مجلس ....بناااات !!

[ريم شمر]

[align=center]
حيا الله البنيات

تفضلن يابنات ....البيت بيتكم ....ولكم وسط الدار ولنا اطرافه !!

الساعه المباركه اللي تشرفون عندي





مجلس يجمعنا

نسولف وندردش حتى ولو كانت سواليف ماصله

المهم نوسع صدورنا

نطرح اي قضيه ونناقشها

نتباحث في اخر مستجدات الموضه والازياء

نستفيد من بعض

مثلا اللي شاطره في الطبخ تفيدنا

واللي شاطره بالسياسه تنو رنا

واللي شاطره بالايقونات تتبرع لنا ببعضها

واللي متزوجه تنصح البنات كيف يطفشون ازواجهم بعدين




يعني المجال مفتوح لكل شي واي شي

اللي ودها تقترح موضوع معين او تسأل عن اي شي

مافيه مانع

انتظركم يابنات

لاتفشلوني عاد



خيتكم ريمووو[/align]

[طَيْبَةْ الْفال]

[align=center] الله يحييك ويبقيك ان شاء الله

والله يجعله مجلسٍ عامر

وهذي الساعه المباركه اللي اجتمعنا فيها


ونتناقش بالمواضيع الزينه

نسولف بكل شي الا السياسه اخاف تصير كبسه هنا لاسمح الله
همن عاد وش يفكنا








يالله فمان الله


لنا رجعه باذن الله [/align]

[فاصــ بيضاءــلة]

[align=center]ريم

قرأت أفكاري وطبقتيها

كنت أفكر بفكرة مشابهة بس كنت مترددة

أبشري يالغالية باللي يسرك[/align]

[هـــلا]

[align=center]

ريم شمر يا أم الذوق أنتي

فكرة ولا أروع

الله يجعلة مجلس عامر ودايم

= = = = =

إخترتوا الموضوع وإلا للحين محتارين؟؟

تبوني أشور عليكم

أنا ماتزوجت بس أنصح جميع البنات بعدم الزواج

لأن الزواج ما يجيب إلا البلا والامراض النفسية والجسدية

وليته على كل هذا كسبانين إلا خسرانين ونص

هذا غير الصداع المزمن والهواش المستمر

والنفس الخايسة

= = = = =

ريم شمر وش رايك بالزواج من الأجانب

يعني بدال السعودي اللي يرفع الظغط

الوحدة منا تاخذ لها لبناني غير جمال الشكل أسلوب سنع وكلام ذرب

وإلا سوري يالله من فضلك جمال وذرابة لسان

أقلها تظمن الوحدة نسل حلو

لأن بيني وبينكم

((مواصفات الشاب السعودي))

نفس خايسة

أسلوب اخيس

لا جمال ولا مال

بعكس الجنسيات المذكورة أعلاه

<<<<<<< طولتها وهي قصيرة

آخر كلامي

وش رايكم كل وحدة تحط مواصفات شريك المستقبل

هذا لغير المتزوجات

أما المتزوجات

مواصفات شريك بنتها

أسمحوا لي تالي الليل الوحدة مدري شلون تفكر



أحس نفسي في هالمشاركة قلت مليون موضوع وموضوع

وسامحونا على القصور

ههههههههههههههههههههههههههههههههههه[/align]

[ريم شمر]

[align=center]هلا والله ومسهلا باحلى بنات

طيوبه وفصوله وهلا

حياكم وبياكم والساعه المباركه جيتكم

وهذي قهوتكم
7
7




هلا عيوني برجع اناقش معك شحنة المواضيع اللي جبتيها معك


.
[/align]

[هـــلا]

[align=center] حلو شحنه ياريم


بإنتظارك غاليتي لا تتأخرين علي


ترى يجيني إلتهاب في العصب الصبري ((يعني المسؤل عن الصبر))


<<<<< مسوية روحي خفيفة دم[/align]

[ريم شمر]

[align=center]

