[poem=font="Arabic Transparent,5,black,bold,normal" bkcolor="transparent" bkimage="" border="none,4,gray" type=3 line=1 align=center use=sp num="0,black"]
المملكة ديرة محدن ينافسها
في ظل الاسلام وقرومٍ بها صلابه
أربع قروم وفهد اليوم خامسها
خادم حرمها وبيت الله نسعى به
وفسيلة الخير عشرين عامٍ يغرسها
يحميه ربي على طول الزمن واحقابه
وابو متعب بالمرصاد وبالحرس يحرسها
لاخدمة الدين والقرآن واحبابه
ووزير الدفاع سلطان يا فارسها
حامي ديارنا ببنات العلالي ودبابه
وعن وزيرنا بداخل يا خوك لا تسها
نايف يذب عن أمن البلد وترابه
وبالشمال عنزة وشمَّر كلها بسناعسها
وقحطان وغامد مع شمران بجنوبه
وبني تميم والعتبان ما نبخسها
حقها وعلى طول الحجاز بحروبه
وكل القبايل بالمملكة وفاءً وبحسها
مع صدق واخلاصٍ للوطن وترابه
تبايع الفهد وآل سعود ما تدلّسها
عالموت ولجل الوطن وحماه وقبابه
جزيرة العرب مين يقدر يدنِّسها
بعيدةً عن طرف شاربه وجنابه
عيباً علينا يا العدو الدار تدعسها
وما يصبح الدم بحراً يلطم عبابه
وتصاهَل الخيل ما تلقى فوارسها
من عقب عج يعم الكون ظبظابه
ويا المغرور اياك تغرَّك غطارسها
ترى الموت فنجال كل مخلوق شرّابه
غالية يا المملكة وأبو فيصل سايسها
والموت من دونها يا كثر طلاّبه[/poem]
[align=center]شعر الضيغمي الشمري : أيمن نواف الدندشي
ولأول مرة أنشرها منذ كتبت في شعبان /1422هـ في ذكرى مرور عشرين عام على حكم الملك فهد بن عبد العزيز آل سعود عافاه الله [/align]
رد مع اقتباس
المفضلات