@ كيف تتصرفين "يابنت "بهذاالموقف ؟!

[مجد]

[align=center]

مواقف بنات شاركونا
سلام من الله ورحمة منه وبركاته
يااهلااااااااا ويامرحباااااااا
كيف حالكن بنوتات المضياف .. أنا حابه اليوم افتتح معكن
بعض المواقف التى تصادفتنا نحن البنات أو قد تكون مواقف من ضرب الخيال
وكيف ممكن نتصرف في هذه المواقف بحكمة

كل وحدة منا تكتب موقف بناتي سواء كان هذا الموقف حقيقي
او .. ليس له وجود في الواقع ممكن يحدث وممكن لا
من خلال الموقف .. نتظر تفاعلكن .. ومشاركتكن في الطريقة المثلي لحل الموقف
وكيف التصرف بحكمه لحله !!

ساكتب موقف وانتظركن .. في كيف ممكن تتصرفن لو حصل لكن هذا الموقف
الموقف الأول : "خليناه فرفوشي "

لو أن الله قد وهبك شعراً طويلاً مثل شعر "الأميرة رابنزال "
وتعبتي في المحافظة عليه .. ويجي يوم احداً مقهور منك أو مقهوره منك
وتقصه ؟!
كيف ممكن تتصرفين في هذا الموقف ؟

سلااااام
المجد
اختكم[/align]

[تذكار]

[align=center]
لو أن الله قد وهبك شعراً طويلاً مثل شعر "الأميرة رابنزال "
وتعبتي في المحافظة عليه .. ويجي يوم احداً مقهور منك أو مقهوره منك
وتقصه ؟!
كيف ممكن تتصرفين في هذا الموقف ؟

هلا1111111 وغلا111111111 حبيبتي الـــــمــــــجــــــــــد

راح أنبسط بصراحه لأنها أمنيتي .. وبعدين أنا أتعب ومتعبه اللي معي هههه
كل ما قلت بقصه أبوي يهددني يقول بذبحك
أنتي عطيني حلول علشان أقنعه وأقنع أمي .. أنا مابي أقصه مثل الأولاد ولا أتشبه بأحد بس أبي أقص منه شوي .. كل البنات يقصن شعورهن إلا أنا مدري ليششش بموت من القهر



أختك

تذكار[/align]

[مجد]

[align=center]هلااااااا وغلااااااا تذكااااااار

تبين الصراحة أنا ماأؤيد القص نهائياً
لان البنت زينتها بشعرها .
والشعر يميزها خاصه إذا كان طويل .

بالنسبة للقص ..
لكن أحب أرفع ضغط من حولي .. وأقول بقصه "كــ مزحه"


أما الفئة اللى تقول لي قصيه .. اعاندهن .
لذلك يا تذكار .. طّيعي كلام أخيتك المجـد ..
ولالالا تقصينه أقهر فيه اللى شعورهن مقصصقصة
وتدلعي وتغندري به .. بس أقرئي عليه لان العين حق


نسلم عليك .. وأنتظر بقية شلة بنات المضياف

اختك المجد[/align]

[ريم شمر]

الشعر الطوييييييل احلى واجد ياتوتا

الله يخلي لك ابوك ويستمر يمنعك


بس الخوف بعدين يجي من يطيعك


مجوده مثل هالموقف حصل لاختي

اختي الثانيه فينا شعرها مشاء الله طوييييييل

وطويل يعني طويل
وهي الوحيده بيننا اللي ماقصته

وكان ودها تقصه بس كلنا نرفض لانه فعلا حسافه

مع طوله ناعم واسود مثل سواد الليل

في يوم اغبر كانت نايمه وهي اذا بغت تنام تظفره

يوم صحت لقت الضفاير جنبها

طبعا صارت حوسه واتهامات وكلام

و تحقيق وطلع ان الفاعل اختي الصغيره

قبل لاتنام تهاوشت معها وهددتها تقص شعرها

وفعلا نفذت

طبعا اختنا الصغيره عملها هذا يعتبر خطير

ويدل على انها ممكن تصير انسانه حقوده و تحب
الانتقام اذا كبرت

لذلك خفنا عليها لدرجه فكرنا نعالجها نفسيا

لكن المفاجاه بعد مرور عدد من السنوات

وبعد ماكبروا الصغار

كنا جالسين نسولف وتذكرنا السالفه

وقعدنا نلوم اختنا الصغيره

مادرينا الا اختنا صاحبة الشعر الطويل
ميته من الضحك هي و الصغيره


وش السالفه يالربع

ابد

كانت خطه من الثنتين دبروها علشان
تقدر تقص شعرها بدون مااحد يلومها
ويطيح اللوم على الصغينونه مسيكينه
والثمن علبه حلويات ولعبه

طبعا الحين رجع الشعر مثل اول واحسن

و مااثر فيه القص

وهي الحين اللي متحمسه تحافظ عليه

حسب طلب زوجها

[ريم شمر]

طيب يابنات

كيف تتصرفين في مثل هالموقف

انتي عندك مناسبه مهمه

وانتي حريصه على التميز والاناقه

اخترتي لك قماش مميز


وموديل خاص بك

ودخلتيه في مشغل راقي مايخيط لاي احد


يوم الحفله لبستي فستانك وانتي مبسوطه

دخلتي القاعه ولقيتي في وجهك وحده تعرفينها

لابسه نفس الفستان

قماش وموديل وخياط


وعرفتي بعدين ان الامر مقصود


طبعا هالسالفه حصلت فعلا لوحده اعرفها

هاه وش ردة فعلك ؟!!!!