هلا والله وغلا

أنا ماتزوجت بس أنصح جميع البنات بعدم الزواج

لأن الزواج ما يجيب إلا البلا والامراض النفسية والجسدية

وليته على كل هذا كسبانين إلا خسرانين ونص

هذا غير الصداع المزمن والهواش المستمر

والنفس الخايسة

اوف اوف اوف

كل هذا ياهلا

لا ياغاليه انا منيب معك في هالشي

بالعكس الزواج راحه واستقرار خصوصا

اذا حصلت الموده والمحبه والرحمه

يمكن فيه تجارب فاشله لكنها ليست قاعده

ولايمكن ان نقيس عليها

وانا اعتقد ان نجاح الزواج يعتمد كثيرا على المرأه

ويمكن اكثر من الرجل

هلاوي حبيبتي لا تعتمدين او تتاثرين بكلام بعض المتزوجات وشكاويهن

ترى هذا اما من باب دفع العين

او طبع الحريم بالتشكى

وتلقين هاللي تشتكى اسعد وحده مع زوجها

هلا ياغاليه

صدقيني اذا الله وفقك ورزقك بزوج صالح

بتلقين معك شريك يشاركك بادق امورك

يفرح معك ويحزن معك ويحرص عليك اكثر من نفسك

وش تبين اجمل واروع من كذا

...........

ريم شمر وش رايك بالزواج من الأجانب

يعني بدال السعودي اللي يرفع الظغط

الوحدة منا تاخذ لها لبناني غير جمال الشكل أسلوب سنع وكلام ذرب

وإلا سوري يالله من فضلك جمال وذرابة لسان

أقلها تظمن الوحدة نسل حلو

لأن بيني وبينكم

((مواصفات الشاب السعودي))

نفس خايسة

أسلوب اخيس

لا جمال ولا مال

بعكس الجنسيات المذكورة أعلاه

<<<<<<< طولتها وهي قصيرة

شفتي عاد

كل هالمواصفات المنيله بستين نيله
ورافعن خشمه بعد

بالله مايستاهل صاروخ ارض جو يفجر له هالخشم اللي رافعه على بنات ديرته



هلاوي عيوني

نجي للجد

يمكن الرجال تهون عليه بنت ديرته

ويطالع في غيرها وينغش في راعيات الجمال المزيف

لكن حنا مستحييييييييييل

مهما كانت مواصفات الاجنبي مميزه وخياليه

عندنا شهابة هالاشهب تسوى كل من قال انا سوري
او لبناني او فرنسي او ايطالي او اي جنسيه في الدنيا


اصلا مايطري ولايمكن يطرى ولا فيه امل

ان الاجنبي ياخذ مكان السعودي

مكانه محفوظ عندنا

شين واشهب وثقيل دم وجلف صحيح
بس رجّااال


يسوى ملايين من هالماصلين



بس مشكلته ماخذ مقلب بنفسه <<< خربتها

أسمحوا لي تالي الليل الوحدة مدري شلون تفكر

هذا اللي نبيه ياوخيتي ياهلا

نبي سوالف ومواضيع نتناقش فيها ونسولف مع بعض

بالعكس ماقصرتي ياعسل بديتي بمواضيع حلوه

وان شاء الله باقي البنات يبدون رايهم

وترى مافيه مشكله نختلف ونطاق ونتقاضب الشوش

المهم في النهايه ننبسط ونفلها في هالمجلس المبارك


خيتكم ريموووو [/align]

[طَيْبَةْ الْفال]

[align=center]ريم انتي كذا دايم


............ اليوم جبتلكم قصه بشوف وش رايكم خواتي فيها .. وكل وحده تدلي بدلوها (برايها)

يا طويلات العمر هذي فيه وحده معزومه على عرس ويوم العرس قامت الحرمه
وتروشت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت اتصلت في زوجها
وقالت له اني خلصت تعال وصلني لقصر الافراح
قالها زوجها دقايق واكون عندك شوي منيب مطول .......... دقايق والا زوجها قدامها
الرجال يوم شافها اعجبته لانه المسكين مايحصله
يشوفها مرتبه الا في المناسبات
المهم طلبها زوجها تترك الزواج وتجلس معه ..قال لها اجلسي معي وننبسط ونسهر ونجيب عشاء من المطعم الزوجه وافقت ..<== غريبه وافقت من غير شروط
قال لها زوجها ابغى اروح اجيب العشاء من المطعم وارجع دقايق بس
راح الرجال مستعجل وجاب العشاء ودخل بيته
وش شاااااااااااااف قدامه

v
V
V
V
V
V
V
V
V
V
V
V
V
V
V
V
V
v

الحرمه غيرت فستانها ولابسه بيجامه قطن من
حقات البيت وغاسله المكياج وفاكه التسريحه وحاطه
في شعرها زيت ورابطته

