قصيد الرؤيا المنامية ,,,,

رأيت في ما يرى النائم … أن رجلاً أتاني وهو ينعى إليَّ أمي
( حفظها الله ورعاها ) ….

فقمت من نومي فزعاً …. واستعذت من الشيطان … وكانت هذه القصيدة ….

جاني رسول في منامي ونعاها ** وانا غذيت بصكة الحلم محتاس
مدري أصيح وتنثرالعين ماها ** وغلا أطيح وألحقه بين الارماس
والا أنوح وأرسل الصوت وااها ** والا اعلن الإضراب عن كل نوماس
اظلم علي الصبح وضاقت سماها ** والعين ترسل دمعها اخماس واسداس
ونسيت دربي ورحت اركض وراه ** غصب علي ياناس ياناس ياناس
نفسي على فقد الحبيبة تلاها ** همٍّ وغم وحزن وآلام واتعاس
حلم رماني بالمتاهة وجاها ** قلب جعلها بالمتاهات نبراس
هذا منامي لف نفسي وطواها ** وشلون .. لا .. لا .. يازمن جبت الافلاس
أمي سكن روحي ومسكن رضاها ** منها رضعت الطيب والعز والباس
أمي جمال الوقت أمي حلاها ** ياكيف أبنسى ملمس الفل والآس
يارب تحفظها وتسعد مساها ** آمين ـ قواوا ـ واطلبوا رفعة الراس



وعلى المحبة ,,,,

اخي العذب

آمين آمين آمين

الحمدلله انه كان حلم

ولكن حلم طلع قصيده رائعه

صح لسانك وانشالله الوالده ما ترى باس

اخوك ابوعلي

انشاء الله ما تشوف الوالده شر...
والله يخليك له..وعسى دايم الدوم بار....

ابو علي ....

سلمك الله ... وزادك من خيره ...



وعلى المحبة ,,,

الاخ طلال ...

عساك ما تشوف شر



وعلى المحبة ,,,

نعم الام
ثم الام
ثم الام
يالله يالعذب لقد ابحرت بي الى حيث لااعلم
دائما قصائد الام تشدني
الله يخليك لعينن ترجيك
الف شكر لااناملك

بسم الله الرحمن الرحيم



اخوي العزيز العذب اولا وقبل كل شي الله يحفظها لك ويمد بعمرها ويعطيها الصحه والعافيه وكذلك سائر امهاتنا اللهم آمين 0





وعسى حلمك خير انشاء الله 0

واذا بغيت الصدق ودنا انك تحلم بس من غير شر بدون مايلحق عجوزك اذا ولا يلحقك انت تعب ومضره عشان تكثرلنا من هالنوعية الفريدة 0

000000000000000000000000000 تحياتي لك ،،،

مياسة ..


سنعوسي ...


بارك الله فيكم ...


( اللهم اجعلنا ممن يوفي الأم حقها )



وعلى المحبة ,,,,

العذب ... وش أخبار الوالده.. ان شا ىالله بخير

أنا تذكت قثيدتك وقلت لازم تاخذ حقه يالغالي

العذب

صح لسانك

وأنشاء الله ماتشوف شر لا الوالده ولا غيره ياكريم.

اخوك: الغازي

العذب

صح لسانك

الأم تستاهل منا كل غالي ونفيس

ولن نوفي حقها أبدا.

أدام الله والدتك بصحة وعافيه.

سنجار.

الإخوة :

طلال

الغازي

سنجار


لكم الشكر الجزيل ...


وجزاك الله خير يا سنجار على رفعك القصيدة

الله يرفع قدرك



وعلىالمحبة ,,,

صح لسانك


والحمد لله انه حلم


وماتشوف الوالده مكروه وعساك سالم لها قل ان شاء الله


لك الاحترام


اخوك

ابو عذاري

تسلم أخوي أبو عذاري


وعساك سالم



وعلى المحبة ,,,

صح لسانك يالعذب.
والله يخليلك أمك ويحفظه من كل مكروه..
وأبعلمك بشي بس لا تعلم أحد :/
أبنزل قصيده لأحد الشعار بالأم منها هالبيت:/
عزّ الله ان الأم هي شمعة البيت****وبيتٍ بليا الام مابه مسّره

[c]آمين[/c]



[c]آمين[/c]



[c]آمين[/c]



[c]الله يحفظها لك ياأستاذي الرائع[/c]




[c]الأم شي مهما فعلنا في حقها فلن نوفيها أي شي[/c]



[c]ومانقول إلا خيراً رأيت إن شاء الله[/c]



[c]ودمت[/c]