[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="double,4,black" type=1 line=1 align=center use=ex num="0,black"]
الهنوف اللي سرت من نجد وامست بالحويه
ضيقت صدر الرياض وسافر الطايف وجاها
وانثنى غيم الحجازوخد نجد النرجسيه
يوم جاته من زعلها كنه تقصر خطاها
زعوها وزعلت واخلت قصور الفاخريه
والحقتني شرهة الزعلان واخطاني رضاها
سافرت والله ماخبر اللي يزعلها عليه
واستباحت يالله الخيره سهر عيني وماها
ليتها يوم استباحت دمعة العين الشقيه
استباحت دم قلبي من خلاها في خلاها
سامح الله ظلمها وطعونه الاخضر النديه
والله يسامح خناجرها ويعفو عن خطاها
عرضتني للهبايب والظماء والمهمهيه
وتركتني للزعل والشوق والكبر وغلاها
الغلا ماهو في يديها ولا في يديه
الغلا شي(ن) من الله واشهد ان الله عطاها
ومن غلها لو توردني على حوض المنيه
كنه تسقيني الشهد المصفا من شفاها
ومن حلاها ما توصفه الحروف الابجديه
كيف توصف وردة(ن)يبري من العله شذاها
الورود تغار منها مزهريه مزهريه
وان تباهت عذرها معها يحق لها تباها
ما يشابهها شبيه ولا يحاليها حليه
جل رب (ن) يوم صورها فرقها عن سواها
ان قبلت هيجنة وان اقفت جذبة السامريه
وا عذابي ان عطتني وجهها والا قفاها
ان بدا لي وجهها يشبه صباح اليوسفيه
وان غشتني نفحه من ليلها يسعد لي مساها
دره بالموت محروسه والبحر محميه
البحر من دونها والموت الاحمر من وراها
دونها ماغليت واسمح لي ولا شداد المطيه
مرخص بالقاع عمري والثريا في سماها
لايمي يبلى بحب الحضر في عيون بدويه
في ظروف ما يقارن مستواه بمستواها
الله اقوى يافقير القلب ابو نفس (ن) غنيه
مالك الا الصبر والجنه لاقاها من لقاها
والهوى اللي يطرح الرجال في يدين اجنبيه
عله بالجوف لا تبرأ ولا يلقا دوها
والهنوف اللي رضت بالثار تاخذها الحميه
شفتها بالعين في قلبي وهي تاخذ اقضاها
وشفتها تشتاق تطعني بلا ذنب وخطيه
كثر ما تشتاق لاعماقي وانا اشتاق لدفها
كل ما عرقت بنسمها تحريت لخويه
والحقت الميسم بميسم كذا على عماها
عاقبتني كل يوم تلحق الكيه بكيه
واتعبتني وادركتني والحقت نفسي مدها
وان تمادت جهزو قبري وانا ابكتب وصيه
ابكتب الله لا يعاقبها ويرضا لـــي علها
العمار تلفه الايام والدنيا مديه
والسنين تلف بي والنار تحرق من وطاها
علموها تلحق الباقي مادام الشمس حيه
وتغانم ما بقى مني وما تطلب فدها
لاتمادا في جفها والرياح الموسميه
ما تقدر وقفت الاشجار وتثمن عطاها
علموها ما بقى لي غير ادن الهاشميه
كان ترضاها على والا تهون من جفاها
وانصحوها لا تحمل نفسها نفس بريه
وذكروها بالقبر لاعلها والا عساها
وعلموها وعلموها لاتطول بالحويه
ديرت(ن)ماهي بديرتها لو اعجبها هواها






الشاعـــــــــــــــــر ضيدان بن قضعان[/poem]