علّمني وبأعلمك .. وماراح نعلّم أحد

[مجموعة إنسان]

.

[align=center]

[align=center]معلومه : إكتشاف أكبر نطلان بـ شبكة شمر
و الداعم الفخري لهم ( مجموعة إنسان )

[/align]

شرايك اخوي تنظم لرابطتنا ترى نسبة الارباح لابأس بها ..

[align=center]الحقيقه فيه نطلات واجد بس يبي لها فضاوه
راجع لك .. ألف شكر مجموعة إنسان
[/align]

منتظرين رجعتك ونطلاتك الواجد

والف شكر اخوي على رأيك .. [/align]

.

[مجموعة إنسان]

.


[align=center]

مجموعة انسان لازم تجيبين لنا الحق من سالم الشمري لانه يقول
عنا (نطلان)كلامه موثق هذي سرقات بيضاء ماهي سرقات بالمعنى
الصحيح يايتراجع ويعتذر والا الحق يقوم بوه صدقيني صدمنا بكلاموه
شوفي لنا حل معه ان دريوا الجماعه والله مايصبون لنا القهوه
غديه زله لسان ونسمح له

اخوي ابو رائد ولا يهمّك

إن قال لك أحد شئ قل له وجهكم ووجه هالنطوله مجموعة إنسان

وخل علي الباقي

بيني وبينك اخوي :

اخونا سالم نطول متمكن من النطله

والدليل تلقاه بتعقيبه على الموضوع [/align]

.

[مشــــعل]

يوم جاء طاري النطلات
ماودي افضح روحي مار يوم شفتكم حكتن يدي
هذا يوم انا صغير سكنوا بجنبنا مصارية عندهم بنت _خشمة تقل ماطا وغد_
مار مادري وشنوحي قمت انذخ عندة
مرة من المرات جيت يامار هاذهي تلعب عندنا بالحوش وهي تجيني النذخة
يامار عندنا ماسورة وانا ارقاة _باين نذخ الخبل _
يوم انتصفت اللة لايبلا وانا انزلق وانا اجيك من فوق الماسورة
يامار تسمعون دنيين راسي بالصبة ولاوعيت الا وانا بالمستشفى

المهم استمر معي النذخ ونجي لسالفة السرقة
يوم صرت باول ابتدائي صار معي بنفس الصف اخوة اسمة مصطفى
وانا اقوم افزع معة علشانة واباشر علية
يوم جاء مرة بحصة العلوم وهو يجلس يسألنا المدرس
واللي يجاوب يحط على "مخباة" صورة نجمة
اول من جاوب المصري وحط على مخباة الصورة
اللة لايبلا وكلهم يجاوبون الا انا
وانا اخاف انة يعلم اختة واطيح من عينة
يوم جت الفسحة وانا روح يم مكتب المدرس وانا انطل كل الصور
وانا اصفهن على مخباي
وانا اخذ اسبوع كامل ماغسلت ثوبي علشان مايخربن الصور
وكل ماشفتة بالشارع اجلس "اختخت" من قدامة علشان تشوفهن


نســـــأل اللة السلامة

اخوكم/مشــــــعل الغفيلي

[مجموعة إنسان]

.

[align=center]

يوم جت الفسحة وانا روح يم مكتب المدرس وانا انطل كل الصور
وانا اصفهن على مخباي
وانا اخذ اسبوع كامل ماغسلت ثوبي علشان مايخربن الصور
وكل ماشفتة بالشارع اجلس "اختخت" من قدامة علشان تشوفهن

8
8

قال وش درّاك إنه كذبه ؟
قال : من كبره ؟
الحين لو انك حاط صوره وحده يمكن تصدقك ..

هلا فيك اخوي مشعــل

وشكرا لمشاركتك معنا ..


اختك : مجموعة إنسان[/align]

.

