استفسار عن قصة وقصيدة

[ماكر حرار]

السلام عليكم
اخواني لي استفسار عن قصيدة اللي تقول
لي بنت عم ما وطت درب الأدناس ولا ادنست يوم النسا يدنسني

اللي يعرف قصتها ومن قائلها يفيدنا جزاكم خير

[راعي الوقيد]

ابشر ياماكر حرار...

عندي لك ياالغالي كامل ابيات القصيدة وقائلها وقصتها...

لكن اسمح لي احضر ماطلبت وارجع لك..

مرسالك..

راعي الوقيد

[ماكر حرار]

يعطيك العافية يا راعي الوقيد
وبنتضارك

[خلف الرويتع]

كاتب الرسالة الأصلية : ماكر حرار
السلام عليكم
اخواني لي استفسار عن قصيدة اللي تقول
لي بنت عم ما وطت درب الأدناس ولا ادنست يوم النسا يدنسني

اللي يعرف قصتها ومن قائلها يفيدنا جزاكم خير

اخي العزيز


مساك الله بالخير وانا اسف على التاخير بنسبه الى موضوعك القصيده الى ابن فاران من الرمال من شمر وسبق ان كتبه في هذا المضيف وانا من قبل يومين كنت ابي ابحث عنها ولكن انشغلت ويمكنك ان تستخدم خدمه البحث
في مضيف قصه وقصيده وكذلك سوف تجدها في المواضيع المميزه بسم بشير اللويش فقد سبق ان المراقب القدير بشير اللويش ان بحث يهذا الموضوع
ابحث عنه وسوف تجده

اخي العزيز ماكر حرار اعذراني لم استطع البحث بسبب مشاغلي ولكنني اعدك انني سوف ابحث عن الموضوع حتى اجده

[ماكر حرار]

أخوي خلف الرويتع مشكور والشكر موصول لراعي الوقيد
ويعطيكم العافية أنا وجدت مشاركة أخوي بشير اللويش
أخوكم ماكر حرار

[راعي الوقيد]

[ALIGN=CENTER][/ALIGN]

[poet font="Simplified Arabic,4,coral,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكب ثنتين يشبهن الاقواس=من دار فيفان الهجر حركني
فوقهن كود الدويرع وجلاس= وسفايفن بين اربعة يلعبني
توجهن من عندنا حين الادماس= ومضى سواد الليل مابركني
حطن علم عذفا يسار من الراس= والظهر مع ورد الحفر يشربني
حطوا لهن مع هثلت الحضر بلاس= عن الحضر واللي بالخلا يسرحني
اليا لفيتوا عند مدقوق الالعاس= الجادل اللي بالمحبة محني
قولوا على حبل الرجاء نطوي الياس= والبيض غيره كلهن يحرمني
لو يندوي جرحي دويته بزفراس= لبني برفاف البيت منكم ومني
والله يعلم بالخفايا والاوجاس= حب بدا من صغر سنه وسني
ياعم ياللي طعت بي هرج الانجاس= طاوعت هرج الناس واخلفت ظني
اطعت بي ياعم دايس ودرباس= وعوارض صدقتها وابعدني
من لاخذا من درس الاسلاف نبراس= تمضي حياته بالرجاء والتمني
اقفيت ادور بظامري كل هوجاس= على وليف بالحشاء غاب عني
تقفى خواطرهم الى جيت عساس= ماتقل منهم ولا الربع مني
مريت دار ماتقل جته الاوناس= ونيت ودموع العيون اذرفني
جيت المراح اللي به العشب محتاس=العشب في مضرب وساده معني
باقي سماد النار ومشاقة الراس=ثلاث لايبكن ولا ينبكني
لي بنت عم ماوطت درب الادناس= ولا دنست يوم النساء يدنسني
ضربتها وانا احسب الضرب نوماس=وطلقتها يوم افخت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبه على قب الافراس=عين نهار الكون لايفزعني
ولو ينشكي حبه على الميت ماناس=يقوم من بين النصايب يوني
ولو ينشكي حبه على ذيب الاخماس=يمشي مع الطليان مايجفلني
ولو ينشكي حبه على حمر الاطعاس=صارت شعير وحنطة يوكلني
ولو البيت مشددينه بالامراس= عين مع الخفرات لاينبنني
حتى النجوم اللي مع الليل غلاس=لو ينشكي حبه لهن وقفني
هليت دمع العين وادميت بالراس=ورافقت كور العيس الياماابعدني
ابعدت نفسي عن شقاء كل وسواس=والبعد احلى من حياة التمني
انا زبون الحرد للخيل مدياس=ياكلشن شهب الشوارب نخني
نفسي تشوم من التدلبح مع الساس=لا عاش من هو عن خصيمه يكني
من شيدوا زينه على غيد وغراس=اليا نسيت رسومهم ذكرني
ياعم انا اللي طلبت الراس بالراس=ياعم شف رسومهم ما انمحني
لو صرت انا المقلاع ماشلت الاضراس=والموس مايقطع بليا مسني
ياصار ماربعك على الراي جلاس=وجنحان طير السعد يلفحني
تصير دوم للصقاقير مدواس=مثل الذي يسمع صفير المغني
والله لو هي ماتبيني فلاباس=لاشك خبثان النفوس طردني
الحمد للي خالق كل الانفاس= اعطى وساع القاع مافيه مني
دار بدار ولا مناحات الاجناس=ياصار مايمناك عينك تزني
دار بها الاكرام لولا بها الحاس= دايم يذكرني ليال مضني