[مجد]

[align=center]هلااااا وغلااااااا ريمو
سالفة أختك والخطة اللى سوتها دليل على مخ مخطط
انتبهوا منها

أنا حصل لي موقف شبيه بموقف أختك بس مو قص شعر لا معصي
قص غره "قذله "
كنت في طفولتي وريعان شبابي<< حلوة ريعان
اتمنى أقص غره امنيه
طبعا هذا الشيء ممنوع

وفي مره من المرات سويت حركه بمقدمه شعري
تجديله مثل شعر "جواهر " هههههه
واذا بمقص اخوي يقص جزء منها ..
أنا غضبت غضب ظاهري بس الحقيقة كنت مبسوطه من الداخل لان الامنتية تحققت
وما كذبت خبر .. وقصيتها زياده .. وكل ما طالت اقصها ..
بس بعدين عقلت

[/align]

[مجد]

[align=center]

طيب يابنات
كيف تتصرفين في مثل هالموقف
انتي عندك مناسبه مهمه
وانتي حريصه على التميز والاناقه
اخترتي لك قماش مميز
وموديل خاص بك
ودخلتيه في مشغل راقي مايخيط لاي احد
يوم الحفله لبستي فستانك وانتي مبسوطه
دخلتي القاعه ولقيتي في وجهك وحده تعرفينها
لابسه نفس الفستان
قماش وموديل وخياط
وعرفتي بعدين ان الامر مقصود
طبعا هالسالفه حصلت فعلا لوحده اعرفها
هاه وش ردة فعلك ؟!!!!

بالنسبة للموقف اللى ذكرتيه ..
بالنسبة لملابس الاعتيادية .. فأنا أشتريها من الخارج يعنى من النادر ان يتوافق معي أحد
اما ملابسي للسهرة ..
فهي من تصميمي أنا .. وأختياري .. فمستحيل أن تتطابق ملابسي مع أحد
لكن ..

لو حصل لي مثل هذا الموقف .. سيكون من صالحي لان المقارنه ستكون لصالحي أنا وهي تروح فيها

لان الوحدة هي اللى تحلى اللبس .. وتجعله مميز .
مو اللبس اللى يحليها
صح

ع فكرة هالموقف كنت ناويه احطه من ضمن المواقف بس انت سبقتيني به
هارد لي


المجد اختكم

[/align]

[طَيْبَةْ الْفال]

طيب يابنات

كيف تتصرفين في مثل هالموقف

انتي عندك مناسبه مهمه

وانتي حريصه على التميز والاناقه

اخترتي لك قماش مميز


وموديل خاص بك

ودخلتيه في مشغل راقي مايخيط لاي احد


يوم الحفله لبستي فستانك وانتي مبسوطه

دخلتي القاعه ولقيتي في وجهك وحده تعرفينها

لابسه نفس الفستان

قماش وموديل وخياط


وعرفتي بعدين ان الامر مقصود


طبعا هالسالفه حصلت فعلا لوحده اعرفها

هاه وش ردة فعلك ؟!!!!

والله حصل لي مثل هالموقف من زماااان بس انقهرت المشكله حتى نفس الالوان .. عاد زعلت ولملمت عباتي وطلعت

وحصل معي موقف ثاني
مره كنت اوصف لوحده عن موديل راح افصله بعرس اخوي كانت فكرته غريبه
ويوم العرس
كانت المفاجئه

لقيت نفس البنت مفصله موديلي بس الالوان غير هههههههههه


.

[مجد]

[align=center]طَيْبَةْ الْفال ..
الموقف اللى حصل لك لالالا تحسدين عليه ..
بس أكيد تعلمت درس من الموقف
أنك ما تشرحين موديلاتك لاحد

[line]

كيف تتصرفين بهذا الموقف ؟!
لو لبستي العباية مقلوبة ..؟!
وماانتبهتي لها ..


[/align]

[هـــلا]

[align=center]

موضوع رائع

تسلم أفكارك أختي مجد

أما بالنسبة للموقف

كيف تتصرفين بهذا الموقف ؟!
لو لبستي العباية مقلوبة ..؟!
وماانتبهتي لها ..

الحمدلله الحمدلله الحمدلله ألف مرة ما عمرها صارت لأني أنتبه لشكلي قبل أطلع

لكن فيني عيب إني ما أسكت لو أشوف أحد بموقف محرج لازم أنبهه

شفت حرمة بالسوق عبايتها مقلوبة

وقربت منها قلت لها أختي عبايتك مقلوبة

الحمدلله إنها طلعت ذوق وشكرتني ودعت لي

ولا صارت نذلة وسبتني وطولت لسانها علي


أنا بسألكم

:52:

وش موقفك لو كنتي في مكان عام حديقة أو شارع أو سوق

وتبين تنادين أخوك او خالك عمك اللي هو

المهم إن الموضوع ماهوا محتاجة إنك تطلعين الجوال من الشنطة عشان تنادينية

وبكل أدب وأحترام قلتي ... فلان فلان... كل هذا وعينك على قريبك تنتظرينة يتلفت لك

ما دريتي إلا وشاب غريب عجيب جاي ناحيتك على باله إنك تنادينة

ساعتها وش موقفك بكل أمانة

مع العلم الموقف حدث معي شخصياً



[/align]