[align=center]كان ابو غازي خذا اجازه من شغلوه
يبي يودي عيالوه يم الشرقيه عند عمهم سلمان النبهان
وهو يروح ويعلم عيالوه الاربعه
شنقل ( البكر ) طوااااايل واسمر ودايم لابس ثوب شتوي اشهب
ودايم ابو الشباب اصلع
والثاني ذيب شراف ماعندك احلا من زولوه وشنبوه توه خاط ( الولد على اوله )
بهالطعش مربرب
وعقبوه ام شرين ( الدهور ) شيطانيه له كشه
ماتخلي شين ماتخربوه
واخرهم الشبث دلوعة ابوه ( القعده )
عمروه حول عشر سنين ولهالحين باولى ابتدائي ( كل سنه يسقط )
الوكاد خذاهم ابوهم ( ابو غازي ) يم الشرقيه لعمهم سليمان
على جيبوه احمر (84 )
ويوم وصلوا وهم يستقبلونهم عيال عمهم
الفاضي ( فاضي عمل خلص الكفاءة وجلس يبي يسجل بالعسكريه )
والمخاوي ( حرتس ماشاء الله عليه )
وشموخ ( هذي بنت سلمان عليه حال (( متينه )) ولابستن نظارات وهاديه ماتوذي )
اما القعده فهي تذكار ( شر وعيشن مر وبس تخانق ومنا طول لسانه )
الوكاد قال عمهم ابو غازي وين ابوكم
قالوا يجي بعد شوي
قال ماعندكم احد
قالوا مافيه الا عمنا بو رائد نيم بالمقلط ( هذا عمهم عزوبي فاصل من الجيش
انهم نقلوه يم شروره وجالس عند اخوه سلمان )
وعقب يومين قال سلمان لخوه ابو غازي اسمع يابو شنقل حنا باتسر
نبي نطلع هالوغدان يم البحر ونبيهم يستانسون ليما يجي الليل
قال ابو غازي ( ابو شنقل ) مايخالف انت تامر
ويوم جاء الصبح وهم يطشون هم وغدانهم للبحر
وهم جالسين على الشاطي وهو يمر من عندهم واحد على دباب بحري
وهو ينجن الخبيل الشبث قال يبه ابي مثل هذا
قال ابوه ابشر يانوارة القلب ( حسافة هالكلام الزين بهالوجه الودر )
قال سلمان انت من صجك تبي تستاجرلوه دباب
قال ابو غازي ايوالله
قال سلمان مدامك مصمل وش رايك نستاجر حدا هالسفن ونروح كلنا ونتمشى
بالبحر
اتفقوا الربع وراح ابو غازي وبورائد ( الدليله ) يبون يستاجرون وحده
ويوم استاجروه وخلصوا وهم يرتسبون كلهم بخويطهم
وهم يبعدون وليما جاء حول الصفره ( المغيرب ) ويوم بغوا النكسه
ويمار الاحوال الجويه مهي على الي انت تبي ( نكبهم مصطفى عشماوي )
وهي تختبص الدنيا وهذا موج يوديهم وهذا اخر يجيبهم وهم ينعفسون
ولاتسمع الا صياح الوغدان وجعير الشيبان وليما جاء من باتسر الصبح
ويوم هدا الجو وخذولهم هناااااك وهو يطلع ابو غازي راسوه يويدز
يمار ماحولك ديره
وهو يصوت لخوه سلمان واخوه الاخر بو رائد قال ياولد وش الدبره وش السواه
قالوا الدبره والله عند هاللي فوقنا ماندري وش الدبره
قال ابو غازي معقوله ماتدرون وين حنا
ماتعرفون القاع مالاحت لكم قبل هالمره
قالوا لا والله
قال سلمان اقول بس خلونا نوجهه ونتوكل على الله ليما تنفرج غدينا نلقالنا قااع
وهم يمشون ليما جاء العصر وهو يقوم شنقل يصيح يبه يبه يبه
قال ابوه وش تبي قال شف الجزيره هذيتس
الوكاد وهم يوجهون يمه وهم يسفطون به ( قصدي ياقفون به )
وهم يحولون هم وغدانهم .
*****************************************************
تابعوا بالجزء الجاااي وش يصير بالجزيره
وتقلدوا تحية اخوكم الشبث[/align]
رد مع اقتباس
مشرف مضيف الترحيب والتعارف
[/align]
المفضلات