ياخوي والله كل ابوهم (حقاره )
تجي ســوالفهم اليامنــي اقفيت

كل همهم حالي يكب اعتباره
وينبت بجرحي ملح كل ماتعافيت

باتت امانيهم عطاشى خساره
وانا شربت الفوز الاول وشفيت

طبعي وطبعي مايعرف الجساره
ماهي شطاره بس انا شفت واخفيت

عمري قضى وقته يطارد مساره
وجمري غضى ناره طفت بي وطفيت

شديت لك حبل مضى ساق ثاره
وعناد طفل قال : لاماتصافيت

من يوم كنا صغار ذقنا المراره
nوالحين شوف شكبرنا دام ضفيت

ارقى تعب واجمع بقايا انتثاره
واسقي مشاوير العنا كاني اهفيت

حاولت ابكي ليل يضحك سماره
واشفي قليله بأكثري ثار واشفيت

حلم بسما عيني يفك انتصاره
ورفعت كفي للاماني ورفيت

من طيش قلبي سكرته وانتحاره
والعمر خليته وفا .. لاتوفيت

اخوك شامخ مايعيش انكساره
اشبهك وافخربك ولافيك كفيت

وفيت لك مثل الضيا في نهاره
وكفيت ماكفيت .. وانا ميت اوفيت