بسم الله الرحمان الرحيم
اجتمعت بعض القبائل من شمر وظفير وعنزه وغيرهم اجتمعت لها فيضه كبيره
وتعاهدو ان محد يعتدي على احد وقت الربيع يعني هدنه وسموها فيظت الديان وكان عند مفوز التجغيف ربيط الربيط هرب يبي بيت ماجد الحثربي ولاكن
مفوز الحقه وقطع رجله عند البيت فقامت ام ماجد وجدعي البيت يوم جه ماجد
قال وش فيه قالت البيت الي مايحمي الدخيل هاذا جزاه قال وش صار قالت مفوز التجغيف اعتدى على دخيلك وقطع رجله وماجد مايقدر على مفوز الى
بلحيله وقوم ياماجد وزبن بيت واحد اسمه عمر ينتظر حتى تنتهي الهدنه وتحصله فرصه ياخذ الثار فمن الجزع الي فيه ظعفت صحته وصار ماياكل الا قليل
فقالو الناس وش علامك فقالو يمكن عاشقله بنت لهم مزيونه فقالو مري عليه
فلما مرت الا الرجال ماهو حولها فرجعت فقالت الرجال ماني على بال فجو عنده ولحو عليه خذى الربابه فقال
ياعمر يلمدلاه يانازل الخوف
يازبن مسكين لجى فيك منضام
ياخو فهيد يلي بك الطيب موصوف
ولكل منكم يشبع الطير لاحام
يلي على كل الجماعه بكم نوف
عذبتني وانت اتنشدلك ايام
ماتشوف حالي كنها حال ملهوف
ولاالعليل الى على الزاد صوام
ولو قربولى عندي من الزاد بصنوف
وفوقه فقار ولو سيح الزاد بيدام
ولو حنطت البلقى مع تمرت الجوف
ماتقبله نفس عليه الطنازام
سقى مفوز نقوة الغوش منقوم
خيالهن جنب وعفعفةورضام
الي كساني ثوب اسود وانا اشوف
وخلى نقع في سرى عيني ولانام
وان كان ماسويت حق مرهون
وجهي مع الخفرات دقوه بوشام
المهم عرفو قضيته وقالو دامنك جازم باكر نرسل فرس مع احد الجهال وانت روح
لمفوز لي قام يسقي بعارينه واهرب على الفرس الي مع الولد وخذ حقك منه
فعمل مثل ماقالو وضرب مفوز وقطع رجله وركب الفرس وزبن بيت ابن هذال فقالت بنت ابن هذال ابوي ماينقض العهد يلحثربي لاكن ازبن بيت ابن سويط تراه
ماحضر العهد وركبالفرس مره ثانيه وزبن بيت ابن سويط وسلم
رد مع اقتباس
مشرف مضيف الترحيب والتعارف
المفضلات