فيروس نشبة !!

**الجازي** · 31-05-2004 11:17

[align=center]

W32.Spybot.Worm
^
^
^
هذا هو اسم ثقيل الطينة

صاده لي النورتن بس ماقدر يطيره من الجهاز ,, الظاهر انه يقول حسب ثقافتي البرتغالية ان الفيروس موجود ضمن ملف من الملفات يعني لازم أشوت الملف بكبره عشان ينشات معه

جربت كل برامج الحماية والجدران النارية ولا نفعتني ,, الدوارة وفيكس بلاست وكلينر والووشر ,, ولاجابه الا النورتن ,, بس عاد ماقدر يشوته ,, كثّر الله خيره اللي صاده بعد

عاد وش السواة ياخبيرين الفيروسات ؟؟ [/align]

**راعي الوقيد** · 31-05-2004 14:59

الريم
واعزتي لتس|115|
الله من القراده
كل شوين ناشبتن بلتس بلا
مع الأصمعي نبي نسميكم النشاشيبي
لأنه يقول في مكان آخر >> نشبت|13|
وانتي الفيروس ناشبن بجهازتس|17|
وش هالنشبه|121|
نشب >> هي فصحى والا عاميه|118|
شكل الريم ودّه|110|
افاااااااا
ياخبيري >> صاروا زيود|97|ابو يمن
اروح ازين لي اقعد انشب عقب هالشماته
اللهم لاشماته

**متفاائل** · 31-05-2004 15:23

[align=center]الريم

شوفي لتس خطيب يقرا على جهازك|4|

اظنه عين جتس وانا اشك بناس بالمضايف

راعى الوقيد

احمد الله لا يناشبك او يقاضيك لك واحد يشيبك |501|[/align]

**ابو غازي** · 31-05-2004 17:11

[align=center]ااالريم |13|

[blink]الحل[/blink] عندي[blink] وأنا [/blink]خيتس وماعليتس من هالي متنحين فوووق

انا اقول ويش رايتس ترسلين جهازك لبو مقرن

والسكرووووب والم يطلع مصرانوووه بلحظه ولا والله يقرب لوه اي فيروووس خخخخخخخ|17|
[/align]

**الحرف** · 01-06-2004 00:47

الله يفكنا والله يستر بسترة

اللهم حوالينا ولا علينا

عاد ماراح الا لك يالريم ولا شكلة منخرع من اللي فوق

كان تبين لك عجرنا ولا فاس او طبر تجيبين خبرة هو والكمبيوتر ترى ماعندنا مانع

**ابن جشعم** · 02-06-2004 02:47

اختنا الريم

لحل مشكلتك راجعي هذا الرابط:

http://securityresponse.symantec.com...ybot.worm.html

اخفف عليك العنى وراح اترجم لك مع انك ماتحتاجين لترجمة

الخطوات كما في الرابط ...

1/ عطلي ميزة استعادة النظام ... كيف !!! اطلعي على هالروابط

me http://service1.symantec.com/SUPPORT...01012513122239

xp http://service1.symantec.com/SUPPORT...01111912274039

2/ حدثي برنامج النورتن انتي فايروس ...

3/ أعيدي تشغيل الجهاز بالوضع الامن بالضغط على f8

4/ افحصي الجهاز فحص كامل بالنورتن ..

5/ افتحي الرجستري واحذفي مايتعلق بالفاريروس

ابدأ ... تشغيل ... اكتبي regedit

واتبعي المسار التالي :

HKEY_LOCAL_MACHINE\SOFTWARE\Microsoft\Windows\CurrentVersion\Run

واحذفي القيمة W32.Spybot.Worm على اليسار

والاخر

HKEY_LOCAL_MACHINE\SOFTWARE\Microsoft\Windows\CurrentVersion\RunOnce

واحذفيه ايضا ان وجدتيه ...

أغلق الرجستري

6/ احذفي اي مجلد حجمه صفر كيلو بايت في بدء التشغيل ...

انتهت الترجمة والباقي عليتس |118|

تحياتي

**ابو خليف** · 02-06-2004 03:03

^
^
^
^
^
ماقصر معس الحبيب هذااا

بس عاد ياضنتي انس ماراح تعرفين تسوين الي هو قال

ككككككككك

**الجازي** · 02-06-2004 09:29

الله يسلم ابن جشعم >>>>> الباقين حاقدة عليهم

راعي الوقيد ,,

ماودي أدعي على جهازك تراني مستجابة الدعوة >>>> ايه هين ,, أشوفتس دعيتي لجهازتس

متفاءل ,,

بديت أصدق إنها عين ,, والله توني مادحة نفسي بس بيني وبين نفسي على كثرة دخلاتي للنت ,, والظاهر إني نضلت روحي >>> يعني العين منا وفينا

أبو غازي ,,

أنا أصلا ماانعفس جهازي إلا عقب ماقريت موضوع أبو مقرن يوم إنه يشكي من جهازه ,, قلت الله يبيض وجه جهازي وش حليله ماغثني مثل أجهزة العالم توني ماكملت هاجوسي الا والرسالة تطلع لي على الشاشة ,, تقول سيتم إعادة تشغيل النظام ,, وبدا العد التنازلي ألين طفى جهازي وأنا أتذكر جهاز أبو مقرن اللي يعيي يطفي ,, قلت ليت من يخلطهم مع بعض

الحرف ,,

لا والله دام الدعوى فيها جيبة خبر الجهاز ,, أجل خل هالفيروس يتسدح على كيف كيفه فيه ,, كللش عاد ولا جهازي

ابن جشعم ,,

الله يعطيك ألف عافية على هالفزعة ولو إني على قولتك ترجمتها,, مايحتاج تتعب نفسك وترجع للقاموس >>>الظاهر إنك تبي تحرم تفزع لي عقبها

الحمد لله انحلت المشكلة والفيروس ذلف إلى غير رجعة بإذن الله

ذيب شراف ,,

تسنك تقرا أفكاري مدري شلون أبسوي اللي يقوله

تسلمون جميعا على الفزعة والردود ولو إن بعضها ودي أهديه هالفيروس اللي رفع ضغطي ,, كعربون تقدير على التفاعل

تحياتي للجميع

**مجموعة إنسان** · 02-06-2004 11:09

عزيزتي الريم :

وكيف كانت هي الاعراض التي بدت على محيّا جهازك ؟

أو بمعنى آخر :

مالذي جعلك تدركين بأن جهازك المسكين يعاني من هذا الداء ؟

(ههههههههههه يقطع شرّي لاقمت احكي مكسيكي )

تحياتي،

**الجازي** · 03-06-2004 23:54

ياحبيلتس ياشيخة

الاعراض ياطويلة العمر هي هي ماتغيرت حتى عقب ماقشعنا هالفيروس بس عاد يوم شفت النورتن صايده قلت لازم أكبّر في واجبه وأمدحه عندكم هنا عشان يكثّر من هالصيدات

تبين الصراحة صارت تطلع لي رسالة تقول تولمي تراني أببدأ أعد من خمسين إلى صفر >>> يعني عد تنازلي للي مايعرفونه

وعقب الخمسين أبصك الشاشة في وجهتس عاد تعالي شوفيني أنواع الخبصة ,, ماعاد أدري وش أسوي أحفظ هالملف والا أسوي خروج والا والا... >>> كناية عن كثرة الحوسات

وفي النهاية يطفى الجهاز وانا ماسويت ولا شيء من هالاشياء اللي ناوية أسويها

عاد عقب ماراح الفيروس ماصارت تطفى الشاشة أبشرتس

هذي هي السالفة أي أسئلة أخرى تراني في الخدمة