قصائد أمراء آل رشيد(8): محاورة بين الأميرين متعب الحمود وضاري الفهيد
محاورة بين الأميرين متعب الحمود العبيد الرشيد وضاري الفهيد العبيد الرشيد
أرسل الأمير متعب الحمود العبيد الرشيد-رحمه الله- هذه القصيدة للأمير ضاري الفهيد العبيد الرشيد وذلك حين طال بقاء الأمير متعب الحمود خارج دياره في الغزو
يقول -رحمه الله-:
[poet font="Simplified Arabic,14,black,bold ,normal" bkcolor="" bkimage="http://www.shammar.org/vb//backgrounds/15.gif" border="double,4,gray" type=0 line=350% align=center use=ex char="" num="0,black"]
راسٍ على الصكّات عـدّى على أيـوب = بالصبـر والإيـقـان والاحـتسـابِ
اهـبْ يا وقـتٍ من الخيـر مسلـوب = وقـتٍ به العـاقـل خطير ٍ ينـابـي
وهبّيت عمرٍ عن هوى النفس محجوب = حقّـه من اللـذّات عـدّ الـوجـابِ
بـاح العـزا مني وسجلـت مكتـوب = وابديت به سرّي وغـاية جـوابـي
وكـزّيت منـدوبٍ يصلّه لمحـبـوب = عنّي ويخبر صاحـبي في جـوابـي
وقلّه تـرَنْ من ضيم الأيـام مركـوب = ألا ولا يخفـاك لحْـق القصـا بـي
ذكرت بيـت اللي بالأفـكـار متعـوب = عـزّ الله إنّـه قـال بيـتٍ وأصـابِ
اللي بصـوب وعيلته عَنْه في صـوب = هـذاك مثلي بالعـنـا والـعـذابِ
ومن بعد ذا قلّه ترى الـردّ مـاجـوب = بخـطٍ لعـل الخط يبـري صوابـي
الأمير/ متعب الحمود العبيد العلي الرشيد.
فرد عليه الأمير ضاري الفهيد العبيد الرشيد-رحمه الله- بهذه القصيدة:
دنيـاك هـذي تقـل دولاب دالــوب = تفني عـمـار النـاس بالاقـتـلابِ
نوبٍ تزين وحـادث الدهـر مرهـوب = طبعت على التفريق بين الحبـابـي
قد فرّقـت ما بين يوسـف و يعقـوب = وإلا فأنـا وجـدي على قـدّ مابـي
لي صاحبٍ شخصه عن العين محجوب = ولا ساعةٍ عن عيـن قـلبي يغـابِ
أقـفى وأنـا قفّيت والدمع مسكـوب = وفزّيـت له عقب مْيَـةٍ في حسـابي
وصارت تحاسيبي مواعيـد عرقـوب = ما أنكـدك حظ إمر ٍ تعـدّ الوجـابِ
بجمـاد منيـوبٍ وشـوال مـكلـوب = وبهـلال عاشـورٍ نبيحي بـدا بـي
الأمير/ ضاري الفهيد العبيد العلي الرشيد.
[/poet]
---------------------------------------------------------------------------------------------------------------
وفي قصيدة أخرى للأمير متعب الحمود العبيد الرشيد-رحمه الله-
[poet font="Simplified Arabic,14,black,bold ,normal" bkcolor="" bkimage="http://www.shammar.org/vb//backgrounds/32.gif" border="double,4,gray" type=0 line=200% align=center use=ex char="" num="0,black"]
قصيدة للأمير متعب الحمود العبيد الرشيد رداً على الشيخ راكان بن حثلين
الـحـرب يـا راكــان تـوّه جـديــدي = تركـض به الـقـرح وتـغـدي فـلاهــا
أمّـا مشـيـت لـنـا عـلى مـا نـريـدي = تـاطـاك درجـات الرمـك في حـذاهــا
وعـشيقـك اللي مثـل عـيـن الـفـريـدي = دوك الـدويـش مـقـيّـلٍ في حـشـاهـا
الأمير/ متعب الحمود العبيد الرشيد.
[/poet]
تم بحمد الله لــــكاتبه....................ســـلايـــل عـــبــيــد...............
رد مع اقتباس
المفضلات