ياهلا والله تفضلو يالله حيهم
تقههوا وأقدعو من هالفنخاء
ام الرغفان جهزي الصاج والشخاط والقاز<<<عيون الشيبان يتلاقطن فيه انا
بالموضوع:232r:
شيبان الغفله تعالو جاي صفو طابور
اسحب الكرسي واجلس واراعي لهم واحد واحد اتمقل بملامحهم الشهباء
بعذر الشبث بكم لونجشكم الياما يقطع بطونكم
هـــــــــــدوء
هدوووووووووووووووووووووووووووووووووووووو ووووووووووووووء
غيم عليهم ماقدرو يعبرون لانهم يدرون انهم مسوووين بلا
فرقعة اصابع
قلق
توتر
عرق يصب
موسيقى رعب حقت اندر تيكر فجئه انقلبن عيوني بيض وطلع من اذاني دخان
وصرخت عليهم بصوت عالي وقلت لييييييييييييييييييييييييييييييييه لييييه
من قو الصوت اهتزت الارض وطاحت عقلهم
وش بلاكم انتم امسك واحد وأغولوه وعلى غفله ارفس الثاني مع بطنوه
ليه هلللللللللللللللون انتم ماتستحون ماتنتخون وجيهكم ماتعرق من الحياء
ابفهم كل هذي شفحه وتقولون ليه قل المطر وانقطع
ابروح للفله وأجيكم ياويل واحد يتحرك من مكانوه
عندي لكم سالفه غريبه الا مطمه وظاهره ادت الى ارتفاع اسعار الشعير
جاني اخوي الساعه 7 الصبح طايرات عويناتوه يقول ام الشيخ بسرعه
البسي عباتس واركبي ابوريتس شي يهوول
عاد انا من الشفايه انعميت ولبست عباتي بالمقلوب ولبست تكرمون نعوول
ابو الشيخ سلوم من العجله اخاف اخوي يهون اذا ابطيت وحنا نركب ونروح
لمكان لقينا فيه امة الثقلين مجتمعين بساحه كبيره وكل السيارات الموجوده
جيوب شاص ودداسن كان ماني واهمه اني شفت جمران هناك
قلت وش السالفه مذبوح احد فيه حرب واكثر التواجدين من فئة الشيبان
والشباب الصغار
قلت وش السالفه يافلان قال اصبري وهو يدور بالسياره ويوقف مسافة نص ك
قال تشوفين الجيب هذاك قلت كلهن جيوب قال لا هذاك اللي واقفين عندوه ثلاثه
لابسين شمغ عراقيه وثياب شتويه بعزالصيف قلت ايه اكيد هذولا رشايده
قال لا هذا ابوي وأخوانتس
ياويلي ليه وش بلاهم لابسين هللون لايكون يتسولون قال حول التسول قربتي
علشان الشعير ملعون المترس
مافهمت شي وليه متنكرين قال علشان يروحون لم اللي يوزع الشعير ومعهم
ورقه وحده يتداورونه اي تصريح بصرف الشعير وكل شوي ياخذه واحد
منهم ويروح ويستلم ويرجع ويعطيه الثاني واذا خلصوا لبسو ثياب صيفيه
ورجعو يسلمون من جديد لان كل شخص مايستلم اكثرمن عشرين كيس وهم
يستلمون بهالطريقه حول الميه طبعن انا فاتحه بلهوثي ومفهيه وأنا اقول ليه
ارتفع سعر الشعير وليه غنمنا طلع به خراج وكل شوي ناقز منهن عشرره
وميتات بدون سبب والقمل والقردان لعب بهن لعب اثريهن ياكلن شعير مسروق
ولحمهن مروووح لاريح ولا طعم مثل طاقية الشبث
وانا اروح على طول واسوي هالدعوه العامه للشيبان ابروح لهم وانتم وراي
هاه منهو اللي تحرك من مكانوه ابذقعوه بيد النجر
هالحين ليه ماتعطون غنمكم غير الشعير لازم شعير الله انزل من النعمه اشكال
والوان ماسكين على هالمهسهس عطاوه اللي
وش يصير اذا عطيتوهن رز اوخبز اوصامولي محشي جرجير
عطوهنخضار سلطات كبولهن بهالمعالف من هالخيار والجزر خلو لحمهن
يزين وبشرتهن تصير صافيه سنه كامله وهن يعلفن شعير وملح خشن علشان
يحمضن
اشوف موضوع الشعير صار اكبر من حجمه كله بسبب طمعكم وجشعكم
ابو غازي المسكين كل مايروح يبي يشتري مايلقا شين بالسوق لدرجة انوه
حاجز لبريطانيا يبي يجيب شحنة شعير بدال مايتمشى هناك يحمل شعير
وجمران بكل موضوع يشطح ويسئل عن سعر الشعير وانتم السبب
اييييييييييييييييييييييييييييييييييييييي يييييييييييييييييييييييييييييييييييييييي ييييه
من قلب
تحول مجلس الرجال الخارجي بالحوش الى مخزن للشعير في بيتنا وغزتنا
الفيران والجراذي (((والعوض على الله)))
اتمنى ماطولت عليكم وانا ادري اني طولت السموحه يالربع وانتم يالشيبان
اببلغ عليكم وأولكم ابوي لأنوه قام يهدي ويتميلح يعني ماهو محتاج وغيروه
غنمهم يفاغرن من الجوع
