طلب (ياطنيا حياتكم اليوم ملعونه)

**عبدالله ابن هديرس** · 21-01-2005 18:00

مرحبا لجميع اعضاء المنتدى..
اخواني صارلي فترى ادور على عالهرضه و ما لقيتها للاسف و لا حتى لقيت الكلمات..
و هي "يالطنايا حياة اليوم ملعونه.. داركم لا تخلونه" (و في روايه ان هذي القصيدة على اخر ايام امارة الرشيد و الله اعلم..)
منين اقدر اجيب هالعرضه و اسمعها؟ و مشكورين

**راعي الوقيد** · 21-01-2005 18:26

مادري والله منين

لكن لعل احد يعرفه من الشباب يطبدزبه

حياك الله اخوي

وياهلا بك

**عبدالله ابن هديرس** · 21-01-2005 19:44

يعطيك العافيه طال عمرك
سؤال ثاني و ادري ازعجتكم.. ما عندكم موقع عالانترنت فيه عرضات شمر؟

**الاصمعي** · 22-01-2005 14:21

[align=center]هلا بأخي عبدالله
القصيدة أعرف منه بعض البويتات لكن أبي أجيبه لك ان الله يسر كاملة
تحياتي[/align]

**بويوسف** · 22-01-2005 14:37

[align=center]يالطنايا حياة اليوم ملعونة

بالجزيرة صفيتو تقل جيراني

عقب ماكنو احياض الموت تردونه

...................................

حياك الله يابن هديرس

نشوف الاخوان يمكن يجيبونه

ولا دورناه لك [/align]

**عبدالله ابن هديرس** · 23-01-2005 03:12

الله يعطيكم العافيه و يخليكم و يطول باعماركم..
با بعد حيي ابو يوسف و الاصعمي الله يحييكم.. عسى الله يحفظ جميع اعضاء المنتدى امين..
يالله نتنظر يمكن الشباب يجيبونه فيهم البركه

**بندر الشمري** · 27-01-2005 17:43

[align=center]راكب اللي تسوق الكور بمتونه
بنت حر ٍ عريب الساس نعماني

مثل شب أشتعال الجمر بعيونه
السفايف يلوقن فوق الأمتاني

أركبه يسألونك من يشوفونه
قل لشمر وعد الهرج بلساني

يا الطنايا حياة اليوم ملعونه
بالجزيرة صفيتوا تقل جيراني

داركم لعن أبوكم لا تخلونه
مشترينه بدم أرقاب صبياني

يوم كنتوا حياض الموت تردونه
ما سكن به صديق بجلد قوماني

السطر والمراجل كيف تنسونه
كيف الأول تحول وأنقلب ثاني

لا وعايد ولا غياب ترجونه
صابرين ٍ نشوف الصبر حقراني

البنادق عليش اليوم تشرونه
حاربوا وأذبحوا به بعض الأركاني

درهم الشيخ والزهيد يتلونه
حلو قفوا الطنايا صوت فرحاني

لذته كان كثر الذبح بركونه
مثل نجد ٍ جرابه ذبح الأخواني

وكان قلتوا تهون المشكله هونه
من تجر بالمذله دوم خسراني

أن فعلتوا عملتوا ما تريدونه
وأن قعتوا خسرتوا هاف بستاني

هذه القصيدة للشاعر / عويّد القرقشي الآكثريه رجحوا سببها لآنتهاء حكم آل رشيد من نجد وحائل ، مما دعى الشاعر للتذكير بأمجاد الماضي
وان الجزيره لم تؤخذ إلا بالدم الحمر ..

خالص الود أخوك / بندر الشمري[/align]