نزلت لك راس حشا عمره لغيرك مانزل
وخضع لك ولا عاش ابو راس لزولك ماخضع
يا غاليه واللي خلق ماهي سواليف وغزل
لا والله الا حب جد وعشق وادمان وولع
حبك مثل حب المطر عند بدوي راعي ابل
ولا مثل حب البخيل لكل ماهو قد جمع
احبك انا كثر حب الخلق, لا والله دبل
لي عين تبكي لشوفتك, لي قلب ماشبع
انت لي اقرب من يدي وانت لي ابعد من زحل
لا انا احتويتك ولا طيفك من عيوني طلع
بدونك ايامي نكد من غيرك سنيني ملل
وفي غيبتك قلبي شقي مسكين ماحصل سنع
فكانك هجرتيني اكيد تلقين غيري بالهبل
بس اذكري عاشق ماطاع فيك ولا سمع
وانا ابا اصبر وانتظر ,ماسك على خيط الامل
وكم عاشق خان العهد وراح وبعد مده رجع
والله خلقني اعبده وخلق خفوقي لك محل
وخلقك ربي لي عنا وهم وهواجيس ووجع
سبحانه الله خالقك, الــله سبحانه وجــــل
اعطاك من يوسف حلاه, وزادك شويه دلع
وفي الختام ابسألك وشلون راسي لك نزل
وانــا العزيـــز اللي بــيوم لغير ربه ماخضع
رد مع اقتباس
مشرف مضيف الترحيب والتعارف
المفضلات