شمر وعنزه

**شمالي** · 27-12-2001 20:31

سطر المواطن فهد بن سليمان المبلع الشمري برفحا صور من صور العفو عند المقدره الشهامه عند الرجال عندما عفا عن قاتل اخيه لوجه الله تعالى عندما قدر شيوخ قبيلتي شمر وعنزه دون مقاصد اخرى
وكان الشيوخ تجمعوا امس الأول في منزل الشمري وطلبوا منه التكرم في اعتاق رقبة سعود بن محمد الطويلعي العنزي "قاتل اخيه"وكان فهد عند حسن الظن اذ اعلن تنازله لوجه الله ثم تقديرا للحضور الكريم ثم ذهبوا جميعا الى المحكمه الشرعيه في رفحا وهناك سجل تنازله رسميا\n

والشيوخ اللذين حضروا هم
نواف بن هايس بن علي
ممدوح بن طلال بن رمال
حماد بن راشد بن مقره
فيصل بن مشل التمياط
ضاري بن محمد الطواله
مشعل بن ممدوح الشريم
فهد بن عبيد الثنيان
فارس بن عبدالله الجبرين
سليمان بن مرشد الرفدي
فارس بن محمد الأيداء
نايف بن محمد الأيداء
فهد بن محمد الأيداء
عوده بن هزاع الجبهان
عقيل بن هايس الرخيص
نازل بن حمود الجارد
فريح بن حاشم اللاحقي
محمد بن حماد الخمعلي
مرزوق بن سلطان المبلع

\r

المصدر عوده المهوس

اخوكم شمالي

**متعب الليل** · 27-12-2001 21:03

الطيب وأن جاء من هل الطيب عاده
######################### والعيب وأن جاء من هل العيب ماعاب

**غازي العلي** · 27-12-2001 21:53

والله ياخ شمالي جئتنا بنفحة مرجله في زمان كفانا الله واياكم شره
والله انها لكبيرة الا على الذين هدى الله واستحضروا الاجر والثواب
عند الله سبحانه وتعالى ثم ما تعودوا عليه من خصائل وكرم الرجال
ومنها العفو عند المقدره,واني لأسأل الله العلي القدير ان يجزى
اخونا(فهد بن سليمان المبلع)خير الجزاء الذي رفع بها راس كل
شمري وفي جميع ديار شمر بلا استثناء,وهو وامثاله لا نقول الا
بيّض الله وجهك..بيض الله وجهك ياالمبلع.
ماحضه:الاخ شمالي حاول تغيير العنوان الى(شمري يعفوا لوجه الله
عن قاتل اخيه) ولك مني الشكر كله

**خلف الرويتع** · 28-12-2001 18:46

الاخ الشمالي مشكور على هذ الموضوع

ونقول كم قال الجميع يستاهل البيضاء فهد بن سليمان المبلع على ماقام به وهذ والله من افعال اهل الخير والطيب

ولا ننساء شيوخ القبايل عامه جزاهم الله كل خير وخاصه شيخ بني بلي الشيخ حماد بن راشد بن مقره

وهذهي فعول شمر من قديم ليست شراء ولا سلف

**الفيتو** · 28-12-2001 19:27

الحمدلله على كل حال
الشمالي الله يفرح قلبك على خبر مثل هذا الطيب الى جاء من فهد الشمري

**الزوبعـــي** · 28-12-2001 20:31

يقــال (إن العفـــو عنـــد المقــدرة من شـــيم الكرام )
وعنـــدمـا يصـــل هـــذا الكــرم الــى أعتــاق رقبــة قاتــل !!!!!! نعـــم أنــه العفــو ... الكــرم ..الشهامه ..الرجــولــه ..
أخـــوي شـــمالــي بيض اللــه وجهــك علــى طــرحك لهــذا
الموضــوع ...
وفــهــد بن ســليمان الشمري نقــول بيض اللــه وجــه .ونســال اللــه جل وعلا أن يجعلهــا في موازين اعماله يوم القيامه والشـــيوخ اللــي حضــروا جزاهم الــه خيــر الجــزاء ..
واللــه يــا أخ شــمالي أن الموضوع فعلا يســـحق الاشــاده ..وتســلم الغالــي

**شمالي** · 28-12-2001 22:36

عاد سبحان الله اليوم قريت بجريده واحد مذبوح وطالبين اهله 12مليون و12 سياره وجاهم الأمير عبدالعزيز بن فهد ونزلوله 6 ملاين و6 سيارات وجوهم جماعتهم ونزلولهم مليون الوكاد صفت على 5ملايين و6 سيارات

**الفيتو** · 30-12-2001 03:42

نسال الله العفو
هذولا اخذين الموقف تجاري الله يبعده عن جميع المسلمين ولا نشوف ها الساعه قولو امين

**الوسي** · 31-12-2001 01:12

اخوي شمالي الله لايحرمك الاجر
تسلم والله على هالمشاركه الرائعه
اما اخونا فهد بن سليمان المبلع فالله ياااااااجره عزالله انه بيض الوجه ومثله يبيض وجوه قبيلته كلها عزالله ماقصر .
اما الميت فالله يرحمه برحمته
الله يرزقه الجنه
ادعوا له ياخوان
تروه يستاهل دعواتكم له

شكرا لك اخ شمالي لنقلك هذا الخبر

وتقبل تحيات اخوك الوووووووووووووسي

**حاتم الشمروخي** · 31-12-2001 01:51

الاخ العزيز/ الشمالي تحية طيبة

جزاك الله كل خير وانت طير سعد حر ولد حر جبت اخبار ترفع الراس

اطلب من الله العزيز ان يتقبل فقيدنا با لرحمه والمغفره وان

يوسع مدخله ويبدله دار خير من داره واهل خير من أهله0

وأطلب من الكريم القادر ان يكون التنازل رد عن عذابك ومغفرة ورحمة0

واما ما فعله اخينا فهو اعلى مراتب الشيم ولا ياصل القمه لا شمري او من فعل فعله والحمد والشكر لله 0

الاخ الشمالي اتمنى واتمنى كلي ثقه بان تفعلها(ان تبلغ تحياتنا شكرنا وتقديرنا وأمتنانا للأخ/فهد الشمري لما قام به 0

اتمنى ان تحضره وان يتطلع على ما كتبه الأخوان من تحيات وثناء

فهي بمثابة الرسالة أذا كان يقرا0

ويستاهل الاخ /فهد اللي يعنا له ويحب خشمه 000

وسلامن على الشمالي 0000000000والله مكسب