[شخاط]

كخخخخخخخخخخخخخخخخخخخخخخخ


تسيف ماخليتوا لي التسبد من الضحك


تسلمين يالمجموعه مضوع متميز من وحدتن متميزه


نجي لمحاتسيكم ابو السرقااااااااااااااااااات

من سن 2 الى 3 سنين اشتهرت بسرقة رضعات الوغدان واللهيات

وياشفت ام الوغد بخقكتن وطيرت عيونه جبته له اركض تسني لقيته طايحه

<<<<<< ذهين كخخخخخخخخخ

ومن 3 الى 6 سنين اسرق كل مايخطر على البال

سيكل وغد وان شفت شينن واعجبن اقوم اتمردغ الوغد واخذوه منهو وانحاش

من 6 سنين الى 13 سنه اشتهرت بسرقة الحلو والعلوك والاقلام والدفاتر
واكثر سرقاتي بالمدرسه

ومرتن بالمدرسه اعجبتن شنطة وغد من هالوغدان اللي معنا وانا اتحرا يوم طلعوا للفسحه واقضبه واكب كل مابه واخذه واغيبه برا
بمكان سري ( بكيفي مابي اعلم بوه ) وجاء الاستاذ ودور وفتشوا مالقوا الا خيبتهم ويوم طلعنا وانا اخذه وادعسه بكيس وازخه على ظهري

و سعلن ابوي قلت الاستاد عطانياه هديه قال مشاء الله عليك وانت توك باول يوم شاطر ولدي الحمدلله يوم غديت لابوك مهو لامك وخوالك كخخخخخخخخخخخ


ومالكم بطولة الحتسي انخرعت لااخذه معي يعرفونن به وهو يجينا ولد خالتي من مدينة اخرى مع اختوه وانا انذخ قدام اختوه
واهديه عليه الا وحلولااااااااته حسافته عليه مار تخبرون الواحد يشاف بنت وجتوه النذخه يهدي كل ماعليه حت

لوهن ثيابوه


ومرتن جينا للرياض وانا انهج مع خالتي وعياله يم الثلاجات الكبار اكا الحين توهن مفتوحات وعاجتن بهن البشر

ويوم دخلت وانا ابوه ويطرن عيوني اول مرتن اشوف بقاله ببقالات تطارد به الخيل

لاتلومنن ماخبر الا بقالة ابو مصطفى المصاري الي بقريتنا

الصحيح اغلي رفزدة الحرييم اتمشلح واخذ راحتي ويحسسنن بالرجوله

والرجال اقضي وقتي معهم بين تكفيخ وتلميخ ولا تروح ولاتبعد وين تبي ومنين جيت


المهم مالكم بالطويله ويتمشح اخوكم ابا الشخوط وانا اموط لكم اسياب هالملويه رايحن جاي وعيال خالاتي يدربون روسهم وراي على الخيبه

وهي تطيح عيني على كككككككككككخ (لزقة الجروح ) اول مرتن اشوفه يالربع مادري وشي والله وانا اتحكحك واتلفت يمين ويساري يمار معي هالوغدان قلت حطططططط رجلك يااااالد وضيعهم والله ان دريو بك لايفضحونك عند اختهم واهلهم

ويوم ضيعتهم وانا اخمشه واجحره بمخباي واطير واطير وهي تطير علي المزيونه قلت ابدن ابدن مااطلع الا جايبن له شين حلو وافرح به قلبه

ومدري وش تبي وانا انهج امه قلت انتي وش تبين اشري لتس وهي مستحيه قالت معك فلوس قلت ماعليتس بسرعه قالت ودي بعسكريم ابو عصا ومناكير والله وانا انهج ادور هن يما لقيتهن واجحر المناكير بمخباي والعسكريم نصوه بسروالي السنه وراسوه طالعن على الفنيلة البيضاء

ذليت يشوفنن وانا اطلع وربكم حميد مادريوبي لساعة الله الساعه



والظاهر انهم ماركبوا الكاميرات والله لو هالحين تسان تمردغوا بطني


ومن سن 13 - الى 20 سنه قضيته مابين سرقة البنزين والخرفان والتتن نركب حنا وخوياي (شلة السربته عزالله ماماشيك الا الي مثل وجهك) كخخخ هذا قوالة الوالد

وننحر محطات البنزين ونقول عبي بخمسين ويخلص الهندي احط رجلي ونمحط
كخخخخخخخخ


وسرقت تتن من مطفى ابو البقاله ومرتن سكنوا بحارتنا لنا اجواد واسير على ولدهم والعب معوه من الصبح الى زلة الشمس وياجا الليل ركبتن هالملويه السرقه

