[align=center]
الشتـــا ...
&&&
ماقلتلك ان الشتا ملح الفصول الأربعـه
وإنـّك تلاقيني معـه !
لامـر صوتي .. وانتثر حـس المطـر
تشتاقني ... واشتاقلك
تحتاجني .. واحتاج لك..
نشفـق على أيّامنا .. أحلامنـا
حــزن ٍ ربا بكتابنا
طهـر الشعور ومنبعـه
وعيـون راحت تتبعــه
والأدمعــه ..
أحيــان لامــر الـ كلام
ودّه يعانـق صمتـنا
يلحق على مافاتنــا
يشعل مــآسي وقتنــا
وده يترجم ذاتـنـا
والصمـت ... مارد السـلام ..
والله حراااااام
*
لو قلتلــــــك ....
لو قلتلك ان الشتا ملح الفصول الأربعـه
ويمكن تلاقيني معــه ...
يمكن تعاند وقتك القاسي وتبدي من جديـد
يمكن تكون انت الوحيـد .... اللي عشق صـوت المطـر
اللي تبع سكة حنينــه .. وانتظـر
اللي حبس دمعــه ومآساتـــه تزيــد
والريــــح لا ما زعزعـــــه ... الريح لامازعزعه
لـأن الشتـاء ملح الفصول الأربعـــــه
ويمكن يلاقيني معــه !
**
مسانا يشعل القنديـل
يحضــن نوره لـ باكـر
هذاك الليل ماهو لـيل
واكثر دمعنـا ذاكِــر
تذكـّر وحشـة المنديل ؟
اكيد ان حزننا فاكـر
تعـال نوّلـع القنديـل
نلم النور من باكر!
نحيا مع دمـوع الشتـا ..
ونموت في صـوت المطـر ..
الشـوق يسألنـا : متـى .. ؟
لهفـة لقانا تنتظـر ..
*
تِهنا حبيبي فالزحام
... الروح ضاقـت من سـِعـه
نِمنـا على درب الكـلام
... داسـت وفانا الأقنعــه
معـذور لاشـد الخصام
... حبـل الأماني واقـْـطعــه
يبقى الشتا ملح الفصول الأربعـه
ويمكـن ... تلاقينـــي معــه ..
*
في عين حزنك يالعمـر طـاري يشـّدك للفـرح
مــد ابتساماتـك سما والجرح فعيونـك يهـون
ذبـت بخفوق ٍ ماقـوى يجـرح حبيبـه لو جـَرح
الكون في كفـّه يكون وكفـّــة أحبابه في كـون
كنـّك تلوّح لي غـلا من قلب صادق منشـرح
وأجي من إحساس الضما لإحساس نظراتك عيون
روح الشتا والملح وكتاب السهارى والفـَرح
عشق السما والصبح والسكر وقلبك ياحنون
لو كل عــبره ترتويها من عيوني .. ماسـرح
فيك السهـر ولا تلــوّن حزننا بين الجفـون
لو كل معنـى يحتويني من عذابك مافـرَح
ماترتمي بين السطور الروح والنبض بجنـون
شـوف الشتا يرسم تفاصيلك وتـوّه ماشـرح
كيف العمر يجرح عيون انسان أغلى مايكون
*
يبقى الشتــا ملح الفصول الأربعــه
ويمكــن تلاقيني معــه ..
يمكن
تلاقيني معه !
[/align]
رد مع اقتباس
المفضلات