اول شين اسلم عليكم وقول
وعقبه اقول وش لونـــكم ؟
أبي اعلمكم ان عندي اسلوب شيء ماهو طبيعي
تدرون الظاهر احسن ندخل بالموضوع على طول واحد يبي الستر
يالربــــــــع نبي نطلع كشته ان شاء مثل الاوله وحسن بعد لأني انا اللي كتبت الموضوع
ياجمـــــــاعة الربع نبي لنا مكانٍ حلو حيل بحروة هالسفانيه والتاريخ المناسب اللي تبونه وكثر العيال يقول عقب العيد على كيف كيفــــــك قلنا اجل نخليّه بتاريخ 22/12 يعني يقابل بالانقريزي 2/2
خلينا الموضوع من هالحين على شان اللي يبي يقدم معروض يقدم وهذا خاص بالمتزوجين ماهو يجينا الواحد العصّير وينكس مع اثره قبل الغياب
الشروط:
1-ان يكون حاصل على الجنسيه ومايلبس لبس غريب وش قصدك ؟؟
2-ان يكون معه اذن موافقه حنا ماقلنا عاد من ميـــــــن خلوها مستوره
3- ان لايطالب بالعوده لأن اللاجئين ليس لهم حق الكشته
4-ان لايكون رسمي حيــــل بالمكشات وألا سيدفع الثمن غالياً إياً
5-ان تكون الترتيبات مرضيه للجميع ويطلع الواحد وهو منسمحن خاطره
6-أن يكون الحطب المستخدم ارطا ويستبعد الفحم على شان اهل البربوره مايستفيدون
7-ان يكون هناك قطبه مستغله للي ماهو منضبط والجلاد ابوغـــــازي والغازي مساعده رحتوا فيها
8-الجووواااااال اوووووه يالجوال يعني ارسل لي يافلان رساله وقل نبيك ضروري ولازم تكون بالبيت ضروري هذا انســـــــــــــــــــــــــــوه يمكن بعد مافيه تغطيه للجوال تدرون احسن لاتجيبون جوالاتكم معكم هذا يبي يعزلكم عن العالم
9-أن يكون الكاشت مجيداً لقيادة الدباب وركوب البعارين لأن فيه سباق والخسران يغسل القدور وهنا سيكون حرفنة إستخدام الليفه ماااااااااقصدي شيء
10-مفـــــــــاتيح السياره راح تكون بحصالهبس المفتاح معي طبعاً :315r
الفكره هالحين اننا نسوي احصائيه مبدئيه للي يبون يطلعون او اللي عندهم امكانيه للطلعه
تروني عودٍ من ضمن هالفيده وبو سلطان يقول ودنا بالجمعه ولايهونون الربع قلنا جمعه جمعه وليــــــــــــــــه لا
ملاحظــــه: تروني انا منسق ومعي توكيل من المحكمه موكلن ابوسلطان لأنه يدري ان شغلي
بالعمل اللي انا به منسق قال استفيد من خبرته العلميه رجل فضاء على غفلهواللي يبي يزهم علي اي وقت مرحبابه 0503031616
احلى سلام
رد مع اقتباس
المفضلات