انتبهوا من صح لسانك ؟؟؟
[ALIGN=CENTER]
من قال صح لسانك افهم مراده
تر مقصده تقعد لسانك من النوم
ولا خص من عنا لمجده جواده
اللي ليا زاد الثمن يفرق السوم
يقطف زهرها قبل يجني حصاده
ويشفي ضمير ٍبين الاضلاع مكظوم
يغوص في بحراً عميقٍ مداده
ويشبك عقود اللول في كل مزموم
هذاك اخذ بالجد درع وشهاده
ويصدق المدلول بصكوك وختوم
مير البلا من جاء وبفمه جراده
ويومٍ نطق ضيع حصيل امس واليوم
يقول انا شاعر وفارس عماده
وهو مادرى انه تايه الفكر منجوم
ضايع دليل وغامسً في سواده
والشعر ينخا يالشواعير مظيوم
تكفون بيتي من يحاول هداده
قصوا لسانه واقطعوا يده اليوم
فـــــهــد النايـــــف
[/ALIGN]
رد مع اقتباس
المفضلات