[ALIGN=CENTER].
صباح الشعر ،،
اخواني واخواتي الاعزاء ( كل عام وانتم بخير )
اعتذر لانقطاعي عن هذا الصرح الشامخ لظروف الدراسه القاهره ..
واهديكم هذه المتواضعه لعلها تشفع لغياااااابي ..
لكم مع الود
(( تفاصيــل الخيــــال ))
[/ALIGN]
[ALIGN=CENTER].
على مجرى نهر شعري وعشقي يانسيم الروح
لعالم شـدني لاغلى خيال باعظم اشعاااري
على نفس الطريق البارحه نزف وعذاب ونوح
وطت ذكرى على فكره .. وعادت جرح تذكاري
تجنـّت مابعد شافت غموض الكائن المذبوح
قتيل وعاش في دور الضحيه كاتم اسراري
طوى ليل العشق دفتر كتابه والامل بوضوح
هجر وجه الصباح بآخر الهمسات مـّداري
دخيلك لاتجي وان جيت عجّل بالزمان وروح
واذا راح الزمان ارجوك اقبل اول اعذاري
قساني او نساني او عطاني او خذاني بوح
تلاقيني على صدر الغلا مكتوب مشواري
رماني غيم عشاق الطبيعه والورود تفوح
عبث عشق السحاب بوردة اشعارك مع افكاري
قفلت اكتابها ذيك الليالي لوغدا مفتـوح !!
تفاصيل الخيال المر موحش اتعب انظاري
كتبتك للشعر بسمه عشقتـك للمعاني روح
نزفتك فكرتي ماضي ..وحاضر قل مقداري !
كفاني والكتاب اللي بديني لو بدى مفضوح
رسمتـك للالم صوره تبروَز في ركن داري
تفاصيل الخيال احلام واقع او بقايا جروح ؟
تخيّـر ماتبي فيني !! وانا بشاور اصراري
اذا ماطاوع الواقع خيالي مابناه صـروح
تخيّـل كوكبي ثاني .. بعيده ..والقمر جاري
واذا كانت بقايا من جروحك نزفها " مسموح "
تعيش انسان" ميّت " في خيالي واعظم اشعاري
[/ALIGN]
رد مع اقتباس
المفضلات