل يقولون كان مدعاه
يامن الواحد ابغض له عرب قال ياعلكم بساجر
عاش بداية حياته "بالشملي" قريه من قرايا حايل
ولكنه جلى الى الشمال وترك حايل.
فالسبب ورى رحيله
ان المعروف عن ساجر ان اكثر مغازيه كانت على مطير
ولكن بتالي وقته انقرد وقام يناحي الرشيد ويتحدى الامير/عبيد الرشيد
من ضمن ماقال يتحدى عبيد
[poem=font="Simplified Arabic,6,black,normal,normal" bkcolor="transparent" bkimage="backgrounds/4.gif" border="none,4,gray" type=0 line=0 align=center use=ex num="0,black"]
طلال قل لعبيد بينك وبينه=شلون يامن والعمارات عمار
شلون تقبل لذة النوم عينه=ووراه ربع مايهابون الاخطار
من باب بغداد اليا باب المدينه=يلقى بني وايل على الكود صبار[/poem]
وصلت القصيده لعبيد وحطه بقلبه
مرت الايام وصادف ان شمر كله غزت مع عبيد ولابقي بحايل
الا ربوع قليله
وهو يغزي عليهم ساجر وياخذ حلال شمر ويقفي به
يوم رجع عبيد قال:وانا اخو نوره وين حلال شمر
قالوا: اقفى به ساجر
قال عبيد:جيبو لي اخبار ساجر وينهو نازل
قالوا اللي عنده: يذكرونه نازلن على "ذباذب"
قال:وينهي ذباذب هذي
قالوا:بالشمال
قال عبيد:يالله ياشمر ترونا غزو
ويركبون يوم وصلوا ذباذب ويلقون به اكالصلبي مع غنمه
قال عبيد:وينهو ساجر
قال الصلبي:رحل له ستة ايام
الوكاد ويعلمهم الصلبي بوجهة ساجر
ويلحقونه شمر دون العراق وتصير بينهم معركه وينكسر به ساجر وينحاش
ويستردون شمر حلالهم وياخذون حلال عنزه وبيت ساجر
من ضمن ماقاله عقب هالاحداث:
[poem=font="Simplified Arabic,6,black,normal,normal" bkcolor="transparent" bkimage="backgrounds/4.gif" border="none,4,gray" type=0 line=0 align=center use=ex num="0,black"]
الله من عين تزايد حزنها=والقلب من صكات الايام مسمور
من شوفتي داري تغير وطنها=من عقب ماني داله القلب مسرور
دنولي الحمرا ومدوا رسنها=وهاتوا ذلولي وانسفوا فوقها الكور
ياما حلا المسلاف باول ضعنها=مستجنبين الخيل يبرا لهن خور
يومن انها نجد وانامن سكنها=واليوم مايسكن بها كل ممرور
شامت "لاخو نوره" واناشمت عنها=اللي يصبح به على فجة النور
وانا احمد اللي فكني من شطنها= ومكيف مابين عرعر وابا القور[/poem]
ارجو ان تحوز على اعجابكم
المشاركة الأصلية كتبت بواسطة المهـ ـره
المفضلات