[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
رفرفي يالمملكة فوق هامات السحاب = إهطلي غيمة حنانك علينا والدفا
باب مجد وينفتح منه آمد تسعين باب = للمخافر لين يزها القصيد ويرعفا
نفتخر مابين ماضي وحاضر مايغاب = رافعين روسنا فيك يا أرض المصطفا
وش حصل وش ماحصل دوم مرفوعة جناب = المعزه والشهامه وبيرقنا حلفا
مانساوم فيك أبداً ولانبدي عتاب = مانجادل هرج حاسد وحكاية قفا
تابعينٍ رأي ابو متعب الشهم النجاب = خابرينه لاقطع عهد لعهوده وفا
تنقطع أيمان منهم يودون الخراب = من سعى بالخبث رجله شكت جمر وحفا
مانهاب الموت الموت لأجله وترخص له رقاب = عندنا أهون ترى الموت من كلمة أفا
من طمع بالمملكة مثل من يطرد سراب = والله ان الذل من فوق راسه يهتفا
يابومتعب يابومتعب لك الله مانهاب = وأنت سيفٍ في يدينا صقيلٍ مرهفا
لاتلاوت في يمينك يحلن الصعاب = بيدك عنان الكوايد وبيدك تعسفا
وين ماسارت بك الرجل يحسب لك حساب = لك مهابات المحنك شجاعٍ مااختفا
مملكة نبع الشيم فوق هامات السحاب = بيرقك ساطع به النور عزٍ رفرفا
كل هاالعالم بكفه ولو حفنة تراب = منك في كفه رجحتي على الكون وكفا [/poem]
.
