[frame="10 90"]هنا سنتين من عمري أعيش وداخلي مجروح
........هنا قلبي رحل عنّي وكثر الحزن قاسيته
هنا جرحي ترك دفتر مسجّل به ألم مفتوح
........هنا قلبي رفض بُعدك وغصب البعد خاويته
دخيلك ليه يا يمّه خنقتي صوتي المبحوح
........دخيلك كيف هالدنيا تذلّ الشخص في بيته
كبيرة صدمة الدنيا تجازيني كثير النوح
........يكون آخرها حرماني من أغلى حب حسّيته
فَمان الله يا يمّه فَمان اللّي عطى هالروح
........وداعك يصرخ بروحي وانا بالقلب خبّيته
يا قبر امّي اذا تسمح بَجيلك لا بغيت آبوح
........بَجيلك لا نفد صبري واحس العمر ملّيته
بَجيلك واجلس اقبالك واحط ايدي على هاللوح
........واحس ايدي بايدين أمّي يا ليته صدق يا ليته
سارة عبدالله[/frame]
رد مع اقتباس
المفضلات