[align=center][frame="6 80"]السلام عليكم ورحمه الله وبركاته
مساء الخير
الحين كلنا ندخل الانترنت وفينا من يخاف من الهكرز لان بصراحه اللي يقول ان جهازه محمي 100% فبكل صراحه ما يعرف من هم الهكرز او الكراكرز وكلنا عندنا ملفات ومجلدات خاصه مانبي احد من الهكرز او احد يستخدم نفس الجهاز يتطلع عليها لذلك راح اليوم اعلمكم وشلون نشفر ملفاتنا وبدون برامج لان البرامج في الغالب لها برامج مضاده وبالطريقه اللي بذكرها لكم راح تحمون مجلداتكم وملفاتكم ولو جاء كيفن منتك براسه ما قدر يشوف شي او يسرق شي من الجهاز
باقولكم الخطوات واشرحها لكم بالصور علشان يكون اوضح
اولا شي نطبق الفكره طيب
خلونا نفتح القرص الصلب C ونسوي مجلد
ونسميه باسم shmmr ولا تحطوا داخله شي
اتركوه فاضي
الحين نفتح الدوس
نفتح الدوس اما عن طريق (ابدأ ونروح البرامج ونختار موجه MS-DOS)
او نفتحها عن طريق (ابدأ ونختار تشغيل وبعدها نكتب الامر command)
وتفتح معنا موجه الدوس هذي صورتها
الحين شوفوا الصور يقولك ان مسار الدوس فاتح على المجلد
c:\shmmr
حنا ما نبي كذا نبي نكون بالمسار C:\
لذلك نكتب الامر هذا cd.. ونطلع من مجلد شمر شوفوا الصوره
الحين نبدأ التشفير اكتبوا الامر هذا
c:\> ren shmmr
وبعد كلمه شمر اضغط مسافه وبعدها بيدك اليسرى خلك
ضاغط على ALT واكتب ثلاث ارقام خلونا نجرب 987 ونضغط انتر شوفوا كيف يصير
لاحظوا انه ما يكتب الارقام كتب فاصله منقوطه لاحظتوها...!
الحين نروح للقرص الصلب C ونشوف ان اسم
المجلد اللي سميناه shmmr صار كذا(_) لو ضغطنا عليه نبي نفتحه
شوفوا الصوره
في الصوره الاولى كان واضح اسمه المجلد shmmr الحين شفتوا كيف صار اسمه
شفتوا يعني مستحيل احد يفتح غيرك انت وبس
طيب الحين يمكن واحد يسأل كيف افتحه انا اقولك كيف تفتحه
نروح مره ثاني نفتح الدوس ونكتب الامر بس بالعكس نكتب ren
وبعدها نضغط مسافه ونضغط بيدنا اليسرى على ALT وبعدها نكتب
الارقام اللي كتبناهم 987 وبعدها نكتب اسم المجلد اللي سويناه
اول شي Shmmr ونضغط انتر بعدها وهذا الامر اللي راح يطلع معاكم
C:\ren ; shmmr
وهذي صوره توضيحيه
الحين لو رجعنا على المجلد C نشوف المجلد رجع لاسمه الاول ونقدر نشوفه حنا وبس
من فوائد هذي الطريقه انه لو جاك واحد من اهلك يبي يجلس على الجهاز وحاول
يحذف الملف ما يقدر لو ايش مايسوي مستحيل احد يحذفه يعني حمايه وامانه وتضمنه
بس لا تنسى الارقام اللي تحطهم لانه اهم شي بالموضوع...
واي سؤال انا حاظر سواء بنفس الموضوع او غيره اذا قدرت اساعدكم ما اقصر
تقبلوا اجمل واعطر التحايا
حمود العنزي[/frame][/align]
رد مع اقتباس
المفضلات