بسم الله الرحمن الرحيم
نظرن لكثرة المطالبه بالجزو الثانى ها انا اتحامل على نفسى واسرده لكم كما حصل بدون نقصان وكنت انتظر من(اليم )
ان يعتذر عما بدر منوه....... واترك الحقيقه غائبه عنكم ولكنوه لم يفعل...(والله وقع ولا احد سما عليه جت لك على ماتبغى 
) وبعد ان علمت بالمبلغ اللى طالبوه الزيدى اخذتنى العزه بالاثم (حلوه هههه
)وقلت يابن العم مجمل ومشكور والله هم والله انوه ماينسهن ابو القيرو (راس المال الف وسبع ميه ومنين اجيب الباقى وانا لاعارف ولامعروف الا السجن حل مابه مجال 
)قابلن بها لزيدى خلنا نتفاهم ....قال ابشر بعزك بس لاتنكبنا 
....قلت افا والله.... وعندما قابلت الزيدى قلت اسمع ياخبيرى الله عطاك الف ريال (طقه بالجما تقنع بم قرون 
)ترن متجملن معك والا انا مخطيت عليك ابيه بها نزغه 
وجت بك والشكوى للى ماتنام عينوه سبحانه وتعالى ....وبعد اخذ ورد قنع بالف وخمس ميه وانتهت هالمشكله ...
نسيت اعلمكم انهم جايين مع لهم اجره وتركهم (يستاهلون :480r
وعندها جتنا الحميا معطلينهم وتاركهم راع الاجره 
قلت الجماله حلوه ناخدهم معنا يسلوننا واتعذر منهم (عين الصواب ):023b:وطول الخط وانا اتعذر منهم وسامحونى وابشروا باللى يرضيكم ومن هالحتسى اللى يبرد الكبد (معسول الكلام )
اثريهم مبيتين النيه الشينه 
وانا ياغافل لك الله .....حتى البناخى صلفيقوه.. قلبوه الهيس معهم 
وعندما وصلنا المنطقه قال صلفيق انا ابى اروح للجبيل منك خوه والا لا.... انا رجال عندى دوام 
قلت مهذا اتفاقنا ياصلفيق انا معلمك انى ابروح لبو غازى (جميع المتعطلين عندوه بالبيت طول عمروه كريم ومن بيت كرم )
وفره فرتين الا حنا بحاره افريقيا بالثقبه 
..... قالوا شفت هالبيوت هذى كله تره لبو غازى (وهنا طب قلبى الحسد 
) ابو غازى اللى ماتسرحوه بعنزين جرب يملك هالدنيا ايههههههه والله الحظ والا هو مامن امور ....لا وسنتين بعد وملك هالدنيا وشلون لو لوه عشر سنين كان اكل المنطقه كله لكن جيتك وانا مغترب والله ماتهنا به وانا حى 
(احاكى روحى )......
وعند اكالبيت يوقفون قالوا هذا هو بيت ابو غازى حول يموه ترنا مستعجلين اللى يبى الجبيل واللى يبىراس تنوره لا تؤخرنا بساع حول (مادريت انهم يبون الفكه ومقلب على كيفك ) قلت انزلوا تقهووا معى اكيد ابوغازى زاهبتن الدله عندوه ومعى تميراتن جايبهن من جبه ومعهن لهن سمن وبقل ادخلوا على الله خلونا نسولف عند ابو غازى ونضحك لنا شوين وبعده تيسروا قولوا تم تروا ضيف الاجواد يعزم (والشمرى عند ابن عموه لايكرم ولايهان )ولاشفت الا غبرت السى (جعله للتشليح )
يامار الباب مسكر وانا انزل الشنيطه (رحله سعيده لا وحمراء بعد )وكريتين التمير وانكع الباب برجلى اخبر الشمرى بابوه مفتوح للمسايير.....يالكمكه قدامى شعروه تقل عوشزة 
وهو ينغق مالك تدفش ام باب ....قلت اقول وانا عمك ماتعرفن بس دخل غرضانى اعجل بسرعه 
ترن ان شفت نفسك طيبه اباخذك معى لجبه وعندى لى عبيدتن ازوجك اياه بس اروج .....قال مالك ياقليل ام حياء ماتشاء (ترجمتها انت قليل حياء وش تبى 
) اخو النطول اخوه وطلعلك لسان يالكمكه وترد على عمك بعد واشرب يدى الهواء واديره اكا الصابر ومن قوتوه تجمعت العبيد من كل مكان تقل نمل الله يذهبهم :023b: ويوم شفته خربت ياتقل تقعدن من النوم سووه هاسلنق (تروهم يقولون الهروب نص المرجله رجلك وما تجيب انحش لعنبوا حيك يالمغترب ان مسكوك والله مالك الديار اهرب لايصيدونك (صادق والا لا )) ووينك يالباب وتقل صاروخ واترك الشنيطه وكريتينى تقل بمارثون وماسكن الشميغ بيد والشليل بيد وهالسود وراى ويصيحون ووقف ياحمول (مانى مترجمه لله لله)
يامركز الشرطه قدامى وازبن لعنبوا حيك (العمر يامغترب )ترهم جووك لا يصيدونك وترونى جدعت النعيلات وانتم بكرامه وحويفى والقار الله وكيلك نار مكبره وازبن الضابط (افيه يازين الحياه الله لايحلكم وحلولاه لو انا ذابحهم بالرياض وكلهم بجهه وصلفيقوه بجهه احلولاه يادبتوه هالهيس باعن هالعفن والله لاعلم ابوك 
)
افيه تعبت بعدين اكمل الباقى
رد مع اقتباس
المشاركة الأصلية كتبت بواسطة شنقل
والبخل ماهى عوايدنا
المفضلات