[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
الموت حق ويشهده كل أنسان *** ويذوق طعمه حتى ولو بعد حين
ويرتاح من عاش حياته بأحزان *** وينسى به الدنيا وجور السنين
أنا تمنيته حتى ولو كان ما كان *** لوهو يجيني قلت هلا و أهلين
عجل علي أنا بعيشتي ندمان *** عايش في هالدنيا لا حب وحنين
نصيبي بزماني اعيش خسران *** وصارت حياتي كلها حزن وأنين
متوكلا على منهو عزيز الشان *** رب كريم كل خلقه به تستعين
محروم بدنياي حتى من الأخوان *** لا بد ياقاسي يجي وقت وتلين
عوضني الله بعد صبري بأنسان *** أشكي عليه الحال ويقول مسكين
قلبه هو المرسى وعيونه الاوطان *** وهو لي بوجه ذا الدنيا معين
وقلت بعالي الصوت أنا الربحان *** بوجود منهو يصون ولا يهين
ياموت فارقني ماعادك لي عنوان *** وأنسى حياتي وكل شي الحين
تراني لقيت في قربه كل الأمان *** وأصبحت في هالدنيا قوي ومكين
والخاتمه صلوا على خير أنسان *** خير الرسل ناقل الحق المبين
VIP مـخـااوي نـاايـف الـلــيــل VIP[/poem]
رد مع اقتباس
المفضلات