مساكم الله بالخير الجميع
اتشرف ان اهديكم آخر العزف والنزف
واتمنى ان تحوزعلى رضاكم واعجابك
......................................
(ايه اعترفلك!!!)
حطّيتك بقلبي ولبّستك التاج
وصوّرتك احلى صورتن بالضماير
يانور ساطع معتلي فوق الابراج
حتى القمر..حتى القمر منك غايـــــــــر
مالك شبيهن بالملا صدق وهاج
مثل الفرح مثل المطر والبشاير
فرشتلك جفني على القاع ديباج
يابخت جفن(ن)يحضن وانت زاير
احلى العيون اللي ضوت شمع واسراج
في داخلي حتى غدا الجوف ناير
انا عشقتك والهوى داخلي لاج
وبينتلك كل الخفا والسراير
اهديتلك قلبن عليلن يبي علاج
من غيبتك دارت عليه الدواير
محتاجلك محتاجلك حيــــل محتاج
والشوق ولع في خفوقي سعاير
ايه اعترفلك..ماعلى العاشق احراج
اني من افراقك اهـــــــل العباير
اول معك وقتي رخا..فلة احجاج
واللي يعرفك مايعرف الخساير
واليوم عقبك دنيتي ازعاج بزعاج
كن الفرح بينه وبيني ستاير
ابعد عليّ اليوم من ساحل العاج
وابعد من بحور العجم ولجزاير
للباب ألف وألف قفلن ومزلاج
والوقت ظالم والزمن حيل جاير
ولوهي حياتي عقبك اسود من الصاج
غصبن عليّ ارضي زماني واساير
ولو وقفت كل الملأ دونك افواج
ماغيروا قلبن به الشوق طاير
انت الوحيد ومالي اليوم مخراج
مادام طيفك بين الاهداب حاير
....وسلامتكم
ــــــــــــــــــــــــــــــــ
انا عزاي ان مت مامات همسي
لو مات حظي في وجيه المقابيل
هذي حروفي ترجمت بعض حسي
وهذي مشاعر خافقن يشكي الويل
(فقيرالحظ)
رد مع اقتباس
المفضلات