وسلامة تسلمك انت ومن يقرا...
[/poet]

[ماكر حرار]

أخوي راعي الوقيد
أنا أشكرك قبل كل شي
وثانيا أحب أسألك هل أنت متأكد أن القصيدة لعلي بن شويش الأطرق السويدي وياريت تمدنا بدلائل على منسوبية القصيدة للسويدي ولا تفكر اني اشكك بمعلوماتك لا حشا لله الموضوع ومافيه انه في نزاع على القصيدة فالبعض ينسبها لواحد بلوي والبعض ينسبها لواحد رمالي والبعض ينسبها لواحد سويدي

[راعي الوقيد]

العزيز ماكر حرار..

بغض النظر عن قائل القصيدة ، هل وجدت إختلاف في القصيدة عما هو لديك؟؟

اما إسم الشاعر اياً كان فهو ليس موضع نقاش وإن كان فلن اناقش فيه..!!

أرجوا ان اكون واضحاً معك..

فليس لي علاقة لابالسويدي او غيره..

فأهم شيئ عندي القصيدة بغض النظر عمن قالها...؟؟؟

ok
هههههههه

[خلف الرويتع]

الاخ العزيز راعي الوقيد

السلام عليكم ورحمه الله وبركاته




اخي العزيز اشكرك على هذا المجهود وهذه المشاركه

ولكن اخي العزيز اعلم انه يجب ان ننسب الفعل الى صاحبه وانا اول مره اسمع انها الشاعر / علي بن شويش الاطرق السويدي الشمري فقد نسبت الى شاعر من قبيله بلي وصحيح حسب مانسمع من كبار السن ومن كثير من المصادر هي الى ابن فاران من ارمال

اخي العزيز انا مشرف قصه وقصيده في هذا الموقع واتمناء دئماً ان لانكتب غير ماهو صحيح وموثق اخي العزيز ممكن ان تذكر لي مصدر معلوماتك . هذا ليس تقليل من شانك وانا اعلم انك لم تخترعها من بنات افكارك اكيد سامعها ولكن اذا كان مصدرك قوي وموثق يكون درعاً واقي لنا من شرهة الاجواد ولكي نكن ذو مصداقيه . نريد ان نبين الى الجميع الحقيقه ولا شي غير الحقيه

وارجاع بالحق خير من الاستمرار بباطل


اخي راعي الوقيد اشكرك مره ثانيه على هذه المشاركه ومنتظرين الاجابه على الاستفسار ونطمع في المزيد من مشاركاتك الفعاله في هذا المضيف
فنشاطك ملحوظ ونامل الاستمرار


اخوك ابو عتيق

[عبدالله الجعيثن]

اخواني

ماكر حرار
راعي الوقيد

شكرا لكم وتشكرون على فتح الموضوع.

الاخ: خلف الرويتع

القصيده هذي مقتنعين انتم انها لشرعان الرمالي ورافضين اي نقاش للموضوع..بتاتا.

لكن بودي اسأل: القصيده هذي لها مناسبه..بتقولي انه طلق بنت عمه...يعني مافيه جديد.

لكن ابغاك تبحث عن القصه التي سببت الطلاق..وستجد اسم شاعرها في القصه..

وانا انتظر ردك..

وستعلم انها لبلوي.