زوجها عصب وسالها ليش غيرتي ملابسك وليش سويتي
في نفسك كذا
قالت الفستان ضايقني وانحشرت منه وغسلت المكياج
ماله داعي وزيت شعري عقب الرغوه والاستشوار
تصدق توي احس في الراحه يوم لبست هالبيجامه القطن

قام زوجها يهاوش وقالها الزينه بس للناس
وانا زوجك ما تهتمين لي
وقال والله ماتذوقين العشاء <---- خير ما فعل ههههههه
والحين تقومين قدامي للعرس
وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت قصر الافراح
كانها شحاذه وتركها الين اخر الليل وكل الي في العرس شافوها
هي اجلست في عبايتها ما فصخته....... (سوى احراج لزوجته...)
ملاحظه القصه ملطوووووشه ولكن مهي غريبه علينا في كثير من هالنوع

الحين خواتي ابي آرائكم وردودكم حول هذا النوع من النساء

:::::::::::::::::::::::::::::::::::::::::::::::::::::::::::::::::::::::::::::::
شر البليه ما يضحك ................
ولكن هذا ما يطلق عليه في علم النفس الغباء الانثوي..

خواتي شرايكم نناقش موضوع كيف تكونين الزوجه المثاليه .؟!

<------ داخله متحمسه تدور السوالف

ناطره آرائكم [/align]

[ريم شمر]

[align=center]تستاهل

اما هالسالفه ياطيوبه شيييييييييي

من جد خبله هالحرمه

الحين الرجال متعب عمره ومسوي فيها رومنسي

وهالغبيه تحوس الدعوى


تستاهل ماجاها


بالنسبه لسؤالك طيوبه

اعتقد ان مقياس الزوجه المثاليه متغير

حسب الزوج و نفسيته وطباعه وبيئته

فهناك مثلا الزوج الذي يفضل المثقفه المتعلمه

الذكيه التي تشاركه في كل شي وتفهمه

وهناك من يفضل العكس

زوجه عاديه لاتتعدى اهتماماتها تحضير طعامه

وتنظيف بيته ولايريد منها ان تتعدى ذلك

وهي بالنسبه له مثاليه

اذا لايمكن تحديد مواصفات معينه للزوجه المثاليه

وكل من يحددها فهو يحددها من وجهة نظره فقط


لكن هذا لايمنع ابدا ان نذكر بعض الامور العامه

مثلا بشكل عام المرأه التي تسعى

لاسعاد زوجها بكل الطرق الممكنه

التي تحرص على كسب محبته ومودته

ولعل باقي اخواتنا يشاركن بالمزيد



مشكوره طيوبه
[/align]

[ريم شمر]

[align=center]فيه موضوع ودي نتناقش فيه

وش رايكم يابنات بملابس البنات هاليومين

طبعا انتم شايفين اللي حاصل

ماعدنا نفرق بين السعوديه واللبنانيه

تقليد اعمى بل اعور

طبعا مافيه مانع من الحرص على الاناقه

ومتابعة كل جديد وحديث بشرط انه يناسب

ديننا وبيئتنا


لكن اللي يحصل الحين شي زاد عن حده

اصبح الامر عادي انا نشوف الملابس شبه العاريه


مااقدر اوضح اكثر من كذا لكن انتم عارفين وش اقصد

واكيد شايفينه بانفسكم


يكفي ان نحضر بعض المناسبات لنرى العجب

مؤكد الاغلبيه تعارض مثل هذا اللبس

لكن هذا لايكفي

لايكفي ان نهز رؤوسنا ونصمت


يجب ان يكون هناك حلول ويجب ان يكون لنا دور

في تصحيح الوضع

انتظر ارائكم


ريم[/align]