وثمن تمشلحت واغرت عليهم سرااااااااااااااق كخخخخ

مرتن شارينن لهم خروف بوجه العيد ورابطينوه عند باب بيتهم وانا اغير

عليهم بليلتن مابه ضو قمر وانا افك رابطوه وابتحلت بوه ان وديتوه يم

بيتنا والله ليتمردغن ابوي قلت مالك ياولد الا مرتن باخر الحاره اخبر عنده

له بنيوات مزيين وتوهم نزالين وتستاهل ام المزاينن وانا انهج اطق عليه

قالت منين لك هالخروف قلت امي تسلم عليتس وتقول هذي نزالتكم وامي الصحيح ماتعرفه ولا عمره شافته كخخخخخخخخخخخخ


ومن عشرين سنه الى مافوق صرت وليدن عاقل مااوذي احد

مار الورطه تسان جانن ولدن وغدى لابوه والله لايجرجرن من شرطه لشرطه

افطونوا لي يالرررررررررررررررربع كخخخخخخخخخخ

استروا على ماوجهتوا وتقبلو شخطاتي الحااااااااااارة

[السنافية]

[frame="1 80"][align=center]


مجموعة انسان

يعطيك العافية

موضوع راااااااااايق


: )


والاخوان ما قصروا بمشاركاتهم


يامال العافية


لاهنتوا

السنافية[/align][/frame]

[المطنوخ]

مجموعة انتي تقل ودتس تعزمينن على هالموضوع مار اكتنتس مستخزيه ها والله ان هالمويضيع جايزن لي وش احتسي ومنين ابدا بوه اصبروا لما ارتبهن وازبطهن وانكس لكم

يسلمووووش مجموعة على هالمشاركه الرائعه وننتظر الافضل

[المطنوخ]

بالخير يامجموعة انسان من الجهمه وانا اتفطن نطلة من نطلاتي بس ها ترى والله ان تشمت واحد.ن من هالشماته ترى ابشيل قشيشي وانهج لعرب.ن ثانين تريني بوجهتس

هذي نوبتن من هكالسنين يوم انا وغيد:0013: وكنت بعيد الضحية لي حوالي 5 او 6 سنوات
وانا كاشخن بثويبي وطويقيتي وكلي جديد بجديد وانا اروح ادور الدراهم من هالشيبان خصوصا اللي مايفرقون الدينار عن العشرة دنانير
وانا اسير على شايب.ن حولنا واليا والله اثريني غالي.ن عنده بالحيل وهو يمد يمد لي هكالدينار وكنت هكاللحظه صافي النية ومالنا من الشيطان طاري لياما شفت حمار الخمسة دنانير من ثويبه تبي تنصل من مخباه
وانا ادخل يدي من ورى المركا وانا اسله يمار تقل حاكمن امريكا من الفرحه
وانا اجيتس مروحن للبيت طرباااان من هالنطلة اللي فتحت لي افاق جديده من سلسلة النطلات اللي مالهن والي

[بدر الشمال]

المنحوس منحوس حتى لو سرق بنك

الله يسلمكم هذا واحد من وغيداننا (<-- مايبى يعلم على روحه ) , زار جيرانهم حدى عوايل الرياض المغتربه (الرياض هذاك الوقت أبعد من أمريكا) , المهم شاف معهم مضرب لعبة "الكرة ألامريكية" ولونه أصفر , يحسبها عجرا موديل هاكالسنه "1398 هجرى" , ومن قرادة حظه وحظهم عيوا عليه انه يلمسها (نافخين خشومهم ). المهم حلف ان مايقرب العصير والعلوك الا اذا نطل هالعجرا . ويتحين هكاالفرصه بنص الليل "الساعة 8 مساء" ويدخل حوشهم يمر العجراء بيمين الحوش ... وماتشوف الا غبار رجلينه.

البلاء يوم تفحصها يمر فاضيه من جواء , ماهى مثلا عصيان الأثل , يمر لها مثل الغطاء يفتح , ويفتحوه يمر هذيك العقرب السوداء اللى على طرف أيده , وماعندك الا الدكتور مصطفى بالمستوصف وأبر وحبوب, مسبوعين الأبو تريهم يجمعون عقارب وهذى من هوياتهم.


ودمتم

[مجموعة إنسان]

.

[align=center]هلا باخونا شخاط

والمتميّز هو تعقيبك ولايهون سجلك الحــافل بالنطلات طال عمرك




لكن تصدق اخوي اكتشفت ان الداعم السيكولوجي الرئيسي ورى سرقاتك هم ( المزيـّـــن ) << وهن براء منك ومن نطلاتك


مشكور اخوي الله يسعدك [/align]

.