مساء الخير .. والإحساس iiوالطيبة
مساءٍ .. مايليق الا باحبابي
مساءٍ غير غصن لطير iiيح****
عن اللي مسكنه جفني iiواهدابي
هلا باللي احبه كثر iiتعذيبه
وكثر ماهو يغيب وكثر iiترحابي
حبيبي هو ولو ماقصّر الغيبة
ولو عن بسمتي قد طوّل غيابي
اعرفه زين وعيتني iiاساليبه
عدوي يوم .. ويوم اقرب من اصحابي
ملكني بين ترغيبه iiوترهيبه
يفارقني وهو واقف على iiبابي
به الصادق به الغارق باكاذيبه
يبي بعدي .. ودمعه بلل iiثيابي
به القسوة .. به الرقة .. به iiالهيبه
به الضعف القوي به نشوة اغضابي
هلا باللي يصيب العطر iiبالريبة
يقول العطر .. انا زايل ويبقابي
هلا باللي يقول الورد وش iiليبه
من المهدى ؟ .. انا او هو iiلأطيابي
هلا باللي عجزت ألقى iiعذاريبه
هلا باللي تحبه .. كل أسبابي
مساءٍ فاق كل الشعر ترحيبه
بجية من سكن جفني iiواهدابي
مساءٍ فاض بالإحساس والطيبة
مساءٍ .. مايليق الا باحبابي
_______
عبدالرحمن بن مساعد ,,,,,,,,,
_____
تقبلوا تحيات أخوكم /
سالم الشمري _ الدمام
رد مع اقتباس
المفضلات