[align=center]نـذر ٍ علينـا00[/align]
[poem=font="Simplified Arabic,6,green,normal,normal" bkcolor="transparent" bkimage="backgrounds/16.gif" border="double,5,gray" type=0 line=0 align=center use=ex num="0,black"]
بسم الله ابداء وذكـر الله هـو البـادي =عـلاّم الاسـرار رب الكـون سبحانـه
الواحـد اللـي بفضلـه خيرنـا زادي = أمّّـن وطنـا وعّـمّ الخيـر باركانـه
ياناصر الدين تنصـر ديـن الاجـدادي=وأحم الملك والوطن من شـر عدوانـه
واغفـر لشيـخٍ لكـل الخيـر نشـادي=يارب تجعـل جنـان الخلـد مسكانـه
صقر الجزيـره بعزمـه وحّـد بـلادي =عبدالعزيـز البطـل معـروف ميدانـه
كانت بفوضه00 ولّم اشتات وأبعـادي =بالشرع والسيف وحّد شعب ، و-ديانه
أطفـى لهبهـا وخـلاّ جوهـا هـادي =وصارت عروس الخليج اليـوم فتاانـه
وعاش ابو فيصل فهدنا ضد الاضـدادي=زودٍ على الشعب موفي حـق جيرانـه
ويسلم ولي العهد من كـل حسـادي = لـه مجلسـا للكـرم ماصك بيبانـه
وسلطان سلطان عند الحـرب مقـوادي = ياكبـر مواقفـه ياعـظـم سلطـانـه
ونايف مضى بالامانه صدق واجهـادي = لين استتب الأمن00 والخير بأحضانـه
عيال عبـد العزيـز ملـوك واسيـادي =اخـوان نـوره وطنهـم زاد بنيـانـه
يانعمـةالله علينـا بالعطـاء جــادي=مـن شجـرة الخيـر وفّانـا بميزانـه
وحنا علـى دِيننـا بارواحنـا نفـادي =حكم الفهد والوطن نصون من صانـه
نذرٍ علينـا فـلا ياصـل لـه معـادي =في قـوة الله وثـم الشعـب وايمانـه
حنـا عطينا لهـم عهـداً وميـعـادي =وابن الوطن فطرته هو جندي اوطانـه
ان جاء نهارٍ يجي به عـج واطـرادي=لحمايـة الـدار كـلُ يلبـس اكفانـه
حنـا هـل الدارقبـل عهـد شــدادي=حنا هـل الـدار مـوتٍ شـب نيرانـه
حنا هل الحرب سيف ورمـح وزنـادي =حنا هـل الجيـش مردوفـه وحفيانـه
حنا رجال الوفـاء تاريـخ وامجـادي = للديـن ثـم المليـك عيـون سهرانـه
حنا جنـود لوطنّـا جميـع وافـرادي = ونبقى على العهد مهما طالـت ازمانـه
وختامهـا يالله انـك حقـق إمـرادي = تطيل عمـر الفهـد وتسلّـم اعوانـه
ثبت ولاءهـم وهيئهـم علـى القـادي = واحفظ لنا (اميرنا) واصلح لـه بطانـه[/poem]
[align=center]محمد عطاالله الشراري
منطقة الجوف/القريات[/align]
رد مع اقتباس
مشرف مضيف الترحيب والتعارف
المفضلات