المخاوي ونهاية الذيخ !!!!

**المخاوي** · 16-09-2004 13:35

الاخ العزيز نجم فلة الحجاج ابو مقرن

صح لسانك وبيض الله وجهك على هالقصيده وماعليك زود يالغالي

وهذي الخوه والا بلاش منها
وهالشله لهم مواقفن تسجل بالتاريخ وقرادتن تنقش بالحجر

مار ماودنا نفرط السبحه واجد واكل العنب على مايقولون حبه حبه :wink:

لاهنت يابو مقرن فانت ممن نحذوا حذوههم ونتابع لهم

**المخاوي** · 16-09-2004 13:42

الاخ العزيز والمتميز متفاءل

افييييييييييييه اشوى اللي رفعت روسكم والا تسان علوم ناقلن هم منك ذالن تقول غير هالحتسي

وابو نشقه ابشرك عقبه وطي على صابروه عند الخبااز

اما هذييييك :wink: لالا خله بعدين اخاف يلقطن بعين الشبث يقولون نضولن يلحق الحوار اموه

لاهنت يالغالي

**مفتاح14** · 17-09-2004 04:19

[poem=font="Arabic Transparent,5,black,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
نحمد الله يوم جانا مانتمنّى=يوم طاح الذيخ من فعل المخاوي
يوم عازف حربهم بالطبل دنّا=واستعدّ امطرّح الخرفان ناوي
ناوين ينطح هبيلن ماتهنا=ماتهنا بسندوتشات الكلاوي!!
وانجفه بالراس (والدبّا) تثنّى=للفلافل ماتقرّب له خطاوي
يوم مسمار المخاوي له تدنّى=قال: واويلاااه ياحظ النداوي!!!
الاذاني شقّهن (ماهوب منّا)=لاتفشلني ترى طبعي حياوي!!
وابو صرعه ياحسافه فيه جنّا=من بدت لين انتهت والشيخ ثاوي!!!
ماصحى الا يوم راع الصوت غنّى=شلته ترقص وسوى به بلاوي!
.
.
نحمدالله يوم جالك ماتمنى=يوم جالك ماتمنّى يالمخاوي[/poem]

[align=center]

وسلاامتكم..

<<-- من زماان عن الكيبوورديّات

انا اشهد انك بثيت بي روح الحماس والازدهار والتقدّم

لو انا دارين بكم اكالحين تسان جايكم وصايحن باعلى صوتي وبعبارتي المعهوده: ( عليكم عونن من الله يجري)

نهايه دراماتيكيه( يعني اني اعرف معناه).. وننتظر نهايه دراماتيكيه اخرى لموضوع جديد ( استدراج بدون سراج )

مبددددددددع وموضوع يشعل المنافسه بين كتاب فلّة الحجاج

لا عدمناكم جميعاً...

أجمل تحيه[/align]

**المخاوي** · 17-09-2004 17:41

[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=1 line=0 align=center use=ex num="0,black"]
مرحباً باللي لفانا ماتونا = شيخنا مفتاح بعيد الهقاوي
قرمن تعلى واعتلى ماتشنا = جعل يفداه خمس.مية. حساوي*[/poem]

* مايدانيهم

الاخ العزيز ومشرفنا الغالي مفتاح14

اولا صح لسانك مليوووون على هالرائعه اللتي صورت وقائع هذه المعركه

اثريك شاعر ولاعلمتنا لاوتجيد كذلك شعر العرضه الحربيه
ياشيخ لو انك ماكنن دور اول تسان ابن عون حاذفوه قفوك

وبعدين اشوى اللي ماسمعنا عبارتك المعهوده والا تسان الدم للركب

اخي مفتاح14
لاعدمنا وجودك وجهودك فانت من يبث الحماس والدراماتيكيه لك منا كل الشكر والتقدير على متابعتك وحرصك على مضيفنا , هذا المضيف اللذي يعني لنا الشئ الكثير سلمت ولاهنت .